書展2013

 

一年一度嘅書展，恐龍媽臨時決定請假去行，因為可以帶兩隻仔感受一下，又可以俾恐龍仔自己揀書！

 

不過今次安排其實未能俾恐龍仔自由活動，行咗兩個鐘就要跟牛牛同工人姨姨返屋企，等佢阿媽+阿爸繼續苦戰！

 

哥哥~當然一入場就被隻老鼠吸引住…

雖然知道新雅買英文版實貴，但係因為得個傻仔自己先記邊本未睇過，所以…廢事帶佢去booklodge
尋寶喇！

 

基本上，兩隻人仔無乜點離開過新雅

…
 (一人一個包，自己帶戰利品返屋企！)

玩到唔願走！
(哥哥返到屋企就話要玩喇！)

玩到差唔多，就食d嘢，送咗佢地走！

臨走，入埋兒童的科學放低銀兩~

 

跟住恐龍媽自己行1樓！見到好多練習簿，好多食譜！有d甚至平到$100/7本！

想買boxset一定係去1樓睇，一間嘢叫publisher，好多box set放响檔面，好易搵！年年都响中間位置！今年我地買咗BK好多媽媽推介俾小學生，話有趣嘅the magic schoolbus! ($29x less
40%)

而本來好吸引嘅雜誌，最終都無訂到，原因係…佢話送兩樽油俾我做贈品！仲要去隔離買一本$5嘅雜誌，攞住裡面嘅$20禮卷，可以平d… sorry，太複雜，慳返算數！(呢排其實…. 好窮！)

 

 

其間，見到有教玩手繩嘅書 (最衰我無影低啦！我小3-4時好鍾意玩架！) ，响經濟日報見到教小朋友理財嘅書… 

仲有見到d同健康飲食、食物工廠化相關嘅書！
然後恐龍爸就出現喇！同佢開餐後，又去咗兒童館！

今次主要係搵教作文嘅嘢，其次係睇遊戲/棋，同埋仲有乜可以買俾兩隻人仔。

 

呢套圖咭有唔同目的主題，e.g. 教連接詞，咭後面有教學重點去幫家長！而本書有dd似練習簿，係親子一齊玩嘅！

整故造句 — 創意寫作遊戲卡全套創意寫作遊戲卡共100張，小朋友可運用卡面的圖畫，及卡背的建議和提示，創作與別不同的奇趣故事。

伴我兒寫作 寫作是個很複雜的思維過程，每個步驟，都需要父母在旁循循誘導。本書正好為家長提供一個全面的參考指引，循序漸進地訓練孩子打穩寫作的基礎，選取恰當的題材角度，以及搭建具個人風格的文章佈局。透過生活化的練習，及充滿趣味的遊戲，以輕鬆的手法令孩子不再懼怕文字。

經過訂埋兒童快報，仲遇到大學同學..

睇咗好幾個遊戲嘅檔口，被Jolly Thinkers吸引住！同一位無咁後生嘅sales傾下 (因為做demo嘅個個都得十幾廿歲咁) ，佢介紹咗好幾套遊戲我地認識，當中包裝創作故事嘅呢套！($90)

 
Rory’s Story Cubes 故事魔方

恐龍爸夜晚返到去同恐龍仔玩咗幾次，佢好似好感興趣！第二朝都追住爸爸同佢玩呀！！！

其實檔口，都見到d華麗嘅遊戲，但係我地對d貴價遊戲無乜興趣，走人~

 

一路行，其實對CLASSROOM呢個品牌有d興趣，咁大個位只賣咁少種類嘅貨，好想去八下！但係，熱情嘅推廣員講嘢細聲，唔知係咪台詞問題，總之就係唔知佢講緊乜，我地一路行，佢仲一路釣住我地尾！！！好驚！唔知係咪開到單合—得分架呢？！！

 

最後，因為恐龍媽好大機會會再入場 (去三樓做義工) ，所以無再買細路嘅嘢，去咗大戰成人書！！！

 

一去到，就同恐龍爸分頭行事，因為恐龍媽一定要買d嘢…一定要買d食譜！

大眾嘅食譜實在太吸引，大量精美嘅英文食譜 ($60-1xx) ，三本七折！另一邊就係中文食譜，有一部份係半價，其他嘅就係買4本或以上7折！今期目的係：素菜、魚同海鮮！當然唔介紹一d多菜少肉嘅健康菜式啦！

朝早10點行到傍晚6點半，攰死人！最慘係d食譜好重！無命！