呢個比賽對於恐龍媽有d特別意義，第一回合下半場係恐龍仔第一次响老師建議下參加比賽，當時佢學咗圍棋只係短短4個月，跟同佢一班嘅女同學，再加一個小三嘅師兄一隊，3局兩勝！已足夠响該回合唔駛包尾 (當6局兩勝)
第二回合，俾呢幾個初哥贏咗初級組亞軍，冠軍隊有兩位兄弟，成年人。
今日第三回合上半場，由恐龍爸帶仔出賽，今次恐龍仔唔再係副將，第一次做主將！第一局已經係硬仗，好辛苦贏咗，第二局就對嗰兩兄弟，因為棋力差異，對方讓5子，恐龍仔勝！
最終，恐龍仔同女同學都3局勝，即係佢地嗰隊上半場全勝，好大希望攞呢個回合嘅冠軍！14號繼續努力！
見人地買得咁爽，我半年前開始學人上網買好嘢！初初格價，發現vitacost平過iherb，試過一次，不停有promotion email寄嚟，好似好抵咁，第二次再格價，發現…原來vitacost嘅運費貴過iherb好多！係越買得多嘢越覺！因為嗰次vitacost做緊個<US$40價嘅平運費promo，所以都係買佢！
可惜…. 3個星期後，我見d貨未返，於是去睇吓去咗邊啦，上dhl track唔到！email去問，覆返嚟嘅答案係:refund!!!!
有d九唔搭八，我唔係要錢呀！
於是，下一次試吓iherb，講都唔信，三四日就到！利害呀！
從此，唔會再响vitacost買嘢，就算我真係响iherb買貴咗都好，起碼到貨快嘛！更何況計埋運費，唔見得vitacost會平好多 (除非買d又貴又輕嘅嘢，咁一定vitacost抵d，可惜我要買嘅多數係又平又重嗰類…)
iherb gift code
如果想試試訂嘢，可以响埋單時打入gift code JNF012，咁就over US$40 減$10，唔夠$40就減$5。
其實，教育嘅本義係乜？係要安排孩子入一間” 人人都話唔錯/幾好嘅一條龍中小學” ？
最近跟一位報K1時漁翁式報學校嘅家長傾過，佢個小朋友收到好多offer，包括所謂半龍/龍校，但成家人對孩子讀緊嘅N校好滿意，包括地點、課程、宗教等！但係所有人都同佢講：放棄龍校好蠢！
但龍校在佢屋企，係過淺、遠、宗教唔同！
佢好難好難過到自己嗰關…
我係唯一一個同佢講：以後嘅事，以後再算，你可以有間學校好好教小朋友3年，之後再打算，總好過送小朋友去十幾年一間自己唔鍾意嘅學校！報小一辛苦？全香港大部份人陪你！逃避係好辦法？！連家長遇到困難都選擇妥協而唔係教孩子去面對？！更何況小朋友讀緊嘅KG小一成績都幾好，怕乜？再講…孩子已經响一個咁好嘅家庭長大，再唔受歡迎嘅學校都唔駛怕，只會遇到更好嘅老師！
恐龍家報小一遊戲總算告一段落，都算無太多意外：面試/課程最適合佢嘅學校收咗，大抽獎抽到乙一，但不足以令我為細佬而放棄大仔嘅幸福，將來嘅事，將來再努力打算！孩子總有自己嘅福氣/運氣。
如果時光倒流，我無後悔當初無報龍校， 對於面試唔識講嘢嘅人仔，我覺得可以做嘅唔多，反而係…可能比佢早少少接觸圍棋！雖然相信對考小一嘅幫助唔大，但至少由無獎俾人睇，到有d嘢睇.. 同埋，對於一個6歲人仔可以學唔夠一年就可望升到段位，可以話佢係有d天份嘅！當然~有天份都一樣要努力先會有成果啦！
