新印仔簿

搬屋搬到唔見咗本印仔簿~ 點算好呢？
本來講好咗去書展如果買多咗書，要扣印仔... 一路未記數，因為揾唔到本簿！

懶媽媽終於見到一本合適嘅簿仔，就係恐龍仔至愛之一~ rilakkuma喇！

呢本其實係日曆簿，由8/2011到12/2012，香港日曆

恐龍仔絕對係愛不惜手~ 最開心係俾佢發現，後面有MTR路線圖！

玩幾下，又開始作怪喇！

你個咀咩事呀！！？！

醜怪！！

Recent Advances in Prenatal Screening and Diagnosis (Down’s screening)

最近响討論區發現，舊年中大成功研發嘅新技術，已經有得做喇！

作為註冊代驗師，當然好想知道到底係咩原理啦，咁啱化驗師學會今期個講座係呢個主題，主講嘅係Prof. Lau，於是，我就去咗聽喇！因為我無帶筆同紙，無寫notes，只能盡量寫..

第一部份，係講返現有嘅OSCAR test，11-13wk之間，由合格嘅醫生度頸皮厚度，再抽血，由化驗室測試兩個markers，再用呢d數據，連同媽媽嘅年齡，計出一個百分比。呢度，點做QC呢？！劉教授話，lab做QC，好易好簡單，但係點QC人呢？！特別係呢班好麻煩嘅人(i.e. 醫生) ！其實，有國際機構提供網上培訓，受訓醫生要交功課，証明佢地識得攞啱view, 然後度到該度嘅長度，但講就好易，實際上，好多醫生都係唔識度嘅！所以，媽媽們選擇去揾邊位醫生，應該確認佢地係FMA qualified嘅醫生 (其實FMA個website係有名單架！) ，然後，就係佢會送個血標本去邊度驗喇！嗰間lab嘅QC又做得好唔好，同埋用咩機喇！ (恐龍媽按：市面上有3間廠提供以上代驗平台， CU用嘅係第一間FMA approved嘅平台，亦有私家代驗所用緊，近年又多咗一部機俾FMA approve咗，但第三台機，係有九龍區化驗所用緊，但係，表現唔太好，一路過唔到關！) 基本上，方程式係由FMA免費俾合格醫生，只要醫生送支血去合格嘅機度做測試，個結果可以去到超過90%準確率，但係，如果媽媽揾咗個唔qualify嘅醫生，加埋唔qualify嘅機…準確率可以會跌到60-70%架！

第二部份，就係最新嘅無創技術喇！原理~係bb不停咁將自己嘅chromosome 染色體傳送俾媽媽，科學家一路以為血細胞裡面應該揾到bb嘅染色體，結果係~ 只得1%，太少而做唔到測試。到近年，發現原來血清裡面有多達10%嘅bb染色體！而中大舊年就成功研發到技術去以呢d染色體去做排序，然後分析當中發現，從以得知第21條染色體有無問題，而呢個方法，其實可以應用响唔同嘅問題上，包括大家可以好想知嘅性別問題！但教授話，基於道德問題，佢地係唔會响報告上提供bb嘅性別！因為呢個係染色體測試，準確率係100% (specificity 100%, sensitivity >99%)

現時，中大並未開始提供呢個服務，但呢位劉教授就已經離開咗呢個team, 並揾咗大陸一間全球最大嘅DNA排序化驗室幫佢做測試，佢話~ 佢睇過佢地嘅運作，質量好滿意，現時呢個服務需要$6000, 當中已包括醫生費用。

嘔白泡

恐龍仔早兩日冷親，尋日一早已經有d咳，有d喘，尋晚半夜醒咗好多次，次次俾佢聞氣，等佢舒服d，有dd燒~

一早同佢睇醫生，恐龍仔話好攰，要出動bb車！

睇見佢個病樣，淨返對大眼睛咁，好心痛！

見完醫生，等攞藥..

