men in black

教育局推行資優教育情況

教區32小學推資優課程

【明報專訊】本港資優教育發展緩慢，天主教香港教區投放20萬元在32
家小學率先推行資優課程，每一年半培訓600名小二至小六學生，發掘他們語文、數學與科學等潛能。負責統籌資優計劃的聖方濟各英文小學校長梁偉才表示，政
府剛成立的資優教育學院課程零碎，而現時的資優教育亦未成氣候，浪費學生才華，因此教區投放資源率先推行培育。梁偉才校長研究及推行資優教育逾15年，統
籌今次「教區學校資優教育學習社群」，他表示學校下月會先成立督導委員會及工作小組，邀請教育心理學家和學者，向教師解說資優學生需要哪些情緒輔導、如何
甄選和評估資優生等。

成立工作小組 邀專家學者參與

天主教香港教區轄下有50多家小學，參與今次資優計劃的有32家，7家是核心學校（見表），負責帶領其他學校推廣資優教育。計劃會在今年9月正式推出，參與學校屆時會在課後為學生開辦領導才能、數學和科學等7個範疇的資優教育課程或活動。

曾「出產」跳級資優生簡文鋒的高主教書院小學部，也參加今次資優計劃，
主要負責改善資優學生的情緒行為問題。該校校長陳麗儀表示，資優生喜歡挑戰權威，部分亦因為創造力驚人而難與同學溝通，因此學校會通過話劇等集體活動改善
學生的交際能力。陳麗儀指出，該校除參與計劃推行課後資優課程，今年亦會在小四推出「濃縮數學課程」，每天為20名數學資優生提供一節課堂，教授更深入的
小四數學課程，學校計劃日後把計劃擴充至其他科目。

指本地資優教育起步慢

天主教香港教區教育事務主教代表助理陳繼賢表示，近年湧現「會考資優生」，惟本港資優教育起步較慢，因此教區撥出資源為轄下的小學推行資優教育，針對學生的能力作培訓。

教育局多年來以不同的資源協助學生培育資優生，如2000年推出「特別資優學生培育支援計劃」，每年為1000名資優生提供校外培訓，06年施政報告亦提出成立資優教育學院，學院今年已投入運作（見表）。

明報記者 張淑瑜

聖芳濟各英文小學校長梁偉才表示，該校設有資優教育中心，以積膠砌火車軌等活動，鼓勵資優學生創作。梁偉才與另外31間天主教學校，於下學年推出資優教育課程，預計每一年半可培訓600名資優生。

資優教育資訊站

..:: Introduction - 資優教育學校網絡計劃 (第四期) ::..

優質教育基金「資優教育學校網絡計劃(第三期)」

教育局-資優教育

可憐豬

爸爸生日，其實都唔係第一次見到蠟燭
但係，呢次當媽媽掛住影相之際..
好奇嘅牛牛竟然伸出小手..

下一秒，牛牛已經痛到縮手，大喊起嚟！

可憐豬~ 爸爸錫番啦！

大年初二認識一位校長

呢位校長，就當然唔係今年先認識啦！叫佢做校長都叫咗好幾年，而佢好年青就做校長(機遇啦~)，睇見佢嘅成就，好想表揚一下！

梁校長到職短短兩年 (2009年入職)，今年係第3個學年，上網睇返，今個學年由往年開得1-2班，到今年係開3班小一，2005生出生率唔係特別高 (2006年先開始上升)，見到佢有咁好嘅成績，真係好感動！証明梁校長嘅努力好快已經得到家長認同！

响BK見到以下分享:

其實，呢日係想請教教育界親戚，關於選校嘅問題...

名校係家長配合學校，而普通學校由學校配合學生！
對於有特殊需要嘅小朋友，可能去普通學校好d！

一般外人好難清楚內裡文化，有時真係試過先知夾唔夾，唔夾嘅咪轉校囉！(談何容易！雖然在座有位剛由名校轉出嚟嘅開心小人板！)

