唔知幾時開始，牛牛好鍾意聽故事！好鍾意叫大人讀書佢聽！
有日，婆婆話：牛牛突然叫咗佢入房，俾咗本書佢，婆婆唔明佢做乜，就話"婆婆邊識架？"，點知隻傻牛牛聽到就喊起上嚟！
恐龍哥哥答咀：係呀~ 媽咪成日同牛牛講故事架！ (其實都唔係呀~ 嗰時只講過3兩次！"
呢排公公入咗醫院，媽媽夜返，尋晚返到屋企，牛牛就要上床瞓喇！隻傻牛指住d書話: one！
佢想要一本書，佢想聽一個故事 (佢想要乜都係講one)
但係當時媽咪實在太攰喇，無講到~
今晚，臨瞓時就抱牛牛入房講故事，講完一個到第二個，都講完喇，問佢要唔要奶奶啦~ 平時聽見呢兩個字就喊哂 (想要!) 嘅牛牛，今晚竟然係擰擰頭，再指住故事書！
牛牛~ 你實在太太太~可愛喇！！！
我個囝又係好鐘意聽故事呀！
回覆刪除以前睇書話D小朋友聽實一個故事唔鐘意轉，講到大人都覺得煩但佢地仍然鐘意呢個故事。之前我冇經驗，而家終於領教到喇！
阿囝而家好鐘意某一本故事書 (個書名有「啲啲啲」呢三個音)，而家一聽見講故事，就話「啲啲啲」，一日裡面可以聽3-4次 (如果唔係我拒絕佢，我估可以仲多)！以前唔肯飲水既佢，而家寧願聽「啲啲啲」，就肯飲晒一杯水(我一面講叫佢一邊飲水)！
[版主回覆03/17/2012 21:36:15]咁咪好囉！得閒又講一個新故事，俾dd新意囉！