尋晚~ 工人話落過平台, 行咗一陣~見多蚊就返上樓..
今朝~見恐龍仔一邊腳眼腫咗.. 心知不妙!
邊隻衰蚊咁好胃口呀!!!!
今晚~見到豬腳仔又紅又腫, 俾佢R到開始甩皮喇!!! 心痛c~
諗住同佢影吓隻豬腳, 佢話: yes
之後仲叫恐龍好影手手..
叫佢做個"嘻嘻"笑個樣~ 好鬼唔自然呀!
之後~恐龍仔要自己學影相! 因為呢部唔係傻瓜機, 所以..一嚟佢唔識用, 二嚟唔想俾佢玩爛, 所以~暫時無緣欣賞恐龍仔嘅作品喇~
至於點對付隻豬腳~ 恐龍媽無乜計! 不過正考慮用小倩個"退熱貼"法, 起碼R唔到嘛!
update on 14 May morning:
一話貼貼~恐龍仔就逃走!
搵人捉住呢? 不停叫: 唔愛! 唔愛!
然後.. 大叫: 媽咪幫你remove~
(佢未搞清楚 "你" 同 "我" ~)
最後~ 响佢腳度停等咗大約十分鐘.. 响無人看管情況下, 自己整甩咗!
原本諗住去曼谷架~ 因為嗰邊成日政變, 都係唔好搞d高危嘢喇.. 所以~ 都係去熟識嘅台灣~
咁~ 去過台北兩次, 今次不如去台南?
都係唔好~ 因為計劃遇上台灣假期, 墾丁好多民宿四月時check都已經滿喇!
咁~ 又去台北啦! 因為恐龍爸想Hea~ 咁我地可以逛書店, 浸溫泉~ 再擦-擦-擦!
唔好開心住~ 恐龍媽忙完考試先有時間睇旅遊書.. 又要煩工人d嘢.. 所以~ 睇中嗰間酒店full哂! 其他都好full呀~ 因為budget問題, 機票貴~酒店又貴.. 恐龍爸想縮沙! 好在經過努力之下, 有一個service apartment回覆.. 叫Grace Apartment呀! 其他嘅, 有d full哂 (包括好似好正嘅 [住宅管家]) 有d就半日都未覆! 好彩~ 呢個Grace覆得真係好快呀! 仲肯方便我地, 可以遲少少check-out~ 同埋按金收港紙呀!
第一個印象咁好... 就仲睇埋到時係點嘅~~~
仲有機票~ 第一間打去check嘅.. 竟然話最平$28xx! 仲要話酒店好full, 無哂平房! 嚇壞恐龍爸! 恐龍媽唔甘心~ check多一間, $1600! 就咁決定啦!
仲有~上網做埋入台証喇!
諗住差唔多搞掂~ 點知白痴恐龍媽發現唔可以滙台幣過台灣!只可以匯美金/港幣, 仲要收$200手續費! 因為拖住人已經第三日喇, 最後响Sandy提供嘅酒店網揾過第二間apartment, 呢間都响信義區, 不過會遠少少, 但係會係大型嘅~唔係私人自己做幾間屋嗰d, 收信用咭! 都係剩返一間房咋!!!
唉~一波三折~
順帶想講: 如果大家要去台灣, 想租apartment, 又唔介意俾按金同埋銀行手續費嘅話, 可以考慮Grace Apartment! 因為Grace真係好好人, 好細心, 佢知道我取消訂房時話我知: 其實佢原本諗住買個蛋糕俾我作為驚喜架! 租呢d私人apartment就有咁嘅好處，屋主會好有人情味~ 而企業式旅館一定無嘅!
其實响BK都搵到好多料~ 仲有入境處
不過.. 因為我大頭蝦+忙, 再遇着個麻煩工人 (又passport就快到期, 又話要回鄉, 再加上要改名!!!!!)
總之~ 嗰d 料都係唔夠幫到恐龍家~
首先~ 你要去入境處攞form, 份contract係一式四份嘅, 無得download, 你去攞嘅時間, 會夾埋其他嘅form架喇 (所以有得download都無乜用, 始終都係要去親身上去攞... 不過有兩張form, 可以download咗, 然後打好至print, 會靚仔d囉~)
填好contract, 賓賓要攞上領使館打印, 需時7日!!!!!