福馬雖然口講活動教學，但其實傳統得不得了！佢地對資優嘅資源係近乎零，最多係安排多d比賽！

好多教師鍾意安排小朋友讀兩間呂明才！

其實如果無情緒問題，上堂唔搞事，就好易搞！



到底，沙田區有無一間好學校可以幫到好學嘅人仔呢？

恭喜發財

牛牛祝大家

新年進步
花開富貴
身體健康
學業進步
心想事成

年初一，行山日

年年初一，我地都會去婆婆屋企。
今年都無例外，但係之後有乜玩呢？

我地去咗獅子山行返屋企！

其實今日嘅天氣好差，微雨，市區凍到得十度，我地去到慈雲山已經覺得凍過地面好多，買咗ｄ乾糧就起程喇！

行過大約一個鐘，就上到獅子亭

食咗碗番叮嘅熱豆腐花，又繼續行程。。。

上完山，跟住就係落山，一路嘅石級都算易行，可惜地滑，一行四人行得好慢　（仲有婆婆呀！）
因為天雨關係，見到山溪小瀑布都無影相，路行到博康邨，就完成旅程喇！

晚餐，係恐龍媽下廚嘅美食：煎蝦碌、蠟味煮紹菜、xo醬炒牛柳粒！
因為太肚餓喇，又無影相！
其實恐龍媽好耐無自己下廚炒幾味喇！

仲有一樣開心嘢，就係自家蘿蔔糕食哂喇！呵呵~

XO醬食譜

响bk發現有自製xo醬食譜，抄！

工人姐姐收爐之作-----極品XO醬 (有食譜喇@@

材料：

花生油一支（900ml)，我用芥花籽油

亁蔥一碗（切粒）,

蒜粒一碗（切粒）,

金華火腿一碗切粒，（用熱水煲一陣，等佢軟身就快手拎上黎切片切絲再切粒）

蝦米一碗（切粒）有水浸軟先切,

蝦醬半樽（我用李x紀）

瑤柱1.5碗（用水浸軟後撕成絲）,

沙糖2荼匙

雞粉2茶匙

辣椒半碗（食得辣可以多d)



上述所有碗用同一個碗量度，大d就做多d,少d就小左1樽左右（呢個份量就等於我幅圖敢喇）



1）先放油，油半滾就可以（用竹快子楝直在獲中央，見有泡泡在快子底升起就ok



2）每放一樣材料都要兜一兜,但唔可以痴底，喜歡香口d可以兜t耐小小，埋尾試味，一般都ok,唔夠可再加蝦醬or雞粉



3）放涼入樽放雪櫃就ok,切記樽面一定要有油蓋住d料，料唔好比佢凸出，如果唔係會容易變壞。  

新年快樂

年廿八，恐龍家又去咗行花墟
仲買咗好多花！

有富貴菊

玫瑰海棠同埋比利時杜鵑


仲有一大棵桃花！

我地聽老板建議，買咗有d一棵開到甩哂，但更多含苞待放嘅桃花

放咗一晚已經開成咁！

好靚呀！

恐龍家祝大家
    花開富貴
    身體健康
    龍年進步
    心想事成！

自家蘿蔔糕出爐喇！

試咗兩次~

都太實，唔成功！恐龍爸試都唔試，恐龍媽唯有自己食哂！

今日呢次係恐龍媽一生人第三底自家蘿蔔糕~ 終於都... 成功喇！！！！

我自己就急不及待要試食，快到唔記得影咗相先！哈哈~~ 所以得呢個偷食完嘅樣！

仲有個試完味要再食嘅為食恐龍！

今次用料份量比例：
蘿蔔 3斤多
粘米粉 約1/3包 (即200g左右)
粟粉 5湯匙
水份 一大湯碗 (當中有瑤柱水，冬菇水，同埋少量清雞湯)
鹽 1茶匙
片糖 半吋

一人一花 2011

年年嘅一人一花，我地都唔太成功，雖然無瓜到，但又唔開花，都唔知想點！

今年呢？
見到人家開花，我地嗰時仲係無乜動靜

直至12月中搬之前，有兩個花lum！
一路等呀等，都係無乜進展，直至媽媽將花苗搬出露台，等佢每日曬半日太陽！

終於，早幾日有d動靜喇！


今日仲開花添！

恐龍仔就當然好開心啦~

培哥教路蒸糕貼士

恐龍媽好鍾意食蘿蔔糕，今年第一次跟大力個做法整，但係因為份量問題，做得太實！不過，第二做嗰底已經好咗d！

今日俾我見到報紙有講，不如抄抵佢先...  睇完，發覺最大分別係，呢份食譜會加水(或湯)，而大力喎份就無！

【明報專訊】（1）黃金比例 滑而不散

培哥認為蘿蔔糕最重要滑身，訪問中多番強調粉漿比例。「坊間說法是蘿蔔多、水少，這樣蘿蔔糕會過腍易散，該重整體比例。」培哥累積多年經驗，得出以下黃金秘方，有興趣DIY的讀者不妨參考：

