我地點玩YBCR / Word Card?

响討論區成日見到有家長問Your Baby Can Read點用, 好唔好?

等恐龍媽都總結吓啦~

 

恐龍仔大概响7個月開始, 就每日(weekday)朝早睇一次 (Starter - 約20分鐘): 公公睇報紙, 個孫就睇dvd!  Weekend, 恐龍媽都好少播, 多數都係行公園玩吓咁…直至大概9個月左右, 接恐龍仔返屋企俾工人姨姨湊。

 

恐龍媽叫工人姨姨每日最多播兩次，工人姨姨就主動讀字咭俾恐龍仔聽，恐龍媽一路都唔知，直至大約一歲啦~ 恐龍仔開始認得讀某d字，開始識得見到隻字然後攞返隻小動物俾大人！好記得~佢讀”giraffe” 讀成” 自waff”.. 仲記得，嗰時佢連媽媽都未識叫!

 

响呢個時候，恐龍仔仲開始認ABC, 呢度又係行晨運嘅功勞! 有段時間,恐龍仔每朝都停响大堂張有屋苑英文名嘅大地毯上面認字母! 歲幾人仔~ 就咁樣搞到好多管理員都識佢喇!

 

跟據家長手冊(香港版先有, US版無架~) 認到第一個字之後就可以播disc 1~ 一日2-3次，响bb有精神時播，咭就要1秒1張咁flash， Starter 播兩個月後就差唔多認到字, 然後轉Disc 1, 久不久要播返之前d碟, 又1-2個月後轉disc 2, 如此類推，第5隻係Review, 長d (未試過睇得哂, 因為我地set咗每次睇電視唔超過半個鐘~)，都係久不久播吓..

 

工人姨姨play word card唔係flash, 佢一邊讀一邊慢慢反去後面，bb搶會隨得佢，到後期恐龍媽攞哂成套咭出嚟 (有4吋架!) 恐龍仔有耐性續一讀出嚟! 至於點玩~ 可以讀咗叫bb搵; 可以俾佢睇吓然後搵物件；仲可以玩phonics (YBCR係有少少phonics元素架!) ，恐龍媽玩過幾次 sat/pat/cat 之類，之後又試過用letter card玩過幾次，唔好理有無嗰隻字~照拼! (e.g. bat/cat/dat/fat/gat/hat/jat/kat.. ), 真係無計劃咁玩過幾次咋，恐龍仔已經能夠自己掌握到，好多時會自己讀d未見過嘅英文字，咁當然唔會啱哂啦~ 一半一半左右啦!

 

佢認到ybcr嘅字之後, 我地開始認其他字: 可能係書仔, 亦可能係細細張嗰d圖咭。唯一少玩嘅，係分類 (真係要動動腦根先! 睇吓佢有無興趣玩~) 。 之後，播咗一輪英文兒歌, 到恐龍仔識得跟住歌書turn the page.. 唱到好多歌, 聽到悶喇~ 先買mother goose (兩歲!) 同一時間, 恐龍媽開始買readers, 然後發現佢應該睇到 oxford reading tree 嘅level 3-4!

 

關於flash card~ 其實我地有一set standard size嘅card, 係响yahoo d媽媽group埋一齊搵人print架…相對依家有現成嘅買, 咁當然我地嗰set會貴好多啦! 恐龍媽都諗過二手賣返出去, 但係邊有人要呀?!  至於點解我地唔用? 因為玩嘅時間恐龍仔唔望，play嘅人好無引 (好似robot咁~) d咭太大張喇，好唔方便! 其實呢排教中文, 可以搵返出嚟睇睇..  我估d英文佢應該識得讀大部份喇!

 

恐龍媽曾經响討論區見過有家長話:唔應該學認字, 學拼音就得喇! 佢仲話美國早一代學認字, 但係反而呢班小朋友大咗d英文差咗,於是有人教phonics, 之後d英文水平即係升返云云~~ 所以要教phonics先喎! (但係唔識ABC又點教letter sound呢? 定係用phonics方法順便教ABC??)又有人會問: 幾時適合學phonics~ 其實我唔明, 點解唔可以兩樣嘢都响3歲前教呢? 敏感期嘛!

 

 

恐龍仔 & 五星花

呢日, 恐龍仔算好合作喎..

今日晨運先有個阿婆話恐龍仔似媽媽.. 嗰時恐龍玩緊.. 好開心咁响個遊樂場爬上爬落, 個樣就係上面嗰個咁~ 笑笑吓, 大細眼!

成日有人問恐龍媽: 係咪攞錯咗個B返嚟養? 都唔似你兩公婆嘅?!