申請提早續約嘅, 要留意: 終止合約/新約生效前4個星期至14天後, 可以去入境處辦手續~ 如果你不幸地好似恐龍媽咁, 失哂預算嘅, 記得, 個工人可以响你屋企住, 不過記得同佢講: 你唔好做嘢呀! 因為, 佢個working visa 無效, 直至入境處批個新visa俾佢~ 佢先可以同你打工.. 我諗~工人姨姨應該好鍾意同恐龍仔玩嘅.. 佢自己都要洗衫.. 佢自己都要煮飯食架! 無人工都無所謂嘅~
係呀~ 過門都係客, 我唔會叫佢幫我地做家務~ 但係如果你屋企個客人係都要幫手做d家務, 作為住你食你嘅回報~ 咁點算呢?!
留意工人個visa 幾時expiry, 因為個work visa只可以去到佢個expiry date, 即係話, 如果你想再請佢, 你再要入多次申請 (多謝~又幾百囉!)
之但係~ passport要成個月先出到架! 如果等唔到, 而又唔足兩年.. 自己諗夠期仲要唔要佢囉~
仲有~ 如果個工人突然想話要改名 (因為佢結咗婚, 之前未改名), 記得要提佢做香港身份證喎! 不過~ 呢樣好簡單, 預約咗~即日就搞掂! 佢自己俾四百幾~
仲有少少花邊~
就係: 外傭組個電話係唔通架, 你想佢覆, 要朝早留口訊, 佢覆電話都有quota架! 我就因為急~ fax咗個問題, 個幾鐘就覆喇! 想多謝入境處d先生小姐, 真係好helpful, 佢真係想幫你架!
另外~就係如果你地好似恐龍家咁"發咗", 要請工人照顧老人家, 又諗住搬佢地走.. 咁~ 要記住: 要用老人家個名請工人呀! 因為~ 工人要跟老板住, 唔改地址又唔得(保險嗰度有地址架!) 唯有~ 辛苦自己啦! 係呀~ 恐龍媽俾入境處嚇傻咗, 依家唯有兩邊住囉!
唉~ 唔知點先叫嗰邊住呢?
今年母親節.. 恐龍仔係主角 (有乜家庭聚會唔係主角呀?!)
一早, 恐龍媽帶恐龍仔去超級市場買咗一束康乃馨, 然後上樓探嫲嫲! 响架lift度, 恐龍媽叫恐龍仔攞住束花, 話係送俾嫲嫲嘅~
恐龍仔見到嫲嫲打開門, 然後好大聲講: 送俾嫲嫲!
嫲嫲當然開心啦~
之後~ 我地去咗飲茶..
然後去豐澤玩咗一齊雪櫃門.. (嫲嫲帶恐龍仔去擇雪櫃~)
再去平台遊樂場玩咗一陣.. 之後就返屋企午睡~
-----
四點幾~ 俾婆婆吵醒午睡中嘅恐龍媽, 於是~ 一家起行去婆婆屋企~
恐龍仔被抱咗出街, 又無瞓返, 又無發脾氣, 一路上响巴士都好乖!
跟住~ 又買咗束花, 送俾婆婆~ 呢次恐龍仔無今朝咁醒神喇, 只係送咗束花去婆婆手就算.. 走咗去玩!
不過~ 婆婆都好開心~
-----
買兩束花~ 恐龍爸都唔响身邊.. 無任何表示!
無人記得恐龍媽都應該享受快樂母親節!
恐龍媽早排定咗個tank..終於到咗! 本來因為尋晚遲返屋企, 都諗緊俾唔俾恐龍仔玩, 因為忙佢興奮過頭瞓唔着!
最後~都開咗..
佢捐出捐入.. 好興奮!
仲邀請媽媽入佢間新屋!
之後出返嚟"行大運".. 最後玩到反轉再反轉!
仲有: row row row the boat...
差d唔記得講.. 仲有好多朋友仔~一齊玩!
恐龍仔學識講: 好鍾意~ 好開心~
佢平時好少為一樣嘢咁興奮架!
之後.. 同佢擦牙~ 佢自己响房推張櫈出嚟!
擦擦吓~ 可能有d水跌咗落氣管.. 佢開始不停咳!
以為咳一陣就停~ 唔俾佢玩同講嘢, 等佢calm down..
咳少咗~ 不過氣管收窄, 呼吸聲.. 好恐怖! 恐龍爸細個有哮喘, 所以, 見到恐龍仔咁~大家都好擔心+心痛!