水……2斤

蘿蔔……5斤

粘米粉……2/3斤

馬蹄粉……1/3斤

蝦米、臘腸、冬菇、瑤柱……適量（可製成12×12吋蘿蔔糕）

（2）魚湯代水更清甜

想加倍清甜，可用鯪魚骨熬湯代替水。

（3）先蒸蘿蔔後倒粉漿

粉漿生熟程度亦會影響糕身香滑與否，「製作過程最重要做到粉漿半生熟，若粉漿太生會令渣水分明，太熟的話糕身易爛，容易漿口」。培哥建議先蒸蘿蔔20分鐘（如有溫度計即90℃火），倒入粉漿，粉漿就不會過生或過熟。

（4）加油攪拌更香滑

將已蒸好的蘿蔔倒入粉漿，加入蝦米臘腸等材料，放涼一會攪拌，可令糕面更平滑；亦可加入少許油，令蘿蔔糕更香滑。蘿蔔混入粉漿、臘腸等材料後，蒸一小時，放涼5至6小時即可備用。

（5）蘿蔔條尾指粗恰好

蘿蔔條應粗幼得宜，過幼易散，過粗易令糕身變腍，最好以手切成筷子尾部或尾指一般粗幼。

（6）配料不搶風頭

冬天蘿蔔當造清甜，選用當造蘿蔔效果已很不錯。培哥認為蘿蔔才是主角，臘味、蝦米、冬菇不應喧賓奪主。

（7）煎糕「猛鑊陰油」

煎蘿蔔糕，若用平底鑊的話無特別貼士；如以傳統大鑊就有點技巧。「要猛鑊陰油，先燒紅鑊，下凍油，倒走，再下凍油，這樣蘿蔔糕就不會黏底。」

辦年貨

呢兩個星期六，襯湊恐龍仔返學上興趣班，媽媽就去咗辦年貨！

上星期，買咗一盆驅蚊草、一盆長春藤、

仲有一盆好靚...好靚嘅..

菊花！

得幾盆花，就當然唔夠啦！恐龍仔要求要多d花喎，於是，再嚟多盆"應該"好易種嘅家樂花！恐龍媽揀咗桃紅色！如果真係咁易打理嘅話，第時再買其他顏色！

今日，我地仲去咗奇趣入貨，恐龍媽結婚之後就一路幫襯奇趣買豆沙軟角，因為... 有d人好鍾意食囉！



然後，
竟然俾恐龍媽發現恐龍仔第二至愛~ Rilakkuma揮春！

恐龍仔見到好開心，第一時間攞咗"心想事成"走！
而牛牛，就竟然揀咗"學業進步"！(牛牛~咁你就要加油喇！)

而恐龍仔都有d驚喜俾媽媽:

就係"福"字揮春喇！

無時停

呢隻牛牛真係無時停架！
播歌就跟住跳舞！
無嘢搞就爬梳化！

呢日，又有新招，就係打橫行！仲要一邊：aiya..aiya...aiya
講乜呢？原來係：蟹呀~蟹呀~蟹呀！


轉頭，突然聽到牛牛喊聲！
咩事呢？牛牛响梳化跌咗落地！媽媽抱抱錫返啦~
點知，又轉個頭，牛牛扶住牆企直响梳化背一邊行過另一邊！！！
唔怪之得你會跌落地啦！
工人話：哥哥成日咁行嘛！
人仔有樣學樣~好嘢又見你學得咁快！

兩位小一升學專家嘅對話

尋日，見到uncle-dos响iantsang嘅地頭post咗以下討論：
小一選校派位數據分佈 2012/13

之前，Ian都講過有人分享錯誤數據，希望家長小心分釋，呢次，就係uncle-dos 更新呢份錯誤數據分釋喇！今日，相關小一嘅專題都有响明報登咗，咁啱，又係uncle-dos！

其實，只要明日uncle-dos嘅計法同資料來源，明日各校可以有唔同嘅安排，嗰d資料只係參考用途嘅話，其實都幾有用架！全香港有咁多小學，其實無乜可能知道哂咁多間嘅特別安排，所以~ uncle-dos，我支持你架！不過就可能响資料下面加多句注腳解釋返就好dd囉~

