今個星期好多節目呀!
21 OCT, 做節, 去咗鑽石山食飯~恐龍仔有嫲嫲抱住就 一放响車仔就 無佢收! 一家人心痛隻衰豬無得瞓, 唯有快快食完返歸
22 OCT 都係做節, 今次去黃大仙見下d舅公/舅婆, 仲有大恐龍仔兩個月嘅表舅父! 因為場地太窄&多人, 恐龍仔有d不安~ 但表舅父一路都好乖乖.. 最後爸B媽咪食飽飽就走先, 同恐龍仔返屋企. 响架shuttle度媽咪聞到d臭味~原來係恐龍生蛋 (痾CC) 但係無幾耐見到佢中下中下~坐喺度都可以 好嘢! 返到屋企換片片, 抹patpat.. 一路都未醒, 係到要整好張新片片至醒! 豬一樣
23 OCT 爸B飛走嘅日子... 我地去咗playgroup先! 傻恐龍去到成日想喊咁嘅樣, 好慘咁~扁哂咀,兩行眼淚水! 其間所有bb都喊過, 最叻係包包~~喊兩下就
之後媽媽去咗coffee shop 餵恐龍仔, 同枱嘅客人都讚我地可愛靚仔! 開心到有d媽咪 <---傻咗&偷笑!
今個星期恐龍仔喺屋企過中秋, 嫲嫲專登請咗一個星期假留喺屋企湊恐龍b~
恐龍仔口水多就唔係咩新聞~當然食手手都係啦! 不過嫲嫲呢兩日又發功喇!
唔好成日塞隻手入口先得架~會整損個口架!
係咪肚仔痛呀? 痾水喎~係唔係飲咗d萍果汁呀? (响婆婆度飲咗好耐啦!)
你係咪吽牙仔呀~BB? 我知你辛苦喇! 咁都唔可以塞隻手入口架!
唔係喎~佢係呢兩日先係咁~不如睇下医生~ (咁你係咪都應該諗下會唔會自己唔多衛生呢?)
睇下医生安心d!
嗰d唔知係咪牙仔屎呢? 去問下医生啦!
REPEAT as much as you can!
喂喂~肚痾都無藥架啦, 都要由佢痾清(according to what the doctor said last time)邊個搞到咁呀? apple juice? no way! 唔好俾我見到有人伸隻手入片片~睇下有無濕~ ok? 我唔知有無洗手, even有都係disgusting架!
出牙仔就更加無理由睇医生啦!
唉~雞同鴨講! 爸b又唔喺度~ 唔講呀!
30 SEPT, 牙肉下面有d白喇~有人仔真係出牙仔呀!
嫲嫲話: 我地以前有個家庭医生, 有咩事都會搵佢問下~ 以前會有姑娘上門幫bb沖涼~ 以前....
嫲嫲~e+資訊發達, 有咁多書睇, 唔使下下咁緊張睇医生架喇!
1 OCT, 瘋狂咬牙膠!!!
恐龍仔兩個星期無返屋企(媽咪傷風), 搞到錯過咗 AMY姨姨搞嘅FUN FUN PARTY~~
今個星期終於返去見下d FANS ~ 爺爺同嫲嫲 , FANS 們一見到靚仔恐龍當然會瘋狂擁吻, 仲係好味到唔停得口------咁讚恐龍靚仔, 可愛... 媽咪最後由爸B手上接過傻BB, 將佢放咗喺床~跟住即上演恐龍反身! FANS們當然唔想錯過呢個經典時刻, 於是恐龍仔唯有一而再咁表演反身-----手仔捉住腳仔~ 轉! 就係咁簡單! 但FANS們好似唔多滿足, 我地嘅主角唯有送多個 "反轉再反轉" , 之後先可以散場休息
其實佢上個星期已經可以輕易轉身, 今個星期就係一放低就轉, 扒响度時又唔再食床! 叻叻呀
2007/4/1 <日>
余医生巡房, 話去水去得好理想, 去多咗成一公升水呀!
12点可以拆喉, 自己試去小便, 成功嘅話, 話可以去親親BB喇!!!!
中午, 好努力咁飲水, 試起身~~ 嘩嘩! 痛! 跟本用唔到力! 較好床嘅高度去就力, 試咗幾次, 終於成功! 多謝老公嘅幫助! 但係, 半夜無人幫又点呢? 老公話: 如果真係唔得就call姑娘囉!
第一次去小便, 真係好難就力: 坐又唔係 (驚企唔返身), 企又唔係! 点知, 姑娘話volume唔夠呀! 繼續努力啦!
約3pm, 終於合格, 老公推輪椅送我去睇BB! 其實係餵奶時間, 不過姑娘已經餵咗喇! 我就抱下BB囉!
之後, 除咗半夜嗰歺奶, 我歺歺都有去餵架~~ 不過呢隻仔好懶, 唔肯啜, 無計, 喊到拆天, 個個BB都好合作咁食奶奶, 但我嗰隻就係咁喊~~~ 你話幾hurt喇!
仲有~ BB有個黑眼圈.. 望吓望吓~ 會諗: 如果医生落個鉗個位爭dd.. BB隻眼咪...
為咗見多BB幾面, 教洗白白時間, 我地俾姑娘捉咗BB做model~ haha! 好開心呀!
出院嗰日, 余医生想我住多日, 因為d血壓都未係咁正常~ 不過因為遇正復活節假, 佢自己都有兩日唔喺HK, 所以都唔想留我喇!
過咗12wk = stable
咁但係, 過咗24wk先係"人仔", 出咗嚟都有人救!
於是, 繼續數日子~ 到咗24wk, 鬆一口氣! 個心只係希望BB住耐d! 每日對住肚入面隻小B講: 乖乖~ 住多一日得一日呀!
