最近嘅星期日好忙，好多活動！唔係比賽就係生日會！
好可愛嘅牛牛好鍾意去生日會，仲話係佢自己生日添！
因為牛牛唔會扭眼瞓計，又見佢好乖唔搞事，所以我地都好樂意帶佢去玩！
呢兩個小朋友…都好enjoy魔術表演，而上次兩兄弟係分開玩嘅，估唔到今次哥哥好照顧細佬！仲拖到實一實添！
問牛牛要咩氣球，佢話要槍~
媽媽建議，不如要車仔？
牛牛話：好！
但排到佢，佢都係要槍，仲同哥哥一齊射媽咪！
太過份喇！
恐龍媽記性唔好，耳又唔好…當主人家媽媽過嚟打招呼，我唔單止認唔到，仲要聽唔清楚小主角個名，失禮哂，太醜怪喇！！！
其實，呢次都八到d無謂嘢，例如有個恐龍仔K1最老友嘅女仔，抽到甲一女校！！！真係好登佢開心！
仲有就係，名校叩門都係好重視誠意，但未必要好強勁後台！
之前買落d pancake粉，用嚟整餅，中間夾紅豆或榛子醬，兩個都鍾意食，呢日又整…
好簡單，放少少粉漿落模，焗五分鐘，然後先放紅豆或榛子醬，同埋粉漿，再焗多10-15分鐘
可惜，red bird 個咀太尖，個糕本身軟，所以爛得好緊要！
但係d傻仔就依然食得好happy!
~ * ~ * ~ * ~ * ~ * ~ *~ * ~ * ~
* ~ *~ * ~ * ~ * ~ * ~ * ~ * ~ * ~ * ~ * ~ *
某日，買咗一舊仔香蕉蛋糕返屋企俾d仔試味，佢地似乎好鍾意，特別係嗰隻平時唔食蛋糕但好鍾意香蕉嘅牛！媽媽話佢知，呢個係香蕉包包，佢就肯食少少！
於是，媽媽就跟<<簡易食譜>>，整個香蕉蛋糕，因為我地買咗d 自發粉未用過，就膽粗粗將原食譜嘅baking soda+flour，改成自發粉！
香蕉蛋糕【香軟幼滑】 Banana Cake Recipe
Read more: http://www.christinesrecipes.com/2008/04/banana-cake-recipe.html#ixzz2ZjrasLhs
好彩…. 成功！
又係小朋最鍾意嘅豬豬！同埋唔夠粉漿所以無咗對耳嘅小熊~
有朋友有天母會成員，佢問恐龍媽有無興趣幫天母會做義工，看半日檔，順便免費入場行吓！恐龍媽一口答應！幾有意義，又可以入多一次場，將自己行咗但要考慮買唔買嘅嘢.. 都再睇多次，同埋check清楚屋企嘅存貨！
好多時行書展，都係睇書，好少行去宗教/文儀用品嗰邊，今次個檔位就响宗教館，而因為無乜大肚媽媽行書展，所以好悶…一邊四圍走！
俾我見到呢位專家趙先生嘅講座添，不過坐低聽嘅人唔多..
路過佛學範圍，攞咗幾本素食嘅免費書，仲有休閒農場指南！
我返到檔口同其他義工分享，佢地紛紛去攞，轉眼就俾我地攞哂喇！不過唔緊要，恐龍媽搵到相關網站：
香港休閒農場指南 2013
之後再去小樹苗行咗轉，主要原因係原本見到有幾本書喺d細檔有七折，咁小樹苗9本或以下得八折，所以就去細檔買啦，點知一問之下，折實要$89！但小樹苗(同外面書店) 定價係$98囉！做生意做得咁唔老實，mark
up咁多…. 我去大檔買無咁嬲！
就咁，又响小樹苗掃咗幾本教畫公仔嘅書仔俾牛牛，幾本思考遊戲書俾哥哥…
什麼是室樂?
什麼是鋼琴三重奏? 弦樂四重奏? 長笛五重奏?
香港業餘管弦樂團繼『協奏曲之夜』再為大家呈獻『室樂之夜』，演
奏巴哈、莫札特、海頓經典室樂作品；還有Piazzola探戈舞
曲及改編一些大家耳熟能詳的歌曲如“美女與野獸”、“宮崎駿動畫
音樂”等等；希望以不同樂器之小組演出，為聽眾帶來一晚悠揚悅耳
的音樂夜。
~ * ~ * ~ *
~ *~ * ~ *~ * ~ *~ * ~ *~ * ~ *~ * ~ *~ * ~ *~ * ~ *~ * ~ *~ * ~ *
因為恐龍媽嘅中學同學係香港業餘管弦樂團嘅團長嘅關於，恐龍媽發現咗呢個音樂會！
最特別之處，就係平！如果有d人仔中途搞事，都唔會太肉赤嘛！於是，買飛喇！
臨出門口，牛牛好想跟埋嚟，但因為要六歲以上先入得場…
牛牛話：咁我聽日六歲啦！
好~ 願牛牛快高長大！
因為大雨關係，我地又食埋飯先去，所以去到啱啱表演者ready，但未開始..
