嫲嫲哭了~

外遊返到屋企, 等恐龍仔瞓咗~

恐龍爸同爺爺傾買樓方案, 老人家似乎好明白難處, 不過, 爺爺覺得住邊度都唔緊要 (最緊要佢銀行戶口內數字多少..) 所以, 堅決唔加碼!

另一邊箱, 嫲嫲經電話得知:如意算盆打唔響, 住唔到睇中嘅200萬單位 (海栢5xx呎單位/兩老住), 就鬧恐龍爸: 當年為恐龍爸一家付出佢嘅所有 (不過已經全數歸還, 有多無少) 依家一無所有(自己駛哂!) 就要佢住d鬼地方 (只不過買唔起200咁貴啫~又無話要佢住唐樓村屋!)

聲淚驅下~ 意氣之下, 要搬出~要返廣州住!

仲要講講吓收線!

佢呢家人, 人人都自私, 以為俾咗錢出嚟就萬能, 唔知道米價! 做仔(叔仔)嘅又無諗過自己都有責任照顧兩老!

最後, 嫲嫲諗清楚邊個對佢最好 (恐龍爸), 邊個出錢出力做緊嘢.. 所以, 約咗恐龍爸出街傾計..

希望盡快了結買樓嘅事~

恐龍媽忍緊嘅~ 係非一般嘅問題; 住緊嘅~ 係唔適合小朋友成長嘅環境!

其實~ 如果嫲嫲高興, 恐龍媽可以讓出大屋俾兩老住, 恐龍家搬去住居屋/村屋! 

唔好再嘈交啦!

如果要話恐龍媽自私, 只不過唔要聽見有人嘈交, 唔想有人長時間喺廳~ 小朋友連响廳玩嘅空間都唔多, 要留响房!

唔通~ 做個無complain 唔黑面 嘅媳婦就等於唔自私?! 嫲嫲自己都唔鍾意佢奶奶啦!

 

 

是日~ 做節

朝早~

第一個親子活動:

捉Miffy!

恐龍仔好鍾意Miffy, 而鏡頭外..

恐龍仔都叫Miffy們相親相愛: Ng-MAk!

仲有Melanie~

今日~ 因為暖d, 所以無著到羊仔衫, 唔可以同星仔扮双公仔呀!

今堂, 恐龍媽俾Sam Sir 玩到氹氹轉!

係呀~ 我地玩轉盆, 要媽媽抱住小朋友呀~

恐龍仔就笑得過喇! 佢阿媽暈咗分幾鐘呀!!!

------

夜晚, 出咗黃大仙同公公婆婆舅父舅母表弟舅公舅婆表舅父做節!

恐龍仔攞咗表弟本書睇

好鍾意睇書喎~

今晚, 九点前返到屋企啦, 不過有d眼瞓豬唔願瞓

因為

要睇MOON!

開浪夾衣

恐龍媽今晚同恐龍爸响街食飯~ 回程, 終於見到著開浪夾衣BB嘅真身!

話說~ 恐龍仔出世無耐, 嫲嫲响廣州Jusco買咗d $100兩件嘅BB夾衣俾恐龍仔, 其中一件就係聞所未聞嘅開浪夾衣! (嫲嫲話: 得一件唔係開浪架咋!)

當然~ 未俾恐龍仔著過啦!

第二次見到, 係一本大陸講親子遊戲嘅書, 裡面一張插圖: BB都好大, 有歲幾, 見到重要部位!

今次真身, 出現响火車頭等車箱, 一個好靚女嘅BB! 大概都有一歲, 天氣凍~ 穿得厚厚! 誰不知.. 當媽媽抱起, 改變抱嘅位置嘅時候-----恐龍媽見到patpat肉光一閃! (幾層衫都係開浪!!)

跟住嘅時間, 不停咁偷望通道另一邊嘅鄰坐, 可惜, 再無肉光飛閃喇!

無聊嘅恐龍媽諗咗好耐: 到底, 係咪大陸d B叻d, 好早搞掂toilet training.. 定係, 其實都係BB, 無特異功能, 只不過內有機關, 我地唔知?!

Come on~ 唔好話我知: 隨得佢就咁開細呀! 佢阿媽抱得好實, BB坐响大人隻大脾架!

咁~容乜易大人細路都成身濕哂架?!?!

有無熟悉大陸文法人仕, 可以話我知~ HOW?

Sorry Dino~

今晚~ 攞咗新買嘅長型氣球出嚟玩, 學咗兩個生字: 長 / 氣球 !

之後, 恐龍仔搬櫈仔! 然後爬上去(!!) 話: 好高!

想爬電視櫃不果, 竟然想打琴頂嘅相架主意!

(資料圖片)

好啦~ 攞落嚟睇吓.. 佢指住5 months嗰張相話: 喊喊!

咁邊個笑呀? 恐龍仔指住7 months嗰張!

