Party Time

最近嘅星期日好忙，好多活動！唔係比賽就係生日會！

 

好可愛嘅牛牛好鍾意去生日會，仲話係佢自己生日添！

因為牛牛唔會扭眼瞓計，又見佢好乖唔搞事，所以我地都好樂意帶佢去玩！

 

呢兩個小朋友…都好enjoy魔術表演，而上次兩兄弟係分開玩嘅，估唔到今次哥哥好照顧細佬！仲拖到實一實添！

 

 

問牛牛要咩氣球，佢話要槍~

媽媽建議，不如要車仔？

牛牛話：好！

 

但排到佢，佢都係要槍，仲同哥哥一齊射媽咪！

太過份喇！

恐龍媽記性唔好，耳又唔好…當主人家媽媽過嚟打招呼，我唔單止認唔到，仲要聽唔清楚小主角個名，失禮哂，太醜怪喇！！！

 

其實，呢次都八到d無謂嘢，例如有個恐龍仔K1最老友嘅女仔，抽到甲一女校！！！真係好登佢開心！

 仲有就係，名校叩門都係好重視誠意，但未必要好強勁後台！