---------------------------------------------
因為受咗刺激(講笑咋~), ,Ian竟然忍唔住，自己做咗d資料喎:
157間於自行收生階段注冊人數
46間於自行收生階段超收小學名
呢次真係唔該哂Ian, 多謝哂uncle-dos！

2012終極版小一校網詳細分析【包括超收、跨網借位名單等】

塔門、東平洲一日遊

呢日係星期日，晨咁早恐龍家就起身出門，去大學站集合！呢次活動係由某專業學會搞嘅。
等咗一大，例遲嘅歌手daddy終於到喇！大隊出發！

恐龍仔好有活力咁行去碼頭！


我地第一站係塔門，首先行一個圈，然後去食午餐。
因為大隊行得都幾快，牛牛又唔願拖手行，所以到我地停落嚟時，佢先可以自由行 (都唔太自由，因為斜坡都幾危險！)

大部份時間，唔係媽媽抱，就係牛牛騎牛牛！ (辛苦哂牛爸喇！)

午飯後就上船，無幾耐牛牛就瞓咗，到上岸繼續瞓！終是，我地兵分兩路：恐龍爸同恐龍仔跟大隊遊東平洲 (d公公婆婆姨姨叔叔個個都話佢好叻，自己行哂！又乖又醒目喎~~)

牛牛同媽媽呢？就响碼頭曬住太陽瞓覺覺！

瞓到大隊返碼頭，就嘈醒咗牛牛，不過佢都瞓咗差唔多兩個鐘喇！
返上船，兩隻嘢都算幾乖，一路晚飯直落，都算OK，真係個個都話佢地乖，無扭計！但係做阿媽嘅，總係覺得可以乖d囉~~

遲d再帶牛牛去過東平洲！相信佢可以自由慢慢行的話，會好開心！

星級爸爸﹕名校媽媽大控訴

http://hk.news.yahoo.com/星級爸爸-名校媽媽大控訴-214401682.html







明報專訊】幾星期前寫了《快樂紅利》和《快樂學習》兩篇文章，談快樂和成功的密切關係。一間百年老校的家長看了很感觸，來信反映事實的殘酷。她說宣傳時校
長強調快樂學習，上學後卻要學習苦中作樂，把一名小朋友的上學熱情消磨殆盡，部分摘錄如下﹕「兒子入讀小一後，發覺完全是另一回事，骨子裏原來是傳統講求
校內外成績的小學。規矩好嚴，許多老師經常好惡鬧學生，常罰午飯後冇得出班房自由行。老師要班與班鬥乖，每班4個班長專摘名，轉堂時個個要低頭伏在桌上，我兒想看看手冊的時間表下一堂是什麼科，都被摘名；小息從來不准落操場，在走廊走動又有風紀摘名，三年下來，小兒性格變得退縮，冇自信。

小三開學，中文科9月已經日日有堂課或家課，都是做TSA卷，TSA閱讀理解又限時又艱深，做到8歲孩子對中文冇咗興趣！學校規定一人一樂器，唔理你有冇興趣。小三仲要參加校隊，放長假日日返去操練，阿仔形容音樂老師和指揮常常鬧交又好惡，結果取得校際音樂節獎項，但賠上愉快的學校生活。同學間充滿競爭比較的心理，怕輸，同情和友愛心淡薄。阿仔小三下學期變得抑鬱，自覺冇用，仲要看心理學家。

現時全港小學都是全日制，孩子6時多起牀趕上學，下午3時多放課，還有十樣八樣功課等住做，手腳慢，加上冇精神，功課做到9點、11點。這個教育局搞出來的中英數TSA考試，除了小三，還在小五、六等着折磨孩子的心智和精神！想當年我讀小學時半日制，功課唔深又唔多，只有小六的『學能測驗』考推理能力，後來都被詬病而廢除。年代雖然不同，其實一日同樣得24小時， 小孩天性冇變，點解而家香港的教育制度會咁樣『進化』﹕加長上課時間，加多公開考試，小小年紀應付連年全港考試，令小學生要咁追趕時間、咁緊張？輕鬆愉快童年就這樣扼殺了！考試和操練沒有令孩子聰明啲，反而令真正聰明的孩子充滿挫折。考試制度只會培養功利和緊張氛圍。香港九成多的學生冇錢，上不了國際學校，逃不過這種教育制度，唯望各教育人員和當局局長『幼吾幼以及人之幼』。」

