~ 恐龍家 ~ : 4月 2012

2012年4月7日星期六

高雄橋頭糖廠

高雄遊嘅最後一日，是日節目係~ 橋頭糖廠！
呢度好靚...好靚！可惜~ 朝早落咗一朝雨，差dd就要改變行程，最後決定：落雨都照去！

早餐@ MOS burger

呢度，係台灣第一間機械化嘅糖廠舊址，裡面有歷史有糖嘅造化之外，仲有好靚嘅景！

好靚嘅花~

好多好多嘅火車！

我地喺返裡面食午餐，普普通通一個湯麵，恐龍仔都食得好滋味咁！
呢度好出名嘅甜品，就當然要試試啦！

隔離，有個荷花魚池，我地一邊餵魚魚，一邊有d米奇都唔執輸，食埋一份！

呢度仲有防空洞，恐龍仔好鍾意行隧道！

呢個係甘蔗迷宮

玩到差唔多，要趕返民宿攞行李喇！

呢次行程，無任何購物時間，因為恐龍仔成日要返"屋企/酒店"，就算响yoho嗰日，都話要返房嘅！可能佢真係唔係好慣成日响街！一上到飛機就要瞓！連飛機餐都無食！
就算返到香港，第一日都唔願落樓，唔願出街食飯！
今日問恐龍仔，佢成個行程最鍾意係乜？
佢話：係海生館！第二係YOHO仔！

咁最唔鍾意呢？
佢諗咗一陣... 媽媽代答：係咪食物呀？
佢話係喎~
估唔到佢咁唔鍾意台灣口味！

2012年4月6日星期五

墾丁高雄之旅 2012

DAY 3
水牛溪 >> YOHO >> 海生館 >> YOHO (包車車費水牛溪至YOHO NT$500)

YOHO有車去海生館，我地一到YOHO就咁啱有車，服務員好好，即時安排我地上車！出發！

之前嗰日已經响恆春買咗換票卷 (NT$390 vs 原價NT$450)，所以我地去到只要換入場卷就可以入場！不得不提，恐龍仔太矮喇，未到115cm，基本上大部份要買票嘅地方，佢都係免費嘅，包括海生館同捷運！

海生館有好多海洋生動，最愛嘅~ 當然係小企鵝啦！

本來園內有戲水池，但可惜呢日好大風，有d涼，所以都係無落水玩！
雖然係咁，恐龍仔都覺得海生館係呢次旅程中佢最鍾意嘅嘢！

睇到3點幾，我地就0坐返酒店車返去喇！
攞房~~~ 嘩！好大好靚呀！

_84C8354-8

恐龍仔好鍾意呢4隻嘢！
呢度真係好細心..

我地hea咗一輪，無去玩活動，dinner之後.. 經過，有勁歌熱舞..

恐龍仔玩得好投入！

呢個係遊樂場~

到我地返房，發現房門大開，打落去同服務員講，佢地送咗個蛋糕俾我地！

我地無唔見嘢，只係好唔明，點解門開咗...

DAY 4
YOHO >> 高雄 (閣樓民宿) >> 六合夜市

可能~我地真係幾悶蛋，我地乜都無去玩，只係响playroom消磨時間，俾我地揾到本 can you see what I see 嘅書，就咁~ 3個傻瓜响度尋寶！

之後去咗周圍逛，俾我地揾到副國際象棋！

恐龍爸就自己同自己(個仔)捉棋
恐龍媽呢？就瞓覺覺！
wahahahahah~

4點前，就出發去高雄！
首先就當然放底行李，然後就出發揾食啦！

呢檔幾好味~

有人一個人飲哂杯木瓜奶，飽哂！

2012年4月3日星期二

墾丁高雄之旅 2012

計劃多時嘅旅程，終於起行喇！

DAY 1
HK >> 高雄 >> 墾丁 (入住托斯卡尼渡假莊園) - 3人車費共NT$2000

我地訂咗中華航空11點幾班機飛高雄，阿南(包車司機)已經响接機處舉住"恐龍仔"個牌等緊喇！
放好行李就出發喇！途中，經過唔同嘅田野，感覺很好呀！
經過個多小時車程，我地停咗响恆春買電話咭 (台灣好煩，要護照+身份証先買到電話咭！)，然後買咗d小點醫肚，然後繼續旅程，去水牛溪農場放低行李，阿南之後帶我地牧場睇吓有無牛牛，然後再去小灣，我地行咗一齊就去大街逛逛..
好早食晚餐，恐龍仔唔太鍾意台灣食物咁！
然後行返民宿~

呢間民宿最特別嘅地方係~ 超大浴池！咁~當然係我地睇過d相，見到鍾意先訂架啦！

仲有~就係四周會有小雞小鴨火雞等自由活動！

DAY 2
船帆石 >> 砂島 >> 鵝巒鼻公園 / 燈塔 >> 最南點 >> 後壁湖午餐 >> 墾丁海世界 (半潛艇) >> 貓鼻頭 >> 白砂 >> 恆春古城 >> 晚餐 >> 出火 (包車一日遊, 共NT$3000)