~ 恐龍家 ~

2012年6月25日星期一

恐龍家廚房

早兩個星期，恐龍家多咗兩個成員：分別係麵包機焗爐、同埋電動打蛋機！有咗佢地兩個，恐龍媽就好似以為自己廚神上身… 不停咁煮！

呢兩個工人放假，恐龍媽湊住兩個但依然好努力咁煮、煮、煮！

我們的日程~

端午節

8am 一底cornflakes
chocolate cookies

10am 睇龍舟

12nn 烤春雞 + 扁意粉 (牛牛食pasta too!)

3pm 買餸

4pm 煲落湯 (瓜粒湯)

6pm 3餸1湯~ 焗一字骨、蝦仁炒蛋、菠菜、瓜粒湯 (牛牛食瓜粒湯飯)

星期日

8am 鮮茄牛肉通心粉

10am 買餸

11:30am 牛牛食鮮茄牛肉通心粉、哥哥切芒果、滾湯

12:00 雲吞魚皮白菜豆腐湯烏冬

2:00 牛牛Zzzzz，整芒果雪糕

4:00 整豬肉乾

5:30 牛牛開餐(白菜豆腐牛肉粒湯飯)

6:00 焗雞亦、食外賣sushi

呢兩日最特別嘅係：牛牛唔再食一早煮好嘅一品鍋bb飯！牛牛其實係肯食大人嘢嘅，不過就要撈埋一齊餵佢食

2012年6月1日星期五

返新工

呢日係第五日响銅鑼灣返工嘅日子。

曾幾何時，都响中上環打滾過接近十個年頭，都會去呢頭行吓，但從未試過响呢邊返工，感覺好唔同！

當初，眼見手上兩份工都係返銅鑼灣，真係有d怕！好怕見到人山人海，好怕見到無盡嘅強國人！好在，附近好方便，巴士站就响樓下，一個圈嘅範圍已經有齊中價餐廳、多間茶餐廳、銀行、超市、漢堡包店！而且，唔係同朋友午飯，就係同同事一齊，無乜自由活動時間，所以，我嘅銅鑼灣就係一個圈咁大！

仲以為午飯時間好難揾位，原來一d都唔難！

今日，走咗去迫港鐵轉隧巴，又走咗一圈…去了銀行、超市，再去翠華朝聖！十多年前，也去過中環的老店食過一次，但印象中只有一個” 貴” 字！從此無去過！見到分店越嚟越多，見到佢d英文餐牌…就知原來係做遊客生意嘅！而今次去，真係過半數係遊行！朝早八時半，想找張空枱都難！對面個遊客仲四圍影相…

結論呢？都係無乜特別，咪就係茶餐廳一間囉！

不過，又不失地道feel…自己外遊都想食d平民食店嘅！

仲有個多月就要離開呢度，真係要好好響受一吓呢個多月嘅CWB人生活，遲d又要做返新界人喇！ (batting eyelashes)

2012年5月27日星期日

2012年5月25日星期五

呢排…好黑仔！

睇返blog嘅數字，其實3月開始已經好少寫blog喇！好多謝幾位blog友關心，恐龍家呢幾個月真係好多問題，好黑仔！但到呢刻，問題大致已經解決喇！

3月，有同事離職，恐龍媽要幫手分擔工作，很忙！開始覺得上司好有問題，做得好唔開心！

4月，每日OT嘅恐龍媽收到公司通知：我個位係redundant！

OK啦~ CV都準備好哂，即刻做嘢！即時有公司約見！兩個面試，前後兩個星期，收到offer，可惜.. 唔太滿意！同時，等緊另一間面試。最終拒絕咗第一間之後，好快就同第二間簽到合約！

然後，就計劃外遊！

可惜，呢個時間工人入院！一住就一個星期，中間因為怕影響HR計糧，又唔敢請假响屋企照顧兩隻仔，就麻煩咗婆婆喇！

傻牛牛好唔慣，一晚比一晚麻煩，半夜喊醒，又唔係要飲奶！唉~

好在工人最終都可以响我起行前一日出院！但牛牛見到auntie嘅反應係: 嬲！唔望佢，唔俾抱，喊！

其實仲有件事未解決，希望…往後事事順利啦！

2012年5月24日星期四

拋夫棄子Bangkok 濕平之旅

未返新工之前，最好就係去個” 短逃”啦！真正嘅朋友，可能你好日都唔會見一次面，但一個電話.. 就算啱啱由日本返嚟，都即刻check更表、夾日子、仲要訂埋機票酒店！嘩~ 我好幸福呀！

呢次遊程，真係好難得，呢位識咗廿幾年嘅朋友真係二話不說咁幫我安排好哂！仲有就係老公大人嘅支持，工人終於出發前一日出院 (another long story…) ，成就咗我一世人第一次唔係同老公大人一齊飛嘅大事！

到底~ 曼谷係一個點嘅地方？3日旅程之後吓結論：shopping center + SPA!

第一日，去咗super rich唱錢，機場係對3.92，super rich係4.01，之後响手信舖就3.98。然後去big C
food court醫肚，再去Divana SPA足4粒鐘！

晚餐係唯一一餐好好地食吓嘅Thai food！

第二日，係忘我嘅濕平日，整天都响Central World無出過嚟！濕到人家收工… bk2 <--- @last shop!
先打的返酒店，但實在太晏，隨便食咗d嘢就算！

bk4 bk5

是日戰利品

第三日，又係Central world！跟住再去埋Urban Retreat 但4手按摩，就出機場，完成呢3日吓旅程！

SPA:

靚太們想享受嘅話，去Divana啦！如果只係想按摩，唔想要d
fancy嘢，咁urban retreat都幾好！

2012年4月7日星期六

高雄橋頭糖廠

高雄遊嘅最後一日，是日節目係~ 橋頭糖廠！
呢度好靚...好靚！可惜~ 朝早落咗一朝雨，差dd就要改變行程，最後決定：落雨都照去！

早餐@ MOS burger

呢度，係台灣第一間機械化嘅糖廠舊址，裡面有歷史有糖嘅造化之外，仲有好靚嘅景！

好靚嘅花~

好多好多嘅火車！

我地喺返裡面食午餐，普普通通一個湯麵，恐龍仔都食得好滋味咁！
呢度好出名嘅甜品，就當然要試試啦！

隔離，有個荷花魚池，我地一邊餵魚魚，一邊有d米奇都唔執輸，食埋一份！

呢度仲有防空洞，恐龍仔好鍾意行隧道！

呢個係甘蔗迷宮

玩到差唔多，要趕返民宿攞行李喇！

呢次行程，無任何購物時間，因為恐龍仔成日要返"屋企/酒店"，就算响yoho嗰日，都話要返房嘅！可能佢真係唔係好慣成日响街！一上到飛機就要瞓！連飛機餐都無食！
就算返到香港，第一日都唔願落樓，唔願出街食飯！
今日問恐龍仔，佢成個行程最鍾意係乜？
佢話：係海生館！第二係YOHO仔！

咁最唔鍾意呢？
佢諗咗一陣... 媽媽代答：係咪食物呀？
佢話係喎~
估唔到佢咁唔鍾意台灣口味！