一早起身...

一早起身，牛牛發現廳中間有張櫈仔

於是，佢搬埋另一張出嚟

轉眼，已經變成咁喇！

~哈哈~

媽媽無理佢，入咗房

突然BOM一聲

跟住Mr. Bump就喊起上嚟喇！

原來Bump Bump玩到跌咗落地！

哈哈！

多謝呀！

多謝哂EOS姨姨送俾兩個小朋友嘅大禮呀！

媽媽見到都尖叫，小朋友見到就不得了！

識爬飯嘅牛牛

今晚去咗探公公婆婆，牛牛竟然自己攞起飯碗爬飯！太可愛喇！

回程巴士上，牛牛突然同媽媽講：我今日好開心呀！
點解呢？
因為見到公公婆婆囉！

牛牛仲可以自己瞓覚，唔駛人陪添！叻仂！

家長日

今日係牛牛K1嘅家長日。

呢份成績表對於爸媽有重大嘅意義！

一直以嚟，恐龍爸媽只見過超人哥哥嘅學習表現，好自然，牛牛被比下去~

以往考試前從來唔會幫哥哥溫習，只會同佢讀一次故事書，唱一次歌仔就算；但對牛牛，我地做咗自家字咭，故事書讀完一次又一次，歌仔唱咗好幾次...

因為我地覺得牛牛記性無咁好，要讀多幾次先記得

但老師嘅評語係：牛牛好OK，係班中算中上，同佢講嘢佢好快明白，講一次就得，只係粗魯d，講嘢粗聲粗氣

老師仲話班中全A嘅人唔多，得幾個！

我地兩老真係好感激老師講俾我地聽，原來牛牛係得架！

當然，我相信好多家長未發功，所以俾牛牛跑出咗，但起碼我地知道，如果肯花時間响佢身上，佢但學到架！

 

城邦減價收獲

偷閒半天，去同買台灣書

牛牛好鍾意呢堆練習遊戲書

我一路都唔太捨得買繪本，見六五折先買

 

之前已睇中，想買俾哥哥，呢度得化學，無物理同生物！

攞咗兩張可愛喵喵咭

Mr. Tickle with extraordinarily long arms!

有日，失暈魚跌咗恐龍爸隻tickle 仔，恐龍爸好唔高興！

响面書問人換，有好心人話我知：書店有Gift set賣呀！我於是上網訂咗，今日終於到喇！

好可愛呀！

小織物

一路想織件頸巾或者圍頸俾哥哥，一路懶，加上覺得d毛冷唔平...
就算响淘寶見到都無買

直至有日，我見到呢幅"布"！
我買咗四碼，11蚊人仔一碼，其實唔知想整乜，可能係兩三件頸巾買咗先諗！

好喇，返到嚟，又懶得搞，亦諗唔通：剪開咗咪會散？！

終於，呢幾日又突然凍起嚟~
然後有人將新買嘅fleece圍頸整唔見咗！
好啦~唯有動動手啦！

其實我只係剪咗大約嘅大小，再用針線收口
睇起上嚟有d厚，唔多對稱，不過顏色係哥哥學校要嘅，睇起上嚟都算見得人...

 

希望阿仔鍾意啦！ 

保良局北潭涌營地~第二日

 

比賽第一晚，恐龍仔同恐龍爸留宿，免除舟車勞頓，但恐龍爸第二日中午就要離場，由恐龍媽接力！

呢度，恐龍媽細個時嚟過三次，分別係小五、小六，同中三。

總有d回憶... 

比賽分七個回合，恐龍媽到時已完成買局，二勝二負，成績比預期嘅理想！

因為對賽嘅多數係中國幾個城市嘅小朋友，佢地訓練嘅機會比香港多

預咗佢地叻好多！

每局差唔多兩個鐘，但越細嘅小朋友就捉得越快，半個鐘出返嚟，然後同佢四圍行！

 

呢度有唔同顏色嘅桃花！好靚呀！

而恐龍仔自己借咗部老爺單車踩，又OK喎~

之後開始落微雨，我地仲去踢足球！

比賽結果，3勝4負，名次中下，中上嘅全部係來自大陸嘅賽員~

預期結果啦！

呢度仲有一樣奇怪嘢，就係伙食！

中午大約一圍十人八席菜，除一碟朱扒之外，全素！包括素蝦、素肉、羅漢齋、腐皮卷。

到晚餐，一樣人頭碟數，但係得一碟菜！其他包括牛柳絲、白切雞、魚塊、朱扒、蒸蛋！

真係想問問佢個廚房：想點呀？！

 

Go go go~ 中國城市少兒圍棋賽

呢個唔再係本地比賽，有其他精英一齊，個個都大過佢，勁過佢

所以輸少當贏架！