不過好似唔似.. 似恐龍媽.. 兩邊面好唔同樣!

不出所料, 五星花其實一d都唔吸引, 只不過代表另外一d佢想要嘅嘢, e.g. 去公園~

五星花

大約今年年初開始, 恐龍仔就成日叫媽咪帶去公園睇五星花~

其實都唔知呢種花有乜咁特別~

 

呢排~ 仲識得指住電腦, 叫媽咪開d五星花相相佢睇 (其實覺得佢係想玩電腦多d~)  我地明明曬咗d相放响佢私家相簿度, 但係佢偏偏要睇電腦!

 

(呢張相係search時搵到~ 影得好靚呀)

 

恐龍媽呢晚返工去咗行花墟, 見到有五星花賣喎~ $15! 就買咗一盆返屋企, 睇吓呢隻嘢會唔會再扭計話要睇五星花!

 

----------------

 

五星花又叫繁星花，一般株高30厘米至40厘米，莖直立，分枝力強，葉對生，披針形，葉端漸尖，長6厘米至8厘米，頂生聚傘形花序，小花呈筒狀，花色5裂成五角星形，所以名為五星花。

五星花數十朵聚生成團，十分艷麗悅目。盆栽可布置庭院花台、花壇，如果大量種植在園林，就有十分美麗的景觀，起美化與綠化的作用。


五星花有紅、粉紅、白、淺紫、緋紅、桃紅等顏色。紅花種類較普通常見，分枝性甚強，花朵色彩鮮豔耀目。棚架或圍籬栽種時，很快就能爬成一片。白色種類較為稀有而少見，花色純白，其他分枝性較差，生長情形較紅色種類遲緩。花期較長，一般花期3月至10月，南方天氣和暖，有時可延長至11月底，觀賞效果極佳。


五星花原產熱帶非洲，性喜陽，耐高溫，也耐乾旱，全日照、半日照均可生長良好。如果在蔭蔽的環境下生長，枝條易過長，開花不良。盆栽以疏鬆、肥沃、排水性能良好的沙壤土為佳。其適應性強，生長迅速，每7天至10天施一次有機肥液，施肥以復合肥作追肥，每月施用一次，五星花開花量大，而且持久，應多施磷鉀肥，可追肥使其花繁、花大、花艷。

　　
五星花在生長旺期需水量較多，春天天旱時，每天應澆一次透水，夏季高溫高熱期間，除早、晚各向盆土澆一次透水外，中午前後陽光特別強烈時，需向盆面、盆周圍的地面勤噴水霧，以利其生長旺盛及多孕蕾開花。秋季隨著天氣變涼，應逐漸節制澆水，冬季保持盆土微濕即可。

　　
五星花性喜陽，開花期間需光照70%至100%均理想，這樣可使其開花多，而且花色艷麗。五星花的生長適溫25℃至30℃，夏季高溫期間需稍遮蔭，光照需保持在70%左右。


五星花稍耐寒，南方各地可露地種植過冬，如果氣溫在0℃以下時，可用塑料薄膜覆蓋防寒。北方須入室過冬，室溫需保持在5℃以上，才可安全過冬，室溫在15℃以上時，可照常生長和開花。繁殖方法一般採取遷插法，在春季進行。遷插時剪取枝條每3節至4節為一段，斜插在沙床或插盆中，保持插壤濕潤、溫度適宜，約20天左右能生根發芽。為使五星花的遷插成活率提高，遷插時可使用適量的生根劑。


五星花花小，星狀別緻，而且花色豐富、艷麗，多花聚生成球，花期持久。園林中主要應用於花壇、花池、牆下等處群植，另常作室內盆栽觀賞。五星花是絕佳的綠棚植物，利用其纏繞的特性，可成紅花綠葉的籬笆，又可以用來遮掩建築物，作為美觀的牆壁，也可利用支架搭成各種形狀，做出各種造型。

 

