恐龍仔真係好可愛 (?!)

對於作為媽媽嘅我, 呢個係好奇怪嘅command~

我從來唔係會响街撩bb玩嘅人! 成長過程中, 我身邊並無比我細嘅人, 我唔識得同小朋友玩! 對於我, 初生bb一啲都唔可愛, 再大啲, 可愛嘅~ 少於一半! 醜樣嘅多~~

當有咗, 我同老公講: "希望bb似你, 雙眼皮, 大眼睛, 唔好似我扁口扁鼻!" 老公話: "你同我都唔係靚嗰啲, 生出嚟邊會靚呀!"

恐龍仔雖然係我生嘅, 2mth之前, 佢都係一d都唔可愛! 有嘅, 可能係作為父母眼裡面嘅憐愛! 真至到有日~~

佢剛滿2mth, 我生日, 佢第一次抬起頭嘅呢張相~ 我突然覺得佢好靚仔! 唔係平時瞓响度嗰個樣!

跟住嘅日子, 每次出街都有人讚靚女(吓! 仔嚟架? 好靚仔噢!), 好得意/可愛, 對眼好靚~~ 初初, 我會問自己: 呢啲人係咪客氣咋? 唔好聽兩聲就飄飄然當真先得架! 佢可能只係父母眼裡面嗰個可愛bb~

好多謝bk嘅網友, 無論如何, 我開始"當真"喇!

 

讚美嘅說話, 誰會怕多~~~

 

点解我會突然有感而發呢? 係因為最近有兩個人嘅說話~~

 

游水班個miss有個5-6mth嘅仔, 佢每次上堂都讚恐龍仔可愛..

呢一日, 佢問: 係街度有無人讚佢對眼好大好靚呀?

我答: 試過响地鐵月台, 有個女仔尖叫: "你睇! 個bb好得意呀!!!" 然後追住我地架bb車~~

miss : 聽得咁多, 都無哂感覺啦! (我唔敢出聲~) 我個仔對眼好大架! 出親街都有人話佢對眼好大, 初初都會禮貌咁笑下, 但係整整下都唔想應佢地!

我心嗰句: 係呀~ 讚到無乜感覺, 但係無人讚過又好似少咗啲嘢咁~

 

另外一句說話來自老爺~

佢話: 唔係因為BB係我個孫, 佢真係好可愛!

 

恐龍爸話, 可愛嘅小朋友响學校會得到多啲重視/照顧, 希望佢第時唔好太過自滿啦!

恐龍媽從來都唔信命相, 但係~ 如果子女宮有紫微星等於靚仔靚女, 咁~ 如果生多個又仲係咪true呢? 

尋日問恐龍爸, 第日恐龍仔返學返全日, 咁個工人咪好得閒? 恐龍爸話: 生多個~ 佢咪有嘢做囉!

其實, 都仲係言之過早, 起碼要出年3月後先開工~~ 因為我嘅血壓仲未夠低, 另外, 就係唔想生個"細仔", 做2010年大仔好過2009年細仔!

我係咪諗得太多?!