呢段時間~ 都算平靜, 無乜特別事發生, 返工~ 都OK!
二月, 收到風上司命不久爾~ 都好, 無諗過一個生過兩名嘅媽媽會覺得我去睇医生係多餘, 唔應該嘅! 男上司~ 應該好d卦!
同時, 我由4wk覆診一次改為3wk, 血壓開始高, 不過我唔覺得有唔舒服! 每次去覆診都量幾次血壓, 姑娘好緊張!
余医生幫我驗多一次血, 睇下係咪同妊娠毒血有關, 結果, 仲ok, 未高!
呢個時候, 我仲決定咗開刀, 因為覺得生仔嘅"運動量"好高, 咁高血壓, 唔知會唔會有意外~~ 老公有個同事老婆生咗個幾月之後中風, 雖然同生仔無乜關係, 但係就剩低咗個newborn俾個男人~~ 老公話唔想剩番佢一個帶BB返屋企!
係呀~ 我地好遲先book医院俾定金, 嗰日主動同余医生講, 佢就出埋入院紙俾我~
我地book咗30/3, 星期五. 呢一日, 亦係產假開始嘅第一日~
三月, 新上司上任, 後生仔, 啱啱畢業仲未行畢業禮!
財政預算案發佈嘅日子, 計完一輪, bb四月出世會幫爸B省$2k左右, 其實唔太重要, 不過原本余医生都建議四月頭開刀嘅, 咪就改遲3日, 2/4啦!
2007/3/23 <五>
覆診, 無乜特別, 又再抽血, 好似話urine protein 有+, 我同医生講: + 返到lab得trace架咋! ok 啦!
2007/3/24 <六>
結婚週年紀念日, 如果唔係改過預產期, 其實恐龍仔可以响呢日出世~
2007/3/26 <一>
頭痛, 頭暈! 特別係要講嘢嘅時候, 要合上雙眼! 好似呼吸唔到咁!
同老公相量過, 不過入院休息~
於是, call余医生pager, 唔覆!!! 唯有打去診所~ 有人話佢响TKO, 但係打到去又話喺TST! 到打去TST, 余医生搵個姑娘覆我, 如果我要入院, 都要見咗医生先, 唔可以自己去! 但係TST 嗰日full哂, 叫我第二日去ST!
2007/3/27 <二>
好努力咁交低d工作~
下晝見到医生, 血壓係21x/12x~
佢話可以响屋企休息吓, 唔一定要入院! 但係老公唔想我一個人喺屋企 (其實62/99都喺屋企架!), 於是我地緊持要入院, 就咁, 攞咗第三封入院信, 晚飯後入院!
姑娘好少接呢d case, 有d唔知做乜! check咗一輪, 俾咗個最近nurse station嘅房/床我!
一切正常, 老公十点幾要就走, 一個人, 生保床~~ 瞓唔着!
加上每四個鐘量一次血壓+BB心跳, 瞓着咗都醒啦!
仲有~ 呢間房隔離就係產前房, 三更半夜會有人叫救命!
2007/3/28-30
又再抽咗兩次血~ 余医生話無乜特別嘢, 星期六會見佢唔到!
好悶呀~ 好在帶咗電腦, 可以上網!
2007/3/31 <六>
唔知係咪因為有仔接, 余医生一早出現~ 佢話呢幾日d蛋白時有時無, 要check清楚?!
lunch, 食完嘢留咗次~
2pm, 又話留多次?!?! 不過呢次好特別: 一個生面口嘅姑娘, 攞住支test stick入嚟, 問我識唔識睇! 我諗一諗, 覺得好奇怪, 但係答咗佢我識囉!
到我dip咗支stick, d 啡色出得好快, 另外嗰格綠色嘅就無起: 嘩! 好高糖呀!
call 姑娘入嚟, 順口話: 好高糖呀!
4pm, 床頭電話響?!?!?! 係余医生! 佢話我蛋白好高, 要盡快開刀, 但係OT (operation theatre)滿哂, 9点先有位!
ok 啦~ 打俾老公, 叫佢上完堂過嚟~~ 佢就打咗返屋企~~
個腦一片空白, 唔明点解糖高要緊急開刀?!?!
5pm, 姑娘入嚟, 話做定d準備工作: 剃毛毛, 換衫?!?!
到我入洗手間沖身換衫, 99到咗~ 到我返上床.. 有個姑娘好緊張問攞咗藥俾我飲未? 未呀~ 又好緊張出返去~~
到佢返入嚟, 佢好急咁叫同事快手d, OT d姑娘等埋我先收工!
吓?!?!?! 乜你唔知要即刻推落去架?!?!
好驚~ 好驚! 好在99同叔仔喺度, 叫咗佢地call老公! (老公收到call, 响TST坐KCR再轉的士~) 我d眼淚就開始無停過喇!
冷靜返少少, 但到過床, 推出房 (約5:30pm), 好驚, 驚老公趕唔切!
入到OT嘅waiting area, 個麻醉師好好, 同我傾計, 安慰我, 話會等埋我老公! 跟住推我入OT, 知道老公到咗, 個人定d, 余医生話等做埋麻煩先放老公入嚟!
到所有嘢ready, 見到老公, 都無咩好講, 俾佢捉住隻右手~ 有一段時間血壓好低, 個人震哂, 好凍! 後尾好d啦... 見到麻醉師幫手推我個肚~~
跟住~ 聽到BB喊聲! 余医生親手抱咗bb去老公手~ 佢話因為用產鉗, 所以隻眼可能會瘀咗, 過兩個星期就會散~
跟住~ 老公出返去, 我又响monitor room瞓咗一輪.. 7点幾先上房!
呢一晚, 姑娘每一個鐘入嚟一次量小便 (睇下我去水情況)
