~ 恐龍家 ~

2008年11月29日星期六

恐龍仔 x baby-mo 之一代宗B

2008年11月27日星期四

小熊出沒注意

今朝大風~ 臨落樓之前著上熊仔衫嘅恐龍!

好可愛呀!

今日~ 都係玩樹葉!

恐龍仔識講"綠色樹葉"喇! 仲有"唔同顏色"~

呢兩日學"大" "細" 呀!

-------------------------------------------------------

夜晚

攞咗set新買嘅蒙氏教具

玩得好用心

如恐龍媽所料: 恐龍仔幾鍾意咁玩!

相同高度+唔同直徑 ---> 無難度!

相同直徑 + 唔同高度 --> 難些少, 不過ok

以上兩組一齊, 1-2分鐘搞掂! 第一次玩, 好快上手!

不過, 到另外兩組就無咁易喇!

慢慢玩啦!

(呢set嘢係恐龍媽苦戰多日, 先响淘寶網買到! 依家個交易都未確應, 因為login唔到!)

2008年11月26日星期三

先睹為快 ~ 恐龍仔 x baby-mo

以下係幾個月前嘅一編blog~

出咗一日, 俾恐龍媽收返!

-------------------------------------------------------------

我個人裝唔到秘密架~

呢幾張相, 係恐龍第一次扭蛋, 之前都post過~

忍咗成個星期~ 今日啱啱confirm咗.....

"您 Send 給我那幾張「恐龍照」都沒有問題，可作刊登之用。另外，我們想將恐龍仔的~~. 用作這個新欄目的招募及示範例子，供其他媽咪參考如何制作~~未知媽咪您是否首肯?

如果您們願意，恐龍仔的~~不但會刊登在《賣個關子先》的雜誌上，還可能會放在我們的 Web Site上，刊出時間有機會長達12個月。"

(~~ 都係留返d神秘感, 同埋唔想公開人地嘅idea)

就係咁囉~

實在太興奮喇! 雜誌出咗街 (唔知係咪下個月呢?) 將會第一時間scan, 然後post出嚟!

btw,

其實, 我覺得呢幾張相唔係咁靚, 個頭俾我剪到好肉酸!

-------------------------------------------------------------

後尾收埋, 係因為唔想公開個記者嘅idea~

等咗幾個月, 頸都長埋!

終於等到喇!!

今日收到通知, 恐龍仔將於12月號出現!!

2008年11月25日星期二

哩埋~

今晚俾恐龍仔笑死!

愉快嘅一晚~ 由去火車站接爸B開始!

晚飯時間~ 恐龍仔企上櫈仔, 一邊講: 好高!

如是者.. 落地, 企上櫈仔, 好滿足咁笑~ 好高!

爸媽食飽, 陪恐龍仔玩..

superman~ superbaby!

又排排坐!

攞咗個磅玩... 氹氹轉?!?!?!

仲有乜玩呢?!

攞咗d豆袋羊仔出嚟.. 爸B突然放d羊咩咩入恐龍仔件衫入面!

搵到喇!!!

恐龍仔玩上癮! 自己放唔到入衫衫~ 哩埋!

就"謝謝hmm~" 俾隻羊仔媽mi! 要人幫佢!!!

然後, 對住塊鏡一邊玩, 一邊望住自己作哂狀咁笑!!!

夠鐘瞓喇~ 睇下有奶飲未先~~

say goodnight啦, 工人同恐龍仔講: goodnight kiss!

於是.. 佢走返出廳, 攞起長頸鹿kiss咗一啖!

咁爸B呢?

恐龍仔攞住長頸鹿kiss咗爸B一啖!!!

咁媽mi呢?

恐龍仔攞起羊仔kiss長頸鹿!!!

呢個時候~ 恐龍媽已經笑到瞓咗响地~~~

2008年11月24日星期一

小朋友=希望

自從爺爺病咗, 屋企起咗巨變~ 恐龍爸從來唔係一個細心嘅人, 佢見到恐龍媽早兩個星期攞咗幾本BB嘅相簿去医院, 好感觸咁講: 小朋友對於家庭, 真係好重要! ... 希望同快樂!

