月亮光光

落咗好多日雨.. 難得見到夏日嘅星空!

尋晚, 等到恐龍仔入房瞓, 我先發現天空嘅月光非常明亮! 可惜可惜~

半夜~ 月光照入房間, 好似有燈响屋外照入嚟咁, 好耐都未試!  仲有一粒好大好大嘅星星.. 恐龍爸話, 可能係太陽系嘅行星, 所以咁光!

今晚, 特意抱隻恐龍入房睇睇.. 見唔到月光, 但係就見到成天星星! 夏天難得一見!

到佢瞓咗.. 差唔多9pm, 月光先响山後爬出嚟! 由得條邊至全相... 快到大約一分鐘! 地球真係轉得好快...

星空都好快轉移.. 尋晚嗰粒大星星又出現喇!!!

恐龍爸仲話成日有經紀call佢.. 呢期真係升返好多.. 多到可以開價到接近一年前個價!  (相差5%左右啦~) 搬唔搬? no喇! 我真係好鍾意呢間屋.. 話哂都叫做一見鍾情呀! 當年睇樓.. 睇哂十個八個示範單位, 個個我都搖哂頭, 唔係西斜, 厠所對正張床, 就係個窗對住公屋..  行到最後一個示範單位.. 大門向正主人房門口! (扣分) 但係一入到主人房.. "別有洞天"四個字浮現腦海! 眼前係一片綠油油嘅山, 腳下係一片古老松樹林.. 遠眺係低密度住宅, 背後仲有海境! 將來亦完全唔會有其他樓擋住視野!

我呢個城市人入住初期, 周圍靜到耳鳴!!! 真係瞓响床就欣賞到星空 (當然只限一個方向.. 唔係360度啦!)

可惜.. 因為要起公路.. 松樹林無咗 (變咗一條行山小徑), 剩低嘅, 就係屋苑同公屋之間一行老松樹.. 所以, 恐龍仔好細個, 我就話: 呢個係樹林! 每朝我地就响呢小片樹林旁邊晨運喇~

每次講起呢度嘅自然環境.. 都唔想停!

恐龍仔嘅玩具 (二)

係時候summerize番近期玩過d咩玩具喇! 上次係舊年九月BABY EXPO之後, 連新買嘅玩具都未識玩哂..

歲半開始嘅恐龍仔, 睇好多書, 識字~ 所以, 好多"玩具" 好難分清屬於教具定係玩具.. 呢度, 只會記低非"書"類物品~

首先揾到嘅~ 係

串珠仔好緊要架~ 有d KG會當interview題目! 係好好嘅專注力訓練!

下面呢set個其實同18mth嗰set差唔多.. 恐龍仔之後學識分顏色~

(蒙特梭利教具家庭裝 or 木玩~ 响淘寶買, 散裝嚟架~)

因為呢隻仔對唔同質感好敏感, 我地玩咗一排泥膠, 由驚驚玩到ok!

另外, 我地仲有個百寶盒, 放咗唔同質感嘅小導具 (e.g. 毛毛波, 勞作用鐵線etc) 都係玩到唔怕喇!

呢塊畫板都唔錯架! (泥膠/畫板 --> 斗斗城)

呢套都幾好玩架~

自由玩又得~

跟佢d模砌又得~

買呢間屋仔時~ 差唔多兩歲, 超鍾意! (on-line shop 訂嘅, 斗斗城有呢類嘢賣, 可以買埋隧道!)

好多朋友問起呢套feel & find响邊度有得賣..  恐龍媽見過yahoo bid同babysky有.. 有興趣嘅, 可以自己search吓~

下面呢個~ 係嫲嫲買咗成年嘅.. 响ikea買, 訓練手眼協調~

呢套~ best buy from Taiwan! 係magnet嚟嘅, 有數字/顏色嘅元素, 加埋筆都係magnet~ 學用筆.. 幾好架!