名稱 :  繁星花
別稱 :  星形花、雨傘花、草本仙丹花
學名 :  Star Cluster / Pentas lanceolata Deflers
名由 :  由於每個小花都是5裂成星狀，所以就有繁星花之稱。
分佈 :  原產地熱帶非洲
分類 :  茜草科
品種 :  主要是有高性以及矮性這兩種品種
型態 :  株高約30～60公分，成株亞灌木叢狀，葉對生，披針形；花頂生，聚繖花序排列，小花呈筒狀，花冠五裂呈星形，數十朵聚生成團，花色有紅、粉紅、白等。  繁星花除了花型奇特，正面觀之，狀似天上繁星之外，由側面來看，也像極了一支支的小雨傘，因此又叫做雨傘花，又由於花朵形狀酷似另一種木本花卉植物仙丹花，因此又有「草本仙丹花」之稱。
用途 :  適合觀花、花台、花檀或盆栽
花期 :  全年
日照 :  全日照、半日照均理想，蔭蔽出易徒長，開花不良
管理 :  以肥沃富含有機質之砂質壤土為佳，排水需良好；生性喜高溫，冬季應溫暖避風。
適合生育適溫約攝氏25～30度。
矮性品種的繁星花在花謝之後，要整個花枝剪掉一半，以促進生長。
水份 :  水分需充足，水分足才長得快
繁殖 :  繁殖方式有播種及扦插兩種，播種期宜在晚秋進行，發芽的適溫約22～26度c，播種後約7～10天發芽，生長適溫約18～21度c。

用途
1.生性強健，耐旱又耐高溫，極適合花壇或盆栽，亦可切花作插花材料
2.園藝品種有緋紅繁星花、雜交繁星花、條紋繁星花、白繁星花。
3.可潤髮，服食可化痰生津，且有美顏功能。
4.蝴蝶最佳蜜源植物、花壇、花圃、盆花中深受歡迎的要角。

資料來源 ~~

 http://140.111.152.19/~wwv/elin/event94.html

http://www.floral.com.tw/floral/ ... 7f448256f86002ba4a4

飯來張口 幼兒小肌肉發展差

協康會與理工大學為 787名 0至 6歲兒童進行小肌肉評估，再收集數據制訂了港童的小肌肉發展模式，並製作全港首套專為本地兒童而設的「香港學前兒童小肌肉發展評估」，列出 80多個不同年齡兒童能夠做到的動作，讓家長及教師作評估，以盡早發現小肌肉出現遲緩的兒童，並對症下藥作適當治療。根據評估標準，例如 6個月大嬰兒已懂得向放在前面的玩具伸手， 7至 12個月大的嬰兒則可以將一件物件放入器皿，到了約 5歲則可以在格子內寫字。
協康會高級職業治療師趙少薇指，家長往往對子女的日常起居飲食過份照顧，令幼兒的小肌肉缺乏訓練，容易到一、兩歲也沒有機會碰湯匙等食具，故稍為長大也不懂自己進食；另一方面，不少家長又會催谷學前子女參加學習班及遊戲班，但小朋友很多時未建立好基礎，就要做一些太艱深的動作，「好似 3歲前只識塗鴉，同畫簡單直橫線，如果太早逼小朋友喺格仔寫字，佢哋根本未夠力揸住支筆。」
何太的兒子今年 3歲，她自言與其他家長一樣視兒子為「金叵羅」，「由佢未起身一刻開始已經準備晒所有嘢，根本乜嘢都唔使佢做。」年多前她讓兒子參加遊戲班才發覺有問題，「佢同其他小朋友唔同，好多嘢都做唔到，或者做得唔好，好似比其他小朋友差。」

拿不到食具要老師餵

經診斷後，何太得悉兒子小肌肉發展遲緩，「初時都半信半疑，認為佢冇理由做唔到。」何太到兒子入讀幼稚園後，發現他不能與其他同學一樣自行以湯匙、叉子進食，「成班同學得佢一個揸唔到，要老師餵佢。」為怕兒子再出現其他學習問題及影響自信心，故安排他接受職業治療，現時兒子的小肌肉發展已到達正常以上的程度。

兒童小肌肉發展進度

年齡： 0-6個月
部份可做的動作：用手握着搖鈴的手柄、用手掌心握着積木

年齡： 7-12個月
部份可做的動作：用雙手穩握或把玩積木、將積木放入器皿內

年齡： 13-18個月
部份可做的動作：在紙上塗鴉、能叠起兩塊或以上積木

年齡： 19-24個月
部份可做的動作：能揭開盒蓋、用匙羮從碗中舀起小粒食物放入口中

年齡： 25-30個月
部份可做的動作：能叠起八塊或以上積木、畫一條至少 5厘米長的直線

年齡： 31-36個月
部份可做的動作：懂得剪紙、用繩穿上直徑 0.8厘米的珠粒

資料來源：協康會

台風後的... 大個仔?

尋晚, 恐龍仔竟然唔肯飲奶.. 就瞓咗! 其實尋日一日都飲咗好少水... 連平時最愛嘅橙汁都唔飲, 唔知搞乜~

今朝一早, 恐龍媽問工人姨姨~恐龍仔點呀? 答案係: wake up late~

咁半夜有無起身飲奶? 無喎~~~

吓?! 成飲無醒仲要晏起身? 工人姨姨加多句: diaper is dry!