突然，恐龍仔嘔！佢成朝連水都無飲過，邊有嘢嘔呀？！

結果，係一大灘黃水，咀邊仲有好多白泡！

原來，嘔白泡係一會咁嘅事！阿仔呀~ 你一定好病喇！

媽媽祝你快d好返！

一齊玩~ 火車頭！

原來，哥哥真係好鍾意同牛牛玩架！
呢次，係佢主動俾牛牛攞住一邊，佢自己就攞住另一邊

然後，哥哥做火車頭

牛牛做車尾

兩兄弟屋頭行到屋尾！

牛牛仲玩得好開心添！

哥哥乖！

爸爸..

星期六下午，懶洋洋，等恐龍仔6點學游水。

爸爸懶懶地瞓响床睇書，恐龍仔走入房同爸爸講：
  爸爸，你唔好掛住睇書啦！我就嚟去學游水，唔得閒陪你架喇！

爸爸聽見，好開心，錫咗恐龍仔一啖！

大力燒肉

copy copy from大力 - 燒肉 制作篇 (全文完成！)

這燒肉做法也是非常簡單及容易做，而且新焗出來的燒肉由於熱辣辣及皮鬆脆多汁，會令令人覺得比外邊食到，更好味更新鮮！

各位去片：

材料 ：豬腩肉 2 斤 (冰鮮約 32蚊斤或新鮮，以中間有一層層肥瘦，以瘦肉多為覩，人少就一斤鬆 D )

             五香粉 /   粗鹽  /   蘋果 或 洋葱

工具 ： 焗爐 (這對沒焗爐家庭比較麻繁，查實焗爐可做好多餸菜，細個衹是三數百元，而做兩次燒腩己歸本。焗爐約 16 寸闊，最大 250 度)

              插一個 (可以係冰插或五金店插約 $10)

查實這燒肉人多食飯做就最好，因為工夫少，祗用焗爐，唔會左住爐頭，如果大家有朋友多吃飯，煮開菜都知道，開飯前半小時，爐頭一定唔夠用，但這菜祗凍一下，拿出切件便可！

先去街市買件豬腩肉約 2 斤，以中間有一層層肥瘦，以瘦肉多為覩，人少就一斤鬆 D，今次係做左手面約一斤12兩，沒有排骨 (右面有排骨要焗多20 分鐘)

五香粉，這是有排骨的，(記住有排骨要焗多 10 - 20 分鍾)

洗淨，在腩肉搽上五香粉 (多Ｄ無問題) 及粗鹽

面頭件皮什麼也不用搽，保持清潔，成碟不用蓋早一日放入雪櫃，以 24小時為合，以吸乾猪皮水份！

在焗爐盤底放錫紙，洋葱或蘋果放在底，以免底部燒燶！

乾後用插把腩肉皮插花，不要太深，但要密 D ！

然後在皮面加上一層厚粗鹽

可以放入焗爐 (小焗爐)，上下大火(我就最大250度)，先焗 45 分鍾 (有排骨多10分鍾) ，但入厨櫃的大焗爐無發熱線係唔得，因為無明火，件皮會爆唔起泡！

焗約 45 分鐘後...........

小心取出，把面的粗鹽全取走，再焗 20 - 30 分鐘

放回入焗爐約十多分鐘，腩肉肉開始起泡

見到皮面煨煨地可以取出

從焗爐取出，凍一下才切開...........

完成！

這是在平價店買的，五金店一定有約 10 - 15元，大一點！！

------------------------
試驗1
- 無買"插"~唔掂！
- 太鹹！要落少d鹽！

小鬼

牛牛呢個星期行得好好多喇！跌少咗喇！ 好鍾意行去窗邊坐！(幾有型呀！)

最近佢好鍾意peekapoo，瞓時又玩，閒時又會攞起大毛巾玩一餐！好搞笑架！

尋晚陪佢瞓，玩一陣手指，又玩一陣腳趾，跟住又大被冚頭，唔理佢，轉個頭自己用兩隻手仔蒙眼！

笑死媽媽！

今朝，媽媽本來極頭痛，睇住呢隻小鬼行出行入，好可愛呀，真係忍唔住笑！

唔知係咪呢排口仔痛，佢好少放嘢入口喇！希望口腔期就咁bye bye啦！