家

一入門口~ 客飯廳

走廊門望返轉頭~

長長嘅走廊...

走廊右面係廚房，右邊仲有個"工人房/儲物室"

主人房正面觀景 (山景/東南) ，同廳係同一方向.景觀

坐响床就望見帝琴灣海景 (東面), 中房同一景觀 (東南+東北窗)

最鍾意呢度... 係又靜又靚，冬天瞓响床都見到夜空滿天星星！

 

九年喇..

2000年8月~ 我地去睇樓, 係我第一次睇樓, 老遠走去馬鞍山, 完全唔合我要求嘅地點! (我住開地鐵出口旁嘅單橦樓, 樓下有兩間大超市) 呢度.. 無巴士停門口~ 無舖頭响5分鐘路程以內, 買嘢食嘢坐車.. 通通要坐shuttle bus出市中心!  都係諗住睇吓啫..

當時, 我地睇嘅係現樓單位, 其實環境唔錯, 屋苑兩面有海境, 一面向山, 一面對住屋邨, 帶我地行嘅經紀話: 附近唔可以再起高密度住宅, 向海嗰邊塊地會係火車站, 2004年落成, 應該會有上蓋物業~

首先.. 我地睇咗好幾間向海單位, 下午4-5點, 西傾~ 加上會有地盤/起樓.. 無乜興趣! 跟住行去最遠嗰座, 向屋邨嗰邊.. 恐龍爸話一定唔可以見到公屋~ 到最後一間..  入屋見到四正客飯廳, 走廊直望見主人房 (唯一問題), 廚房四正連什物房, 山境, 入到主人房.. 有4個字彈咗出嚟: 別有洞天! 窗外係一半山境, 少少內園, 仲有就係東面永久海境, 座向係東北/東南~  套厠唔會對住大床, 跟住就開始發夢喇... e.g. 走廊要加個門分開個廳..

就咁~ 落咗訂...

同年嘅9月嘅9/19/29號 (唔記得咗喇~) 收到一大束玫瑰.. 有可能係99枝.. 上咗山頂.. 有人求婚~

然後, 我地揀日子, 訂酒樓 (係呀~ 無錢擺酒店呀~), 嗰日係吉日, 好多地方都無期.. 仲有係計劃旅行地点同3個月前去排隊book註冊處!!!!

嗰日, 男人晨早4-5點去到, 好長龍! 我就要返工, 排隊排到佢, 淨返最遲4點半嘅兩個位! 當然照殺啦!

去邊honeymoon係唔難嘅事, 我地覺得日本係一個可以去好多次嘅地方, 所以呢次第一次, 揀咗去九洲.. 好好彩.. 真係估唔到嘅驚喜, 我地遇上櫻花開放!  

仲有婚紗影相等等.. 好多好多嘢.. 男人出錢, 女人出力!

就咁.. 話咁快就到咗恐龍爸同恐龍媽初遇嘅14週年.. 結婚嘅9週年.. 仲有.. 恐龍仔都就3歲喇!  時間過得好~

好多回憶.. 片段~

牛牛又就嚟出世喇~

我唔係一個溫柔嘅女人, 但細心就.. 都OK架~ 無乜記性, 會好易唔記得d唔開心嘅嘢~ 其實一路都好多"意見不合", 但係~ 日子都係咁過~

嚟緊, 工作上會有d改變, 句括工作時間, 但係恐龍爸比我更忙! 都唔知點安排時間陪仔~

唉~

不過講真, 睇見小朋友長大, 真係好多樂趣架! 佢地為呢頭家, 同呢兩個悶蛋男女增添咗好多煩惱同歡樂!

生活變得極為忙碌! 想搵d時間去"悶"吓都無~

展望~ 雖然個口好識講, 兩公婆感情好, 好緊要, 孩子需要相愛嘅父母, 但係有時真係... 為d仔傷感情! 有時做阿媽嗰個就當然以仔為先啦! 所以.. 都係要再三提醒自已.. 唔好淨係顧住d仔!

老公~ 我知道架 !

入院記

呢幾日, 恐龍仔入咗医院, 腸胃炎, 医生話係病毒引起嘅, 可能因為返緊學喎~

星期日一早出門口去上音樂堂, 恐龍爸同隻仔去食早餐, 食咗d通心粉, 一路都話肚仔痛, 話攰, 上堂無平時咁曳~

放咗學去遊樂場都無心機玩, 肚痛喎~

之後行咗去買相機, 响相機舖門口嘔第一次.. 一分鐘之內再嘔嘔嘔~ 之後醒哂, 想玩!

