西鐵+輕鐵遊

有日~ 買咗本香港地圖冊俾恐龍仔~ 自此, 佢就話要坐輕鐵喇!

本來呢日諗住同佢上山頂嘅 (最近有promotion, 小朋友/老人家加$1就可以坐纜車喇!) 但係朝早, 恐龍仔起勢話要坐輕鐵.. 於是, 我地向元朗出發!

首先係坐東鐵轉西鐵.. 轉吓眼~ 就到元朗喇!

因為時間尚早, 就响附近行吓.. 本來想試吓行去南生圍架.. 但係唔成功, 只係响附近條村行吓.. 不過都有收獲:

我地見到龍眼樹, 荔枝樹, 木瓜樹, 仲有大大個柚子响樹上嘅柚子樹!!!

田野間.. 有大害蟲~福壽螺!

仲見到有d叔叔用電極嚟捉魚 e.g.生魚!

仲有好多無影到嘅..  小朋友難得一見嘅田啦~  水道裡面游得好快嘅魚魚..  好惡嘅狗!

無諗過.. 仲有人"pac"柴!

行到攰.. 恐龍仔坐上佢個私家坐架..  (後面嗰棵榕樹都好大棵呀!)

跟住.. 食lunch, 再坐輕鐵