年初一，行山日

年年初一，我地都會去婆婆屋企。
今年都無例外，但係之後有乜玩呢？

我地去咗獅子山行返屋企！

其實今日嘅天氣好差，微雨，市區凍到得十度，我地去到慈雲山已經覺得凍過地面好多，買咗ｄ乾糧就起程喇！

行過大約一個鐘，就上到獅子亭

食咗碗番叮嘅熱豆腐花，又繼續行程。。。

上完山，跟住就係落山，一路嘅石級都算易行，可惜地滑，一行四人行得好慢　（仲有婆婆呀！）
因為天雨關係，見到山溪小瀑布都無影相，路行到博康邨，就完成旅程喇！

晚餐，係恐龍媽下廚嘅美食：煎蝦碌、蠟味煮紹菜、xo醬炒牛柳粒！
因為太肚餓喇，又無影相！
其實恐龍媽好耐無自己下廚炒幾味喇！

仲有一樣開心嘢，就係自家蘿蔔糕食哂喇！呵呵~