去餐廳坐落, 嘔! 呢次水多.. 俾少少水佢, 响上菜之前.. 再嘔!

試吓俾少少麵佢啦.. 又好似ok~

去婆婆度~ 無幾耐又嘔! 想佢瞓, 落街買咗罐豆奶~ 嘔!!! 總之嘔完就生猛啦!

唉~ 終於媽媽抱住瞓咗~ 一個鐘後.. 醒--> 嘔!

咁唔係辦法喎.. 恐龍仔叫肚餓! 公公俾咗塊梳打餅佢, 半個鐘後又嘔! 飲水~ 過一陣又嘔!

最後, 恐龍爸同恐龍媽先後食晚飯, 接力湊住隻仔, 然後飛的去仁安.. 响的士度.. 又嘔!

星期日pm, 無医生睇嘅時候, 仁安好旺! 我地7點鐘去到, 等咗個幾鐘先見到医生 (其間再嘔!) , 佢話塞藥, 觀察半個鐘, 無再嘔就走得.. 咁佢再叫我地入去時又真係無再嘔, 以為粒藥有效啦, 恐龍爸去交錢攞藥... 再嘔!!!  (呢次唔敢再俾水佢飲喇!) 咁啱坐响医生房門口, 佢個病人啱啱出咗嚟.. 恐龍爸同姑娘講, 医生答: 咁上房啦~

等搞手續時, 已經十點左右, 恐龍仔攰極响梳化瞓着咗.. 上到7樓, 醒咗, 扭咗兩吓計.. 然後, 嘔黃膽水!!!

可憐豬開始話要返屋企喇!

我地等咗好耐先種到豆, 因為前面有個bb好難搵血管, 搞咗好耐! 最後settle down, 恐龍爸抱住隻仔瞓着.. 已經11點幾喇!

恐龍仔對於佢手上嘅"裝置"唔係太滿意, 但係都算好合作, 無扭計無喊, 只係話要返屋企!  因為恐龍媽個肚已經好大喇, 由工人姨姨留守病房~

第二朝一早又飛去医院等見医生, 医生話鹽水要吊24個鐘, 不過就可以俾佢少食多餐, 呢隻仔.. 唔停咁話要食嘢要飲水, 從來未試過架! 笑c人~~ 見佢生猛返, 個心安樂好多!

然後~ 到恐龍媽去睇医生 (傷風呀!)

之後返屋企瞓一陣, 然後去医院接更, 等工人返去換衫沖涼 (點知佢仲洗埋衫添!)

可憐嘅恐龍仔遇着個扭計鄰居.. 無覺好瞓.. 唉~

响得恐龍媽一個嘅時候, 医生又嚟喇, 佢話要恐龍仔痾到便便, 唔得就要幫幫佢! 咁~ 無幾耐恐龍仔就話要去喇! 可惜坐咗十幾分鐘都無乜料到, 又唔肯出返去.. 唯有使用暴力啦! 姑娘一放咗粒藥入, 出咗房門, 恐龍仔就話要ngng喇! 咁得唔得架? 咁快?! 姑娘話最好等10分鐘, 但係阿仔個樣話我知, 佢唔等得! 又再入厠所~ 呢次好成功喇!

唉~ 難為大肚媽媽最怕聞到臭臭咁.. 仲要响個通風好差嘅厠所裡面.. 仲要幫佢攞少少大便去化驗... 唉~ 當嫲嫲問恐龍仔仲有無嘔.. 佢答: 媽咪嘔呀!

晚餐, 係通心粉, 食咗幾啖咁多就唔願食喇!

臨走.. 當然係唔捨得爸爸媽媽啦~ 可憐豬! 

 

第3日, 恐龍爸去医院, 医生話出得院喇, 不過都搞咗成兩個鐘.. 之後一個星期要戒口, 希望恐龍仔快d好返哂喇! 唔係無生日蛋糕食架喇!!!

----------------------

呢隻仔其實算乖, 起碼病病唔會扭計! 入到医院都有姑娘讚佢叻叻同乖乖, 有精神時妙語連珠! 無精神時一句話都無!

 

恐龍仔病之前, 爸媽鬧咗一場交, 雖然elmolly姨姨响度怪自己搞個party害咗恐龍仔, 不過真係唔緊要, 恐龍媽睇到嘅係, 為咗個仔, 自然夫妻同心, 唔可以話小病是福, 但係辛苦哂恐龍仔喇..  

<買錯玩具教錯仔>

http://hk.myblog.yahoo.com/zoechowshek/article?mid=6031

 

一路都知有呢本書, 無買, 但好想買!