競爭到底 或完全放棄

這只是冰山一角，這個家長算有觀點且夠膽指出問題，大部分名校家長已患上「名校斯德哥爾摩症候群」，即被學校的名聲騎劫，不單不敢提異議，反而覺得學校不夠嚴格。

我從不同校區的家長得出一結論，學校要不就「谷」，谷成績、谷分數，總之98分和97分比較，98是勝利，97是失敗；要不就「縮」，把考試成績不好的撒手不管，當校方也認為不會考試就是人生失敗的開始時，誰會和失敗為伍呢！

新年新開始，我期望新特首要增加教育資源，但不要把資源放到官員手裏，你給他錢玩，他不能不玩；你給他權，他不能不行使。

我工作拍檔的室友是老師，她清晨在桌上哭泣，因為按教育局的進度，她肯定完成不了，因學生也完成不了，而最後只能忍心下功課的指令，先把責任卸給家長，愈名牌，家長愈不敢發難，只能往下壓，孩子受不了的跳樓，甚至會說「不明白父母為什麼生他下來受苦」的不堪話。

新年不許迎來舊痛。

和家長們互勉。

張堅庭


相信好多家長都响網絡上睇過呢編文章，大家努力地猜~到底係邊間百年老校，恐龍媽响EK睇到少少用家分享，想响呢度轉錄。

"星級爸爸﹕名校媽媽大控訴" 邊間名校呢?

unknown:
 学校是强調開心学習，但從沒說過輕鬆，直到現在，我兒子仍十分喜歡上学，這點好重要。
至於老師惡，也真的有些老師較惡(我想間間都有惡人啊!)。  記得我個仔試過被老師鬧得好勁(因某次quiz不及格，我和老公立刻联絡班主任及該老師反映，学校給我的感筧是積極及有跟進的，也很快作出回應及改善。  當時我這樣做，有人問我怕不怕被秋後算帳及兒子被針對，我告訴他們如有這情況出現，我毫不猶疑会轉校，不会戀棧名校生的虛名!  最後，我個仔當然沒被針對，上学也很開心!

NKpa:
讀書人是有種素質－－愛學問，愛思考；有知識、明是非之餘，也有道德勇氣：不作假、敢說真話、肯捍衛公義。
他成績一般，明白學校對學生有要求，他對自己也有要求。他關心自己的成績，卻不去跟同學比高下。

他積極參加課外活動，為比賽努力鍛鍊，目的是追求卓越，若有幸為校爭光，亦與有榮焉。

團隊老師要求是嚴格的，做不好挨罵早有心理準備，罵得有理也心服。

他說所遇到的老師是關心同學的。不是關心分數，是關心他們的成長、做人的態度，是肯支持、肯給予機會給同學。
學校的程度是按年級整體能力調節。直資生的課程，尤其在英文，是比以往高的。他說不感到吃力。他不怕挑戰，學校教他們擁抱挑戰。

學校是刻意培養學生閱讀興趣，例如撥出課堂時間讓他們閱讀，獎勵他們課外閱讀，但都本於自願，不會反映在成績表上而造成壓力。

他很忙，但沒有被嚇怕了讀書，沒有很緊張為考試操練，也從沒有補習過。但作為父母，我們要每天去查看他的手冊，去簽他的默書和測驗，亦十分了解他的學業程度。


cornelius:
孩子是個小一生，上學才幾個月，但一向喜愛上學，就是經過了第一次評估及現時正在考試中，他也是說喜歡。似乎他懂得這是他的責任（按：別家小學頭幾年可能還未需要考試）。校長也常常鼓勵學生，像前幾天小兒收到校長的回信（一張卡），校長也不忘激勵小兒加油及擁抱挑戰，對小孩而言，確實非常真實和具體。

音樂方面，小兒也非常享受學習鋼琴及另外一種樂器，因我們沒有給予他壓力，由得他按他的進度去享受、學習，學校暫時亦沒有給予任何壓力。

功課的數量，其實與官津學校的相比也許差不多，亦不會是抄寫、背誦那種。默書方面，除了課文範圍外，會增添所為"Fun
Dictation"，就是事先給了一主題（例如衣服種類或學校裏的東西），在三分鐘內任寫，以每個/組字詞多兩分計算，有次他拿了140多分滿心高興回
來呢。