恐龍媽跟住話: 相裡面個BB唔乖呀~ 放Dino d頭髮入口, 幫Dino洗頭! (頭髮?!) 係呀~ Dino d頭髮濕哂呀!

恐龍仔好緊張咁走入房, 想搵床上面嘅Dino.. 恐龍媽幫佢攞啦..

恐龍仔好緊張咁摸摸Dino 頭仔, 然後.. 錫錫! say "SORRY DINO! "

講咗幾次sorry, 一路錫吓摸吓頭仔添!

以為佢乖? 錯喇! 跟手掟落地~ 又sorry! 玩兩玩~ 再掟過!

恐龍媽: Dino 痛痛喇! 唔要同BB玩呀!

恐龍仔: No~ Sorry!

佢個樣真係好sorry咁架!

 

 

 

睇燈飾~ 影燈飾!

 

長氣媽mi 又唔知講乜~

好喇! 爸B準備好, 影全家福喇!

好唔想影~ 要捉實!

尖東~

再嚟一張全家福!

恐龍爸話怕小朋友郁.. 所以較個境深要就返, 所以影唔到後面喎

 

大明星打手印呀!

 

 

難得~出夜街

尋晚, 考完試嘅恐龍媽問恐龍爸: 我地幾時去睇燈飾呀? weekday 定weekend好?

恐龍爸話: weekday啦~

討論結果: 今晚放工去!

於是, 工人姨姨帶住恐龍仔, 拖住相機腳架, 放工時間就响火車站等恐龍媽, 然後再响火車meet埋爸B~

我地向TST出發!

响TST E. 車站, 有個姨姨對住恐龍仔話: 如果係女~ 一定好靚! 大個可以選港姐呀!

咁~ 去邊度食飯好呢?

都係去UCC啦~ 細路都食得嘛!

恐龍仔: 等我睇吓有咩食先!

我地叫咗兩碟長通粉 (咦~講開先覺, 佢俾咗螺絲粉!) 同埋沙津

恐龍仔用牙簽吉corn粒粒, 仲有螺絲粉呀!

最後, 再加咗個什果雪榚waffle

恐龍仔初頭都食生果架, 点知一食到雪榚..

就乜都唔肯食! 不停叫: ice-cream!

恐龍媽同恐龍仔出咗商場等爸B埋單

商場播緊聖誕歌呀!

有人仔又開始起舞~~ 拍子好準架!

跟住影吓燈樹啦~

想走人?

原來係想R痕!

恐龍爸諗住開腳架~ 恐龍仔見到咁新奇~ 点會錯過!

捐捐!

我地影完全家福~ 就收隊.. 準備行出海傍

恐龍仔幫手攞行裝~

行行吓想表演?

去到星光大道, 見到地下燈燈變色~

yellow~ green~ red~ blue!

DIRECTOR?

我想坐上去呀!

無人幫我?

自己嚟囉!

唔該媽Mi!

媽排排坐!

(唔止咁少相架~ 不過因為多數係合照, 所以唔會放响度~)

影咗兩個燈飾境, 已經差唔多九点喇! 要返屋企喇!!!

最後, 十点前返到去, 好耐未試過咁夜喇!

 

 

終於~考完試喇!

終於~考完試喇!

其實, 呢個考試係open book嘅~ 所以都算輕鬆! 只係最近忙group project, 所以無停過!

第一科完成, 仲有6科!!! 最慘係唔記得上網Reg.科, 遲咗~ 搞到又讀唔到想讀嗰科呀! 聽講兩年開一次~ 都仲有機會嘅~~ 唉! 又同唔到朋友仔做同學仔呀!!

------------------------------------------------------------------------

最近~恐龍爸為咗爺爺嫲嫲居住問題, 頭都大埋! 簡單d講: 一家四口, 個個諗緊唔同嘅嘢..

爺爺: 有得住, 銀行有錢就得! 唔好要我俾錢! 幫阿Dee買樓? 最多咁多咋!

嫲嫲: 要幫阿Dee買樓!! 仲要住d似樣d嘅地方! 太cheap唔得!

阿Dee: 命就得一條~ 錢就係咁多! 每個月係攞到咁多!  仲有~ 唔要同兩老住架! 如果要我供樓.. 就要搬去同哥哥住!

哥哥: 你地買樓關我乜事, 仲乜有人要我俾錢! (當budget有限, 供靚樓唔夠$$俾水電煤) 供唔起咪唔好買咁靚囉! 有得住咪算囉! 我仲有一個家要養架!!

唉~ 恐龍媽响呢件事上, 竟然唔係stackholder! 無say~ 輪唔到我發表意見! 總之佢地傾唔埋啦!

唔夠地方住~ 唔想成日聽到嘈交~ 仲可以点?! 其實有Plan B嘅, 不過會好複雜囉!