其實都知唔會有乜大發現, 應該同e+做緊嘅嘢有d接近..

不過見到書店做緊減價, 就買嚟睇睇啦.. 加厚版喎~~

再攞上手, 見到Daisy個名.. 即係蒙特梭利教具啦.. 見到有新增嘅title "選童書的秘密", 就打開睇睇.. 驚見:

http://hk.myblog.yahoo.com/jw!Pp0d3OCIHxKa4muhtHguoWY3Rw--/article?mid=589

呢本書, 我地買咗大半年喇! 响TST Outback附近間bookstore買嘅, 特價品.. ~$30,  恐龍媽諗住印制費都唔止啦.. 買嚟玩吓, 點知俾工人埋咗响窗台底! 最近執嘢先走返出嚟..

強烈推介!

其他嘅.. 仲未睇呀.. 不過呢本書好值得推推佢, 所以就search返作者個blog.. 連個blog都要推介推介呀!  (其實呢個blog應該幾出名~)

 

玩水彩 ~ Day 2

今日~ 恐龍仔淨玩綠色!

係深淺唔同嘅綠色!  恐龍媽幫佢加黃色.. 變草綠色! 加藍色, 變深綠色!

然後.. 仲有黃加藍變綠!

過咗一陣再問返佢~ 佢已經記得喇!

大作

 

今日終於做咗兩樣.. 講咗好耐都未做嘅嘢:  1. 剪頭髮 2. 畫畫!

過年前出去俾人剪, 同未剪之前分別不大~ 忍咗咁耐, 終於又自己出手喇!!!

今次恐龍仔算好合作!

 

畫畫呢~ color係好耐之前sasa媽嘅小禮物, 之後買哂工具但一路都未開工!

恐龍仔玩得好開心呀~ 之後我地仲一齊洗嘢 (阿工人叫留返俾佢洗~ 咁好玩嘅嘢就當然由恐龍仔負責啦!)

今日恐龍媽要控制大局, 所以無影到相, 只可以事後影返大作!

鏗鏘集 ~ 愉快地學習

錯過咗 snoopy 校長嘅show.. 可以响呢度睇返~

 

播映日期 ：2010年3月14日 播映時間 ：晚上七時三十五分至八時 播放頻道 ：無綫電視翡翠台 編導 ：張詠賢 「思孩子所思，想孩子所想，一切從生命接觸開始」，在教育界工作36年，有「史諾比校長」之稱的英華小學校長林浣心，一直以這條信念帶領學生尋找愉快、有效的學習旅程。 林校長愛接觸學生，三十多年來維持與學生通信的習慣。不交功課的女孩子，充滿夢想的小男生，跟林校長建立了一生的關係。 近年，在教育界多談論「多元智能」，但是甚麼是多元評估?評估能促進學習嗎?林校長以小朋友好動、好奇、好玩的性格，每年為評估活動設計一個故事，來貫串全年的學習評估，為孩子製造難忘的學習經驗。學生搖身一變成為故事的主人翁，在比賽和遊戲中，透過獎勵計劃，努力學習。

網誌分享

教育是一個大課題，校長、老師、家長和學生有什麼話要說呢?在資料搜集的過程中，我們瀏覽過一些網誌，現得網主同意，與大家分享:    父母篇 (Simon) http://www.baby-kingdom.com/?uid-35057-action-spacelist-type-blog　   (Hubert) http://find-kindergarten.blogspot.com/   (radiomm) http://www.baby-kingdom.com/?uid-96690-action-viewspace-itemid-75091       教學篇 (陳漢森) http://chandidit.blogspot.com/ (許承恩) http://hk.myblog.yahoo.com/yacobhui/index?l=f&id=8 (龐永欣) http://pongdidit.blogspot.com/2010/02/blog-post_25.html (鄺禹韜) http://hk.myblog.yahoo.com/kwong-yutao (KK老師) http://hk.myblog.yahoo.com/laukk30 (林浣心校長) http://202.82.16.204/principalweb/   同學篇 (關証顥同學) http://keithkwan19940603.xanga.com/720413989/item/?ref=nf

----------------

睇返~ 真係好大感受, 由一開始聽到熟悉嘅聲音.. 到睇到小朋友個名.. (無認錯人!) 到聽埋snoopy校長講嘅嘢.. 唔知4年後恐龍仔可唔可以同表舅父仔做校友呢?!

btw, 聽聞校長真係幾鍾意呢個小朋友架.. 咁我地一路都覺得佢好乖嘅~