雖然功課、活動俱忙，小兒仍喜歡閱讀（在校或在家均是）。這數星期以來我們一起"追"一本英文書，每晚一個Chapter（其實他之前自己以讀了一遍，但
因他喜愛那書的關係，他想我跟他一起讀）。上星期有一晚，我讀到pandemonium這字時，我語結了，而他竟替我讀了，我隱藏我的驚訝時問他如何懂這
字，他說是上NET老師堂時學會的，我問他這字的意思，他說是big noise。我在看書中前文後理，這樣解釋也挺通順。所以我覺得學校的NET課堂是辦得不錯的。

眼見孩子每天享受和喜愛上學，夫復何求呢？

fanwong29:
小兒也是就讀[百年老校]其中一間(YW),可分享小兒在學校的學習生活,每天早上,我們都是送兒子上學,到了學校,小兒總是帶着笑臉回校,我看得出他很喜歡這學校,每週學校會設有早操/早會,我本人亦層觀賞過他們的早會,真是十分開心。

每年學校都會設計不同的主題,今年是"阿拉斯加"為題,在校內大堂擺設了一隻各叫(阿拉斯加蛋),給各級學生觀賞,還需學生要搜集一d關於這題目的資料/書藉,做幾篇相關的閱讀報告,小兒都非常之投入參與,從而得到歡樂。

學校是需要每位學生起碼要學一種樂器(除鋼琴),小兒揀選咗小提琴,學校亦無規定要在學校學,我便為兒子在外邊學,時間可分配適合自己,已學了幾個月,看他對樂器都有基本的掌握,應可繼續下去。

我曾經問過他:「老師們惡唔惡?」,他話有時都會,都因為我哋傾偈好噪或者排隊行到斜哂啊!我立即想起他有兩次受罰都是這原因,但之後近排已發覺有所改善,我明白到父母惡未必會聽,老師惡先可得到改善。

小息時侯是不準落操場,因衹得15分鐘,但可以去洗手間,吃點零食,孩子最鍾意就去圖書館借書/還書,佢哋真是很喜歡看書。到了午飯時,如已完膳可有自由行,他說可落有蓋操場,打保齡,打康樂棋或去圖書館睇書。

學校的家課通常約1小時可完成,我覺得到不是太淺,但他也可自己明白完成,因此為配合學校的程度,我都有去書局給他一點補充練習。

今年小兒亦有參加校際朗誦,須然未有什麼獎,但他都十分享受,我們都明白各式各樣的比賽,都需要時間訓練和給受經驗的,相信有好表現的同學已付出不少努力。

現在正進行上學期考試,早前已完成校內的評估測驗,須然升小學都是幾個月,但他對各種默書,測驗/考試也當作學習過程需要,我們都不想給他太多壓力,順其自然温習就可。

我覺得經過校方的面試挑選,每位學生的程度是相約的,我們做家長的;首先要認同自己所選學校,對校方有信心,家校配合,世上事情不可樣樣都可達至完善,但在這刻我們是愉快和懷着感恩的心情。
"愉快"這個詞語,或者她有所誤解,包含意思好多,分別可解;愉快,開心,快樂,滿意,滿足,豐富,喜歡,歡喜或輕鬆等等。

"學習"也可解釋為;學習,研究,教導,培訓,預習,獲取知識,填滿或修訂等等。

如果把"愉快學習"單看成得一種意思;輕鬆快樂地獲取知識來看,要無壓力,無責罰,無比較,無責任,無付出,無承擔,甚至翹住手直升讀12年(一條龍),就是最好嗎?

是真的這樣,我們的孩子的未來會是怎樣的?

共勉之。



其實恐龍媽都有親人曾入讀呢間百年老校。第一年，孩子考全級首幾名，深得校長歡心！但係，做功課就每晚做到深夜！小二，成績跌咗，但係校長/學校接受採訪，亦有佢份！2011年，恐龍媽去聽小一入學briefing，校長嘅小故事都有佢份！但係，小朋友最終都係轉咗校，响新校過住快樂得多嘅生活！

其實，呢件事上面，無對與錯，揀學校從來都係啱唔啱小朋友，好似著衫一樣，無得one size fit all，但當然，作為家長係咪要好好諗清楚，到底自己想要d乜？而唔係人人去爭嘅嘢就去搶埋一份！