唔怕生的好孩子

恐龍媽呢兩日"又"喉嚨發炎 (好咗都未有一個星期) 今次仲發燒添~

適逢工人姨姨放假! 本來都無諗過要爺爺嫲嫲個新工人幫手湊嘅.. 點知變咗好在佢响度!!!

因為無諗過要新工人湊仔, 工人姨姨臨走前教咗洗衫清潔嘅嘢.. 好在又請咗個大年紀嘅工人, 無咩佢唔識(好似話响中東地區做過.. 有狗有細路嘅家庭)..

就係咁~單拖加燒住嘅恐龍媽同好活躍嘅恐龍仔坐shuttle bus返屋企喇.. 恐龍仔全程爬上爬落, 坐地下企响度~ 真係無力同佢癲架! 仲有唔停咁講嘢, 好在無大叫!

唉~

呢隻嘢返到屋企仲痾咗一大x shsh, 天一半地一半! 到工人去清理現場..佢就走去媽咪房倒咗一大杯水响地下!!!! 無命! 好在~ 有工人!!!!

其實恐龍仔仲未瞓, 不過盡可能遠離佢嘅關係.. 會由新工人陪瞓!

諗返起... 見工人姨姨時都俾當時6個月大嘅恐龍bb佢抱咗一輪, 恐龍仔好乖.. 估唔到今次俾個見咗兩日嘅人抱佢, 都一樣無complain! 希望今晚瞓到啦~

因為呢排忙, 都差d唔記得寫低... 恐龍媽叫工人姨姨臨走前兩日同恐龍仔講, 佢返屋企.. 不過遲d會返嚟架!   據說, 呢個小朋友嘅反應係大叫!

恐龍媽估~人仔完全明白工人姨姨嘅意思! 另外, 唔知係佢明白定係對工人姨姨嘅依賴有限, 佢無特別奇怪表現..

希望以後响恐龍仔身邊出現嘅.. 都好似呢兩年咁, 盡是好人好事 (好貪心~)

 

 

收咗喇!!!!!

收咗喇!!!!!

 

今日, 恐龍媽做到9pm, 但係都8到有人收到通知信喇.. 好心急~

但係, 返到屋企又要安排聽日新工人嘅事 (工人姨姨帶埋恐龍仔一齊去新屋, 順道去遊樂場玩!), 差d唔記得睇信!!!

好在~ 爺爺有攞信~~

好緊張.. 封信上半係英文, 下半係中文~

Dear Parents, (緊張到想喊~ 因為恐龍仔in嗰日, 真係有d失望架!)

We are pleased (吓?) to inform you that we are able (!!!) to offer…. (恐龍媽已經喊咗出嚟~~) 

 

諗返起當日對恐龍仔嘅表現嘅失望(唔係佢做得唔好, 只係平時好好多~ 佢連thank you 同bye bye都做唔到~諗住無硬), 跟住又同自己講: 個個都係咁架喇~ 個個都表現唔到平時嘅能力~ 之後, 覺得唔應該咁快打定輸數.. 於是, 心態唔同咗, 睇吓點啦~ 或者得呢?!

 

其實~ 錢嗰度未計掂數! 恐龍媽又多個籍口話唔讀書喇!

 

咁~ 咁難入都入到.. 就一定讀嘅~

都叫做報咗兩間~ 兩間都收! Hahaha~

 

開心嘛? 其實可以話係計劃嘅一部份, 只係時機錯亂咗(本來想讀K1), 但係又怕出年競爭仲大, 呢間學校應該適合恐龍仔.. 雖然~hkps都唔錯, 路途近d添!  希望真係好似佢地自己話嘅咁教小朋友啦!

Happy 2nd Birthday

話咁快.. 兩歲喇!

呢兩個月.. 當然講嘢進步咗啦, 仲識得答你今日做咗乜!

因為爸爸媽咪忙, 恐龍仔似乎鍾意媽咪多咗, 成日要媽咪陪佢玩! 之後應該會好d架喇!

自理.. 係媽媽幫佢許嘅生日願望: 希望恐龍仔忙d戒片片同埋自己食飯飯..

估唔到呢頭許願.. 嗰頭就..

話說恐龍仔去接媽咪放工, 同d哥哥姐姐玩玩吓話shsh~ 媽咪問係咪shsh, 佢唔啋, 轉頭自己接低條褲+片!!!

於是同佢去toilet, 真係痾到!!!