仲有~無影過相嘅puzzle, 恐龍仔可以無需提示下拼到16塊~ d大人好多口, 所以唔多機會觀察到, 到底20塊拼到未~ (1盒4set唔同塊數拼圖, 吉豬島同千色都有, 約$20一盒)

其實都有玩積木, 不過恐龍仔鍾意破壞多過建設!

另外, 有銅片琴.. 同埋雅培近半年送嘅贈品 (天平 & 鋼琴)

大至, 可以話唔係太多小肌肉玩具喇, 因為歲半起, 可以做好多大肌肉運動, 例如去遊樂場爬上爬落! 反而我地會針對某d嘢, 揾相關嘅導具幫助~

其實, 真係唔覺特別多玩具.. 反而書就真係越買越多! 希望恐龍仔愛惜d書, 咁恐龍媽可以遲d賣返出去! 嚟緊~又會買30本二手書喇!

last but not least~ 多d到戶外行! 凍天熱天落雨大風.. 咩天氣都要俾佢地體驗吓! 最好嘅學習方法, 係由經驗得出嚟架! (that's why~ 有活動教學! ) 可以考慮揾番相關嘅書俾佢地睇! 事半功倍!!!

 

solar system

恐龍仔一路鍾意星星~ 冬天~ 每晚都話要睇星星!

呢期~ 恐龍媽終於借咗兩本講星球嘅書 (中文加英文), 幾日時間, 佢識得考媽媽mercury中文係乜!!! 自己講地球即係earth~

正正經經借兩本書, 係想佢學d啱嘅嘢 (sorry, 都仲係舊嘅9大行星!) 同埋我地教d啱嘅嘢! 英文恐龍日日講住jupiter~ 恐龍媽完全唔知係咩星呀! 依家知喇!

另外~ 經過近期努力教中文, 咁啱恐龍媽攞返康傑嘅N1下學期某本課本... 望咗一眼~ 識哂! 賣得!

-----

今晚, 收到某bb雜誌電話, 想揾恐龍仔聽日影相做model.. 可惜太遲通知喇, 唔得閒呀!

-----

呢隻仔~ 又掟電話喇! 次次話佢次次喊~ sorry完又sorry, 但係又繼續做! 又或者一路sorry一路話媽咪唔俾, 咁做唔啱~ 但係一路照做!

於是, 恐龍媽見佢掟書.. 就恐嚇佢: 如果再掟書書, 咁書書就唔再同佢玩架喇! 無人願意同佢做朋友..

又喊咗一輪~ 

呢d人仔可能要受d教訓!!!

Toilet Training >1 month

日頭唔著片~ 踏入第二個月喇! 呢隻嘢都仲係未肯講要shsh!

依然有時會濕濕.. 最衰嘅係: 佢唔肯去厠所!

每次話去厠所喇~ 每次都NO! 但係幾乎每次都痾得出!!!

恐龍媽唔想使用暴力, 信強行捉人, 最近諗到個好方法~ 而且都幾work架!

方便好簡單, 只係恐龍媽話: 媽媽唔想濕濕, 媽媽去厠所!

咁~ 就有d人仔喊住(!!!!) 跟入嚟, 唔駛捉! 呢招同樣可以用响擦牙, 同埋有時得嘅食飯~

其實~ 佢喊係因為想玩! 繼續玩佢玩緊嘅嘢!

-----------

今日, 其實仲有笑話!

話說本來約好幾個小朋友去恐龍家附近玩, 如果落雨就上屋企玩..

恐龍爸媽其實好想睇吓如果有小朋友玩佢d玩具, 呢隻仔會點.. (實癲一輪, 喊哂啦!)

一早, 問恐龍仔: 叫小朋友上嚟玩好唔好~

恐龍仔: yes

咁叫Andrea上嚟玩啦~

恐龍仔: NO!

問咗幾次~ 答案一樣! 唔明! 可以Andrea大熱情, 見親都hug hug恐龍仔?!

最後~ 天雨關係, 小朋友唔去咁遠喇! 節目取消~ 好可惜!

真係要約吓朋友仔上嚟玩吓先得!!!

