13個月大嘅恐龍~ 識d乜?

呢兩日對住恐龍仔, 發覺佢學嘢真係好快, 同埋佢就係好可愛, 去到邊都有人讚佢~ 當然, 佢自己都好努力咁對住人傻笑+揮手啦!

行路仲未肯放手行, 不過放手企到成分鐘喇, 試過當佢扶住企, 你拍手佢又跟住放開手拍拍掌!  笑c人!   行就三兩步咋~ 拖住手就行到好遠, 由火車站行到樓下lobby, 都有~400M架! 一放佢落地就happy! 四圍衝! 喺商場人多, 幾驚撞倒人!

食晚飯時, 我捉住手仔教佢餵爸b食星星餅, 第二粒叫佢餵媽咪成功! 第三同第四粒就餵爸b變咗餵媽咪! HAHA~恐龍仔錫媽咪多d呀!

尋日發現出緊第七隻牙喇! 一個月出三四隻, e+成口牙! 

呢兩日仲有d古怪表情

今日仲破咗出街紀錄~ 中午出去成七点半先返到屋企, 中間瞓咗個幾鐘, 係响公園遊咗一輪花園先瞓着架!