工人跟住講.. 今朝恐龍仔玩玩吓, 拉咗佢入厠所, 然後自己除褲!!!

利害!

夜晚响街.. 媽媽懶, 都無再同恐龍仔去shsh, 返到屋企試吓啦, 又成功, 而片片係乾架!!!

YES!

至於自己食嘢.. 其實ok架, 初部成功嘅係長通粉~ 可惜今晚工人縱容恐龍仔一邊畫畫, 一邊等人餵!!! 算啦.. 仔~都係要自己教架喇!

話時話~ 恐龍仔嚇親媽媽公司個博士喎.. 無人諗到依家d細路咁叻~

繼續努力呀! 我地要做一個happy boy 架!

 

facebook fluff

好忙好忙~

呢排~ 趕功課 + 公司有external audit, 上個星期開始晚晚OT, weekend 都唔可以好似平時咁成日陪住恐龍仔~

早幾日恐龍仔叫: 媽咪陪我~

聽到個心好酸!

恐龍媽好少好少OT, 呢排恐龍爸又忙.. 唉~ 真係好慘!

今日~ 八點幾收到auditor 個audit plan, 有d問題, 可能真係好攰, 分別做咗兩個好傻嘅動作, 作為對外代表公司嘅"聯絡人"~ 我知自己唔夠成熟!

唉~ 頭都實哂!

其實唔一定要OT, 只係我怕d嘢做唔哂, weekend又唔可能OT (工人放假+恐龍爸有job), 唯有呢幾日盡做啦..

返到屋企, 換咗衫, 我破例入房睇吓恐龍仔 (工人已經响房休息).. sleep like a angel!

工人話~ 恐龍仔今日講: Sunday,  爸爸 & 媽咪 & SangSang ~ play merry-go-round ~

係呀~ SangSang好叻. 識得爸爸媽咪星期日先可以同SangSang去街街玩.. 好在媽咪尋日當機立段.. 恐龍仔一講~就帶佢去騎木馬!

忙咗好幾個星期喇~

等多一個星期~ 我地就可以輕鬆返, 爸爸媽咪帶乖孩子去動物園呀!

 

mini birthday party

星期日~ 約埋爺爺嫲嫲叔叔姐姐, 我地一齊食晚飯!

出門口.. 恐龍仔話merry-to-round, 好啦, 見咁啱有少少時間又係5pm, 就去坐木馬啦!

跟住~我地出沙田食pizza.. 首先, 有姐姐同叔叔送嘅禮物..

好開心喎!

 

然後,  叫咗碟長通粉, 邊食邊等爺爺嫲嫲..

恐龍仔好鍾意食! 係自己食架! 不過都有時叫"媽咪幫手" 叉住條通粉..

呢條"口水肩"買咗好耐, 試過幾次都發脾氣, 估唔到今次... 咁乖肯用喎!

之後~ 仲食咗d pizza!

食飽就攞蛋糕, 但係d侍應話要收$150切餅費, 於是~ 我地打道回府!

玩一陣先~

唱咗好多次生日歌.. 因為恐龍仔一路聽住人唱, 一路笑咪咪..

到吹爉燭.. 教咗幾次都無乜反應..

 

都諗住放棄架喇.. 點知佢對住蛋糕~呼~咗一大啖, 火就熄咗喇!

<--望住d煙發呆

當然~ 要切蛋糕..

同食蛋糕啦! 恐龍仔好鍾意.. 因為係雪糕蛋糕嚟架!

<-- enjoy~

 

最後~ 當然係唔願瞓覺豬... 

 

媽咪陪我

今日工人姨姨放假.. 恐龍媽一早有緊要事外出, 恐龍爸負責湊仔..

咁~恐龍媽出門前準備哂恐龍仔d嘢.. 入房同工人交代幾句, 恐龍仔見到媽咪就張開手仔話:媽咪陪你~

恐龍媽: 係媽咪陪我! (然後捉住手仔拍拍心口)

恐龍仔唔停咁叫:媽咪陪我!

可惜.. 未執好嘢, 又要出返去繼續...

無幾耐, 媽咪要走喇, 恐龍仔見到媽咪又不停咁叫:媽咪陪我..

搞到恐龍媽好過意唔去..

臨走, 送到出大堂, 見到佢好唔捨得咁..

呢個星期又係無乜點返屋企陪恐龍仔玩嘅..仲要忙埋下個星期, 就嚟放假喇!

阿仔~媽咪都好掛住你架!!!!