育兒方法成就孩子未來

今晚參加咗個講座~

講座內容

有關育兒方法與兒童發展之科學證據
四種育兒方法
家長是孩子的情緒導師
情緒訓練方法

講者簡介
袁博士是一名輔導心理學家及中文大學榮譽副教授，不時舉辦講座，指導家長及教師如何與孩子建立良好關係及應付情緒上的問題

其實內容真係人人啱聽, 不過唔明点解.. 反應咁差!

 大致係講: 家長作為"情緒導師"對小朋友成長嘅影響, 呢套理論, 係經過120個家庭為時10年嘅研究得出嚟嘅.. 戲肉在於點做好一個"情緒導師", 其實講得唔多.. 講者介紹大家參與佢嘅workshop..

其實當中講者分享咗好多個case, 大部份都係成績超凡嘅小朋友, 但係就偏偏因為受唔住某d壓力, 引至其他極端嘅問題, 如飲食失調~ 姐妹不和etc

EQ好, 真係唔簡單嘅事, 只知EQ差一定係學返嚟嘅, 估唔到.. 我一路知要鼓勵小朋友講出自己感受, 幫佢講佢嘅感覺 (又係Sam Sir教嘅), 其實, 都係做咗一半! 另一半, 就係要臨場應變喇!

點處理小朋友嘅問題, 有時好難講啱唔啱, 因為要睇返家長嘅性格.. 有d好微細, 簡單d講, 叫家教, 呢樣嘢~ 一定人人唔同囉!

 

唔得咁玩架!

恐龍仔最近有幾樣問題:

1. 爬枱, 坐枱, 企响枱!

2. 掟嘢, 特別鍾意掟電話!!!

3. 扭抱~ 出街時, 對腳幾乎唔要行! 一路抱住你隻腳! 再唔係就lur地唔企起身! 但係到佢肯行~ 佢就自己行! 唔拖手~ 行去睇佢要睇嘅嘢!

唉~

講爬枱..

都係話佢知枱唔係咁用~ 危險!

有時, 會嚴厲對待, 唔可以咁玩!

小朋友嘅學習能力, 超乎想像! 呢晚~ 發生咗以下片段:

恐龍爸放工返到屋企, 第一時間係揾恐龍仔玩.. 佢出動咗"bubuchit jellyfish", 搞到恐龍仔見到就笑定先, 慘叫!

俾爸爸tickle完.. 點知爸爸仲想再嚟多次!

恐龍仔好正經咁坐後少少 (body language!) 然後講: 唔得咁玩架!

恐龍爸都好尊重小朋友嘅意願.. 無再tickle tickle喇..

不過, 就真係好驚訝~ 呢個仔聽咗係真係識用返架! 語氣加身體語言學足哂!

至於上面三大難題~ 唉~ 都唔知幾時先會好d! 不過~ 已經到咗一個地步係~ 佢知道咁做唔啱, 佢會say sorry, 不過繼續做! 你問佢做乖豬定曳豬, 佢會答曳豬!

做唔做乖豬?

恐龍仔: NO WAY!

咁邊個曳曳?

恐龍仔: YOU~ not me!

 

 

恐龍發夢?!

到底~ 幾大人仔先會發夢? 到底~ 佢地會發夢夢見d乜呢?!?!?

細個~ 恐龍爸見到恐龍仔喊醒, 會話:係咪發夢有人搶咗你支奶奶呀?

今朝~ 工人姨姨話BB一路瞓一路笑! 係哈哈聲笑喎! 咁~恐龍媽問恐龍仔, 到底~咩事咁開心呀?

恐龍仔答: 紅蘿蔔!

恐龍媽: 紅蘿蔔做緊乜呀?

恐龍仔: 食食紅蘿蔔!

恐龍媽:  邊個食紅蘿蔔呀?

恐龍仔: 兔仔!

恐龍媽:  係唔係Miffy呀~

恐龍仔: NO!

真係俾佢笑死~ 唔明点解食蘿蔔都笑餐飽! 不過難得人仔講廣東話! 恐龍媽都好驚訝!