----------

今朝, 我們做了一樣傻事~

把落葉堆滿恐龍仔的一對小腳!

抓一把枯葉向天上灑下!

不停咁重覆: 落葉呀!!!!

傻孩子看得傻笑.. 傻媽媽正在做什麼呢?

然後, 傻孩子跟着做, 抓不到一把... 一片也可!

看着樹葉隨隨落下... 又笑了!

旁人看見.. 會否覺得這一家三口很傻~ 在玩"垃圾"?

---------

恐龍媽放學回家, 開門見到黑面嫲嫲, 心知不妙!

回到房間.. 門外戰火繼續!

都說過~ 嫲嫲一定受不了"照顧"爺爺的工作, 跟恐龍爸談過: 要搬開, 要請工人!

They will kill each other!!!

但是~ 他們可否想想, 至愛的孫兒正在熟睡?

恐龍媽堅持: 不在孩子面前爭吵!

因為, 少時.. 總是躲在被窩裡..怕得哭上半天!

討厭99?! why?!

早兩日~

上playgroup, Sam Sir 問点解恐龍仔又唔喺狀態呀?

因為啱啱瞓醒囉!

咁可唔可以早d瞓呀?

嫲嫲帶咗BB出街呀!

Sam Sir笑說: 淨係聽呢句已經知你好憎佢!

恐龍媽無言~

返到屋企, 一個人靜落嚟就諗.. 我幾時開始討厭佢嘅呢??

應該係自從恐龍仔出咗世之後!

其實, 每個人湊仔嘅方法都唔同, 嫲嫲湊大兩個仔, 兩個都唔同性格, 相同嘅係: 兩個都要人照顧!

恐龍媽想小朋友學習獨立! 方法唔係去外國讀書, 係從小做起~

就係咁~ 日常生活上已經有好好分歧!

當中, 仲有d 新潮湊仔方法, 有d科學派嘅堅持..

第一次出現問題, 係關於"逗"BB去厠所, 恐龍媽話唔好, 嫲嫲就背後做~ 恐龍媽唯有扮睇佢唔到!!!!

之後~ 就係強大壓力: 有人要教我湊/教仔! 有人怪我唔夠關心個仔~ 有人覺得我虐兒!

朝朝話著唔夠衫~ 都話咗屋企著3件已經好夠! 但係佢可以廿幾度要BB著3件厚衫落街! 當年佢湊仔, 可以著5-7件衫, 包括同一時間兩件棉襖!!!!

舊年成個冬天, 每日見面第一句: 著夠衫未呀? (可以只係一句開場白, 不過因為永遠都唔會著到佢覺得夠嗰個標準, 所以~~ 比較敏感!)

之前話恐龍仔唔願食嘢, 恐龍媽要改飲食時間表, 取消一歺奶, 改一改時間, 等晚歺會餓d, 仲有臨食飯唔好食餅~~ 嫲嫲話: 佢鍾意食奶咪食奶囉~ (佢係見到奶樽喊住要飲, 唔係食得多) 鍾意食餅咪俾多d佢食囉! (咁都唔係食飽飯+臨瞓前架?!?!?! 咁仲食唔食奶呀?!?!?)

所以~ 依家嫲嫲講一句說話, 恐龍媽都好敏感: 仲乜好地地叫人食嘢啫?! 咁我食咗你嘅~ 咁你食乜呀? 因為始終唔係自己阿媽, 呢d說話唔講得出口, 表情應對會好奇怪.. 佢次次問人食唔食佢份晚歺, 次次都話唔駛喇~ 其實, 係咪應該識做d, 食佢d嘢呢? 咁佢咪唔夠囉?!?!?

唉~ 所以有日嫲嫲同婆婆講: 覺得恐龍媽好憎佢~

因為, 當兩個好唔一樣嘅人喺埋一齊, 而其中一個好想改變對方 (包括想自己更受歡迎), 就會出事!

(話說回來~ 叔叔都唔要同兩老住! 好大可能: 兩老變一個恐龍叔叔!)