Not Quite Happy B'day~

又老一歲喇!

一早, 當然係起身同恐龍仔晨運啦, 佢一見到我就送上飛吻喇~~

返到屋企, 爸b唔願郁(佢話有d唔舒服~但係又要陪我出去), 因為我約咗11am覆診, 10am前要出門口, 仲要食埋早歺, 咪提咗佢兩次, 又要我就佢呢樣嗰樣, 我繼續上網~ 跟住佢就黑面發脾4!!! 出門口一路煩住哂(想我知道自己有幾唔啱), 我同佢講: 我唔想好似你咁唔開心~ 唔該唔好跟住我呀!

佢離遠跟住我去KFC, 我俾面佢同佢一齊食~ 跟住雖然都係面黑, 但唔算嚴重~~

睇完医生又食lunch.. 跟住就返屋企瞓~~ 到佢瞓醒, 發燒38.9C (=102F)!!!! 唉~ 無諗到咁嚴重, 個医生仲當佢流嘅, 無俾panadol添呀!

討論咗一輪, 最後決定去又一城雪村食晚飯~~

去到, 第一件事-------飲水水!

仲有玩車車 (其實係飛機嚟架!)

我地order咗個set + 稻庭烏冬一客, 呢隻恐龍好鍾意食烏冬架, 食咗5箸烏冬呀, 仲有d雞肉, 豆腐, 同埋.. 個set裡面個"薯仔凍湯", 飲落好似豆漿架!  yummy!

 

離開歺廳, 諗住俾恐龍仔落地行下... 点知就出事喇!

佢跌低咗, 側面落地!

我有拖住佢架! 唉~ 面仔紅哂, 返到屋企都未退呀!

 

成日, 都屈唔到恐龍爸幫佢送禮物... 臨瞓食奶奶~~~ 呢隻嘢送我<恐龍臭臭一客>做生日禮物 !!!!