咁無飲奶, 片片應該乾嘅~

hmm~~~ 大個仔? 唔駛飲奶奶瞓覺覺? 唔好tum媽咪開心喎.. 睇多你幾日先啦!

------------

落樓, 見到成地樹葉樹枝.. 好多樹枝都被大風吹倒, 折斷.. 連根拔起! 好多斷枝被搬去網球場, 我地行咗入去睇.. 樹皮, 樹幹裡面.. 話俾恐龍仔知, 大風吹斷咗d樹呀~ 恐龍仔say sorry~

跟住~ 恐龍仔又開始跑.. 開始一路數手指一路跑!!!

仲有~ 一路數手指一路彎腰! 跳跳!!! 同埋打招呼!!!!

最近~ 恐龍仔已經可以由1數到100喇! 仲好鍾意玩手指, 數手指!!!

-------------

媽咪要返工喇!

恐龍仔自己著好鞋, 要跟埋出去.. 好啦~

行行吓.. 佢話: 我要返工!

工人姨姨話: you need to go to school first~

恐龍仔就話: I go to school!

 之後.. 又講: 我要同媽咪一齊返工!

俾佢笑死~

 

又病~

其實都係恐龍媽唔好.. 又搞到恐龍仔病病! 今次其實係有d傷風, 好精神, 只係有少少情緒化, 食咗藥容易攰~

本來, 因為約咗朋友仔上嚟屋企搶恐龍仔d玩具, 每日問住恐龍仔, 佢都好冀望有小朋友上嚟玩.. 本來少少鼻水都算架喇, 點知尋日開始有幾聽咳!

唉~ 唔想傳染俾其他小朋友.. 唯有下次啦!

恐龍媽代表恐龍仔, 好多謝幾位媽媽嘅慰問, 佢無乜大礙~  開學前再約過!!!!

------

其實今日都幾多事..

嫲嫲放假, 一早打俾恐龍媽話接恐龍仔去飲茶, ok啦~

中午前, 收到工人姨姨電話: 嫲嫲話bb發燒, 要帶佢睇医生!

咁幾多度呀? 無check!

好喇~電話再響: 37.2C , 無燒!

bb肯唔肯玩? 唔肯! 平時好鍾意去飲茶, 今日唔願去, 去到就話要出去! 咁到佢去超市逛吓啦~ 都無興趣! 一路要人抱!

咁好啦~ 橫掂有幾聲咳, 去睇睇都好嘅~~~

一個鐘後~~ 嫲嫲打俾恐龍媽, 話bb發燒 (無事呀! 37.2C咋!!) 好唔正常~ 竟然唔要飲茶唔要shopping..... (知喇!) 叫佢下午去睇医生 (去咗喇~) ....

hmm~~

夜晚, 成家人上嚟開歺, 又再講多兩次~~

恐龍仔見到媽媽, 好精神, 無脾氣, 都係咁鍾意自己玩~~ 係有兩聲咳囉!

大人食嘢, 小朋友都好忙.. 捐枱底! 又出又入, 無撞到, 仲認到所有人嘅臭腳!!!

都不知幾貧玩呀!

-------

好可惜, 聽日無party, 有d失望~

都未話俾恐龍仔知: 我地下個星期又可以見到Sam Sir喇! Centre未打嚟confirm交錢, 不過相信Sam Sir唔會叫恐龍仔失望嘅!

係呀~ 恐龍仔會出去佐敦上堂呀!應該會係星期日am, 時間未知~

Oxford Reading Tree

網上搵到有用資料~ 當然要"偷"落嚟啦~~~

閱 讀 樹 我讀了本網專題〝 Raising your Child 〞內最新的一篇文章：" 名醫親授女拔A 級生心得 " ，當中肯定全職媽媽對子女成長的重要性，令人感到鼓舞。另文中提及周醫生培養 女兒學英文的其中一個法寶 ：《 Oxford Reading Tree 》 圖書系列，我也有採用。女兒幼兒時期對閱讀英語書籍的興 趣，也是從此套系列開始，所以我也來跟大家分享。

主 線 故 事     我和囡囡是這套圖書的〝粉絲〞， 我 我們擁有：主線故事書1 至9 級 、故事內容跟《 Oxford Reading Tree 》一樣 但文中的動詞時態(Tense) 不同的 《Oxford Story Tree 》書連聆聽CD及 作業、《 Magic Key Adventures 》卡 通VCD 連書 、《 Read at Home 》及部份《 Tree Tops 》書籍 。

