今日無特別節目, 諗起一田有bb展, 屋企又要入貨, 於是問恐龍仔要唔要跟媽咪去shopping.. 佢當然話好啦!
去完超市, 買咗一大車乾貨 (送貨呀唔該!) 我地就向一田出發!
出到一田, 恐龍仔似乎對所有嘢都充滿興趣! 媽媽先醒起: 我地從來未帶過呢隻仔逛街!!!次次都係去食飯.. 只會點對點, 真係未試過逛百貨公司!!
大件事!!! 呢隻仔好似大鄉里咁, 乜都要摸吓! 佢竟然想搞d太陽眼鏡!! 大驚~~~
真係搶又唔係, 又唔可以叫佢放手.. 萬一爛咗就麻煩喇!!!
唉~~~
今日好多大肚媽媽, 佢隻monkey四圍走四圍搞, 真係好驚佢整到人!!
幾經辛苦, 任務完成: 0/3 baby 床欄 + 長袖body x3 (for 牛牛) + bb車掛鉤 + 有機綿衛衣兩件 ($69@) ==> 送貨呀唔該!
呢個時候, 恐龍仔已經叫話要走喇.. 好啦, 食飯啦..
一路用緊朋友借嘅Ameda泵.. 中間都遇過小問題, 要換parts, 但係又唔覺好咗, 總之古古怪怪, 用得就算!
尋晚, 準備泵奶, 發現阿泵無反應! 平時佢個DC input都傻傻地, 接觸唔好, 所以成日都要搞搞佢~ 但係呢次點搞都唔啋人!!!
so sad..
呢幾日想由泵5次改為4次, 奶量已經微跌 (1x%~ 都唔知算唔算大跌喇!), 如果無咗個電泵, 點泵清呀?!?!?! 咁樣好快玩完架喎!
唉~ 唔通係天意?!
今朝一早, 响恐龍仔間房, 摷番個Avent手泵出嚟: good old boy~ 臨危受命呀!
又洗又steam, 到送咗大少出門, 我攞住個泵, 好緊張: 到底你仲得唔得架?!
好在~ 仲用到, 不過有d back flow, 要自己就位~
泵呀~ 多謝你呀! 諗諗吓, 爭3幾日你就嚟咗我地屋企3年半! 雖然你深居簡出 (長期响個櫃裡面), 我仲依俙記得當年攞住你.. 有幾痛苦! 今日搵番你出嚟救命, 而你又幫到我! 我真係好開心呀! 總算唔駛咁慘.. 雖然都係攰架喇, 但係用唔同肌肉, 分散d囉~
恐龍爸應承咗我會打去個代理度問吓有無得整.. 但係佢今朝咁匆忙.. 唉~
尋日响討論區發現有本叫human body嘅"雜誌"出咗, 只係$14.. 於是.. 叫咗恐龍爸買~
系列概要
直擊實際醫療現場最先進的診斷及治療方法,以圖解方式呈現的醫學雜誌。
網羅了舉凡人體構造、人類壽命、切身疾病、藥物等關於現代醫學的資料。
利用特製的活頁夾,將可整理成您專屬的醫療百科全書。目擊醫療現場實況
潛入大型醫院現場，為您報導平時無法親眼目睹的醫療實況，例如：急救處理、手術實況、分娩經過等等，共分為7大主題，將逐一詳盡介紹。尖端醫學百科圖解
身體是如何運作的？隨著年齡增長，它將會有什麼變化？可能罹患哪些疾病？該如何治療？本單元共分為6大主題，網羅所有您渴望瞭解的人體健康資訊。
今晚媽媽唔駛求d人仔食飯.. 反而自己一路食飯, 一路同人仔玩Brain Quest..
本來買嚟出街玩架, 不過玩吓玩吓, 上哂癮! 恐龍仔直頭唔想停!
佢好有興趣玩呢d "IQ題" 遊戲, 3/4唔駛幫手就識, 有d用口講出嚟佢就明, 自己搵到答案.. 答多幾次同類型問題, 仲學識埋添!
玩完Brain Quest.. 恐龍仔呢兩日愛上Mr. Quiet, 又要媽媽講故事..
講到Mr. Quiet因為講嘢太細聲, Loudland d人聽唔到呀~ 佢買唔到嘢食, 餓住個肚瞓覺.. 恐龍仔就喊咗出嚟喇!
傻豬嚟架!
爸爸事後估:佢諗返起自己餓住個肚瞓覺豬.. 所以喊喎~
咁就唔該乖乖食飯啦!!!
