復工

終於放完10個星期嘅產假.. 要返工喇! 心情.. 有d唔實在! 唔知會點呢?

6點鐘, 就俾餓牛嘈醒, 又食唔哂110ml 奶奶! 都唔知係咪作厭奶! 唉~ 希望快d正常返啦! 一日倒成100ml 媽媽奶.. 好肉赤呀!  好在媽媽奶供應尚算理想, 近日增加到大約700ml喇!

餵完奶, 我去煮早餐, 行出行入.. 呢隻牛好似好想玩咁, 笑笑口~ 於是就陪住佢玩, 一邊食早餐啦~ 點知.. 佢竟然玩玩吓瞓着咗!

笑c我!

之後.. 恐龍仔都醒咗喇, 搞掂埋個大嘅, 扮靚靚, 就拖住手仔出門口. 响電梯, 我問恐龍仔: 媽咪今日靚唔靚呀?

恐龍仔: .... (唔出聲) 無反應!

恐龍仔: 我無反應呀!

你好嘢!

返到公司.. 自己個位..

開工大吉!!!