我 和 囡 囡 只 看 故 事 ， 沒 有 特 別 深 入 及 有 系 統 地 運 用 它 的 漸 進 模 式 學 習 。 但 這 系 列 的 故 事 人 物 親 切 、 性 格 鮮 明 (Kipper ， Biff ， Chip ， Floppy ， Wilma ， Mum & Dad … … ) 及 圍 繞 小 朋 友 家 庭 、 學 校 及 日 常 生 活 發 生 的 豐 富 有 趣 故 事 內 容 ( 如 遺 失 了 心 愛 玩 具 、 家 中 各 成 員 輪 流 出 疹 、 新 運 動 鞋 等 等 ) ， 已 緊 緊 將 我 小 朋 友 的 注 意 力 抓 住 ， 非 母 語 的 語 言 文 字 ( 英 語 ) 已 不 構 成 她 閱 讀 的 障 礙 。 當 時 經 過 一 段 時 間 對 它 的 沉 迷 ， 女 兒 確 能 認 出 當 中 的 詞 語 或 句 子 ， 亦 能 理 解 篇 幅 較 長 的 故 事 內 容 。 當 然 在 開 始 的 時 候 ， 是 需 要 爸 爸 或 媽 媽 說 書 ， 慢 慢 進 展 至 和 她 一 起 閱 讀 ， 繼 而 由 她 自 己 看 。 由 沒 有 字 的 一 級 ， 慢 慢 到 單 句 ， 對 話 ， 小 段 落 ， 進 展 至 多 文 字 多 段 落 ； 故 事 由 簡 單 日 常 小 事 發 展 至 新 穎 冒 險 的 故 事 。 小 朋 友 就 像 跟 故 事 內 的 小 朋 友 們 一 起 成 長 及 經 歷 事 情 。

Oxford Story Tree 有 習 作 及 故 事 聆 聽 光 碟     大 家 若 未 曾 接 觸 此 系 列 的 書 ， 可 到 公 共 圖 書 館 借 閱 ； 而 各 大 書 店 亦 有 發 售 。 根 據 我 的 shopping 經 驗 ， 若 不 是 喜 歡 儲 存 整 套 系 列 ， 可 考 慮 購 買 《 Oxford Story Tree 》 ， 它 相 對 《 Oxford Reading Tree 》 較 便 宜 ， 又 附 有 CD 給 小 孩 聆 聽 。 但 留 意 此 系 列 第 六 ( 紫 色 ) 及 七 級 ( 啡 色 ) 的 故 事 並 不 是 圍 繞 前 段 所 列 的 人 物 角 色 。

電 視 卡 通 Magic Key Adventures CD 及 書 本     又 看 完 《 Magic Key Adventures 》 電 視 卡 通 後 ， 可 再 看 其 書 ， 又 或 到 其 網 頁 玩 遊 戲 。 ( 網 址 ： http://www.bbc.co.uk/schools/magickey/adventures/index.shtml)

若 喜 歡 透 過 電 腦 閱 動 或 玩 電 腦 互 動 遊 戲 ， 你 可 購 買 它 的 Talking Stories 軟 件 ( 但 我 認 為 太 昂 貴 了 ， 每 一 級 的 光 碟 盛 惠 100 英 鎊 ) 。 你 也 可 以 到 公 共 圖 書 館 借 用 此 電 腦 光 碟 ， 只 要 在 圖 書 館 搜 尋 器 ， 鍵 入 Oxford reading tree software 你 便 可 以 找 到 。

Robins 系 列 ， 故 事 同 樣 有 趣          Read at Home 系 列 適 合 幼 兒     我 不 是 為 「 閱 讀 樹 」 賣 廣 告 ， 但 以 我 的 經 驗 看 來 ， 在 培 養 女 兒 閱 讀 的 興 趣 ( 不 論 是 中 文 還 是 英 文 ) ， 此 系 列 確 實 能 產 生 作 用 。 女 兒 現 讀 高 小 ， 已 沒 有 沉 迷 此 系 列 或 其 程 度 較 高 的 Tree Tops 系 列 ， 但 仍 愛 閱 書 及 不 抗 拒 多 字 的 英 文 書 籍 。 撰 文 ： Winnie

Winnie 簡 介 ： 現 職 「 私 人 」 助 理 ， 全 天 侯 照 顧 兩 位 主 公 ， 一 大 一 小 。 社 會 工 作 經 驗 包 括 空 中 小 姐 、 社 區 關 係 主 任 及 大 學 學 生 事 務 行 政 主 任 。    另外~ 發現呢個網站原來幾多嘢睇架~  Pregnancy & Parenting