尖叫恐龍~

恐龍仔今個星期返屋企令我好頭痛~

一隻學識咗尖叫嘅恐龍! 都唔知佢開心定發皮4, 抱住又叫.. 放低又叫.. 救命!! 我個頭好痛呀!

至於有咩進步~咁當然係有啦! 吊喺床上面嘅小動物好抵打? 不特止~仲要加多兩腳踢踢呀! 衰豬佢仲越踢越興奮! 俾佢笑c

仲有仲有~就係食腳趾喇! 雖然倘未成功~ 見佢對手仔好努力咁拉腳仔埋口, 食唔到, 好似好慘咁, 不過唔緊要啦, 仲爭大約 1 cm 就可以放隻腳趾入口喇~

 練習多d下星期應該食到架喇!!

星期日~恐龍仔表演坐呀! 佢個樣好搞笑, 好似不倒翁咁樣, 坐咗成分鐘至瞓低, 好叻叻呀!

 

大家有無發現一樣嘢~ 就係呢隻係好多口水嘅恐龍!