經過苦戰連場... 最後咳住飲哂d奶... 咳住瞓着!!! 佢好攰喇! 如果瞓唔着~我地會去睇医生~
今朝~又無事喎! 不過, 第時都要小心, 真係好大陰影~
恐龍媽响其他blogger發現咗呢個姓名個性分析.. 8卦玩吓恐龍仔個名..
http://www.fatemaster.tw/name.php?
內在想法
*心思非常細膩、很喜歡思考，對自己的想法很堅持
*平常謹言慎行，比較喜歡低調行事
*會隱藏真實的自己，表現出比較好的一面
*性個溫和有禮，不容易與人起衝突
*有時會考慮很多，讓人覺得很優柔寡斷
外在行為
*粗中帶細、具有感性的心
*個性活躍、不怕壓力，而且很有膽量
*敢衝、敢拼，容易帶動週遭的人跟著你行動，對群體的影響力很高
*第六感強，眼光獨到精準
*有時會有我行我素，不顧別人的感受
準唔準就唔係好知.. 不過好似都唔錯啦.. 好多人都話恐龍仔係思考型架!
咁恐龍媽呢?
內在想法
*思想比較主觀且內心很有自己想法
*想法比較內歛，常常隱藏自己的想法
*喜歡凡事行動前事先規劃再執行 (好憎恐龍爸嘅impulsive~)
*不喜歡被了解太多，內心世界不容易被人察覺
*相當固執，即使錯了也不在乎 (yes~)
外在行為
*個性穩定、行事作風保守的人
*有時候會太堅守原則，讓人覺得很難溝通 (I know~ I know~)
*重視家人，常常會以家人的意見為中心
*有恒心毅力，不會半途而廢 (錯哂!)
*個性較直來直往，很容易被看穿心事
但係~ 咩叫做 "內心世界不容易被人察覺" 但係又"容易被看穿心事" 呢???
到恐龍爸喇~
內在想法
*想法非常主觀，很有自己的看法及意見
*頭腦冷靜，判斷力及敏銳度比一般人深遠
*喜歡新鮮事，討厭一成不變
*只相信自己的判斷，常常不信邪，屬鐵齒一族
*有時太過好高騖遠，讓人覺得有點自大狂妄
外在行為
*行動力不夠積極，耐性不夠多
*說得比做的多，常讓人覺得光說不練
*只要打定主意，心裡有目標，就會很積極去做
*自以為很有說服力，其實常常抓不到重點
*能屈能伸，遇到狀況不妙懂得退一步
唔準多過準喎~
再來個戀人分析
來電指數：86%
契合指數：★
*男生被女生的活潑外向給吸引了
*女生對於男生的深情很感動
*女生有時很受不了男生太自私了
*婚後老婆適合與老公一塊創業，陪在老公身旁工作
*兩人吵架很容易吵到臉紅脖子粗，需要冷靜兩三天後才能平靜
*有小孩後更容易吵架，小孩適合給褓姆帶
利害~ 第一part全中呀!
恐龍媽好無記性架.. 轉頭就唔記得嬲乜架喇! 而且~恐龍爸從來都唔say sorry嘅.. 我唔想嬲壞自己囉~
呢個係恐龍舅父舅母~ (希望佢地唔介意啦~)
來電指數：55%
契合指數：★★★★★★★★★★★★★★★★★★★★★★★★★★★★★★ (有無搞錯?! 點解恐龍爸媽咁低架?!?!?)
*兩個人在感情上都曾經受過傷害，所以一開始也會很珍惜對方
*雙方很難容忍一些過錯，若交往中看對方有些不好的地方，就很容易變心
*兩個人的眼光都算高，看到更好的就容易放棄原來的
*如果兩人的結婚年齡太小，很容易因為吵架而分離
*如果兩人的心智都成熟了，就會特別珍惜現在的婚姻
*雖然會各自忙碌於工作中，也會安排時間外出旅遊散心
恐龍媽流年..
整體運勢
沒什麼動力，運勢也很平淡，不好不壞。
下半年後運勢好轉，會有一些些好康的事降臨。
工作運勢
工作運算是平平，過一天算一天。
年底時也許會有些小小的紅利，讓你開心一下。
金錢運勢正財運會好一點點，偏財運也有一些，可以碰碰運氣。
感情運勢有對象者感情還算順利，平平。
單身者會有對象出現，可以好好把握。
健康運勢
有小病要快去看醫生，一直拖會越來越嚴重。