恐龍仔好快就靜落嚟，恐龍爸就同佢咬耳仔，交代小朋友無盡嘅why~
一路都好專心欣賞表演！
全晚有12首曲目，分別以兩至六個人用唔同嘅樂器演奏，一次過睇到咁多樂器，同埋感受到佢地獨特嘅聲音！
所以呢$60都幾抵！
恐龍仔最後到9點半，最後一首曲目嘅時候，因為過哂佢平時瞓覺嘅時間，終於不支~去咗搵周公！
落火車之後一路都由爸媽抱住瞓，咁大個仔...能夠咁抱佢嘅機會應該唔多喇！
(一人一個包，自己帶戰利品返屋企！)
(哥哥返到屋企就話要玩喇！)想買boxset一定係去1樓睇，一間嘢叫publisher，好多box set放响檔面，好易搵！年年都响中間位置！今年我地買咗BK好多媽媽推介俾小學生，話有趣嘅the magic schoolbus! ($29x less
40%)
呢套圖咭有唔同目的主題，e.g. 教連接詞，咭後面有教學重點去幫家長！而本書有dd似練習簿，係親子一齊玩嘅！
經過訂埋兒童快報，仲遇到大學同學..
睇咗好幾個遊戲嘅檔口，被Jolly Thinkers吸引住！同一位無咁後生嘅sales傾下 (因為做demo嘅個個都得十幾廿歲咁) ，佢介紹咗好幾套遊戲我地認識，當中包裝創作故事嘅呢套！($90)
Rory’s Story Cubes 故事魔方
恐龍爸夜晚返到去同恐龍仔玩咗幾次，佢好似好感興趣！第二朝都追住爸爸同佢玩呀！！！
其實檔口，都見到d華麗嘅遊戲，但係我地對d貴價遊戲無乜興趣，走人~
一路行，其實對CLASSROOM呢個品牌有d興趣，咁大個位只賣咁少種類嘅貨，好想去八下！但係，熱情嘅推廣員講嘢細聲，唔知係咪台詞問題，總之就係唔知佢講緊乜，我地一路行，佢仲一路釣住我地尾！！！好驚！唔知係咪開到單合—得分架呢？！！
最後，因為恐龍媽好大機會會再入場 (去三樓做義工) ，所以無再買細路嘅嘢，去咗大戰成人書！！！
一去到，就同恐龍爸分頭行事，因為恐龍媽一定要買d嘢…一定要買d食譜！
大眾嘅食譜實在太吸引，大量精美嘅英文食譜 ($60-1xx) ，三本七折！另一邊就係中文食譜，有一部份係半價，其他嘅就係買4本或以上7折！今期目的係：素菜、魚同海鮮！當然唔介紹一d多菜少肉嘅健康菜式啦！
朝早10點行到傍晚6點半，攰死人！最慘係d食譜好重！無命！
唔經唔覺，今年係哥哥最後一個幼稚園嘅家長日，而牛牛就幼兒園” 畢業” ！
今日，首先見哥哥嘅班主任，無乜驚喜，但佢似乎都留意到呢個小朋友好聰明！
睇哥哥份卷，又係錯埋d傻B傻嘢，數學無滿分！但最意外係…攞禮貌獎！
牛牛呢？班主任起勢話佢得意！最緊要係佢呢兩個月進步好大，講嘢叻咗，理解能力高咗，肯坐定定聽話，仲識得人地傾計，佢唔答咀！亦無再自由行…
總之就係好得意啦！
咁~作為阿媽，都係覺得自己個仔真係好鬼可愛嘅~~~
哈哈~
另外，牛牛整體學習表現應該比哥哥好，特別係大肌肉發展！
繼續努力呀~牛牛！
仲有，就係牛牛張畢業相！急不及待要張兩個仔放理一齊！哥哥真係好sweet~~~
呢個月好多比賽，呢賽仲要玩足一日！
會場內，每個組別一個課室，咁啱幼稚園組隔離係家長休息室，牛牛就坐吓、食吓、玩吓…門！
頭一場，本來15枱嘅賽事，有起碼3-4枱係無人或者缺一！而恐龍仔就係其中一個無對手嘅參賽者！悶死佢！出到嚟就即刻問媽媽攞電話捉番盤棋！
第3局，對同期女同學，最近對賽恐龍仔都係贏多，點知今次失誤…輸咗！上次阿女輸咗俾恐龍仔，喊咗好耐，今次媽媽留意住恐龍仔…佢扮笑望住我！過咗幾分鐘就同小朋友玩埋一齊喇！good boy！要輸得先得！比賽就係有贏有輸，雖然…知你贏多…
因為越細個就越唔諗，行得好快，所以呢班人仔11點幾就放食飯，我地一行7人去咗等位飲茶，個個都贊牛牛乖，因為佢真係坐定定，無離開過佢自己個位，自己玩，自己食嘢！
飯後，第4同第5局，恐龍媽去婆婆屋企放低隻牛Zzzz，返到會場見到成績單：要加場爭季軍呀！
即刻跑上樓，女同學媽媽話：完咗喇！贏咗喇！
不過佢個女就响最後一局傻咗，玩玩吓自己舉手棄權！就咁放棄咗爭冠軍！
今次同行嘅3個小朋友，分別攞到2、3、8名，都好叻！大家繼續努力呀！
