假期功課

因為下星期外遊，星期5又會開party, 所以老師提早今日派功課俾我地~

媽媽放工，第一時間問恐龍仔：做咗功課未呀？
恐龍仔：剩返橙色細本嗰本未做~

好啦，攞d功課出嚟睇睇..
數一數，共十份，恐龍仔做咗8份，剩下嘅係佢講嗰本寫數字嘅功課，同埋經常漏咗嘅工作紙！
坦白講，恐龍媽有d驚訝，工人姨姨話佢好快做哂，it's easy for him.

咁媽媽都知，大少肯做，真係好快做哂d功課，仲要做得幾整齊架！

恐龍仔係一個愛做功課嘅好孩子呀！

城市農夫計劃

 

講咗好耐嘅種菜大計，終於响上個星期開始... 預備！

首先係去花墟入貨：一個大菜盆、一大包泥、有機肥料、有機農藥(看門口用)....
仲有乜呢？
售貨員叔叔話：種子囉！

哈哈~ 係喎！

售貨員叔叔好好人，仲教埋我地點種菜，佢話有客人用呢隻呢，種呢隻菜，23日就有收成喇！

嘩~ 好期待呀！
你知啦~第一次種，最緊要夠快，吸引住d人仔嘛！

最重要嘅係~ 恐龍媽攞唔到呢大堆嘢返屋企，唔該~可唔可以幫手call車，過兩日先返貨呀？
當然無問題啦~

於是，星期一晚浸種子。
星期二一早播種！

首先，當然要將d泥放入盆啦~

然後再用手指畫條坑~ 播種！

之後就當然要用泥冚住d小種子..

同埋淋夠水啦！

星期三晚，恐龍媽返到屋企，見到泥面好多白色粒粒... 睇真d~~~

嘩！

嗰包種子都幾多下，我地浸咗一半，初初諗~如果有一半發到芽嘅話，都已經好多！
依家睇，發到芽嘅，可能唔止一半！

學校評估

恐龍仔間學校一年要做幾次評估，學校會預早派評估範圍，方便家長幫小朋友溫習。
範圍裡面有中英數，有唱歌仔，有認字同寫字(writing)，而恐龍家一路都以為老師要睇小朋友寫得靚唔靚，啱唔啱筆順，直至有日..

近排開始有簡介會要聽，同學仔媽媽開咗個Whatsapp嚟傾湊仔經，大家講講下，講到評估，有位家長表示佢地一日默寫一個字。

原來要默書？！

問恐龍仔啦~ 佢話：無得抄架，要自己寫架！

仔呀~ 你個大矇阿媽一路都唔知要自己寫，無同你練習，但係你都次次100分...



好在，原來唔止恐龍媽一個大意媽媽，大家要一齊努力溫習喇！

牛牛的重大發現

晚飯後，散步返屋企..
行行下，牛牛停低咗，望住地下... 自己同氣球個影！
係呀~ 影呀！

第一次發現自己個影！

再行... 爸爸同哥哥望住天空：呢排天氣好濕，難得今日天清氣朗 (熱到牛牛成頭汗)，滿天星星！
牛牛跟住望...
STAR!
係呀~ 牛牛，你終於知道天空嘅星星係點嘅樣喇！

呢隻嘢呢~ 行行下，要媽媽抱抱！
一抱劇手，佢話：patpat
然後摸摸自己pat
媽媽：係咪臭臭呀？
牛牛: yes~
於是，媽媽向爸爸重複以上對話，睇下佢信唔信，因為，牛牛好少有類似對答！
一邊行，都知佢有料到，放落地行幾步又再要抱，仲係要媽媽抱！
你隻臭牛！

愛書牛

唔知幾時開始，牛牛好鍾意聽故事！好鍾意叫大人讀書佢聽！
有日，婆婆話：牛牛突然叫咗佢入房，俾咗本書佢，婆婆唔明佢做乜，就話"婆婆邊識架？"，點知隻傻牛牛聽到就喊起上嚟！
恐龍哥哥答咀：係呀~ 媽咪成日同牛牛講故事架！ (其實都唔係呀~ 嗰時只講過3兩次！"

呢排公公入咗醫院，媽媽夜返，尋晚返到屋企，牛牛就要上床瞓喇！隻傻牛指住d書話: one！
佢想要一本書，佢想聽一個故事 (佢想要乜都係講one)
但係當時媽咪實在太攰喇，無講到~

今晚，臨瞓時就抱牛牛入房講故事，講完一個到第二個，都講完喇，問佢要唔要奶奶啦~ 平時聽見呢兩個字就喊哂 (想要!) 嘅牛牛，今晚竟然係擰擰頭，再指住故事書！

牛牛~ 你實在太太太~可愛喇！！！

唐詩

之前同恐龍仔一齊買兒歌俾牛牛，俾佢發現咗一套唐詩，好想買唔肯放手 (d細路見到嘢就要買~)，售貨員問要DVD定CD (CD!)，廣東話定普通話 (當然要廣東話啦！普通話都唔啱韻嘅！)

過咗幾個星期，發現呢隻仔攞住本唐詩書仔睇... 好有興趣，一邊睇一邊查字典！

當恐龍爸見到呢個"飱"字，恐龍仔讀"孫"，我地覺得唔啱，於是，查字典啦！
結果~ 阿仔啱！

服哂！

佢真係唔覺得悶架，無播CD都睇到成個幾鐘！當然恐龍爸都有陪佢睇啦...
不得不讚下佢~ 


~~~~
响BK竟然有人話古時d人係講普通話嘅~
恐龍媽d歷史唔多好，唔識解，只知用廣東話讀先啱

等我copy另一位媽媽嘅解釋:
粵語保留了唐宋年代的語言。據一些學者的考証，粵語更是唐宋年代最通行的語言，是唐宋年代的普通話 (見劉桂眉、陳卓生編著《唐詩宋詞平仄淺說》-- 肇慶學院出版)。現時許多廣東話，

都是源自唐朝人、宋朝人的口語。

唐宋年間，戰亂政亂頻頻，避世或流放南方的人不少，而廣東話也漸漸與唐宋的普通話 -- 長安話結合，由是之故，粵音保存了九個聲調，反而現今的普通話就只有四個聲調。不少唐詩所押的韻，用普通話來唸，並不怎麼押韻，但用廣東話來唸，就更覺鏗鋝，十分押韻。

牛牛的第四次面試

今日係牛牛第四次面試，媽咪心情有d緊張，因為...只許成功！但競爭好大...

朝早，爸爸起身見牛牛好似有d脾氣仔，於是帶咗佢入房瞓！成功！！！
瞓咗差唔多一個鐘就醒喇，之後食飯，換衫，出門！

我地早15分鐘到學校，玩一陣,, 今年有好多家長義工幫手，好多嘢玩，仲好準時叫入禮堂！交咗文件之後，好快就叫名喇！

起初，媽咪都有d緊張，但見到牛牛好淡定個樣... 都無乜得緊張囉~

到老師叫埋位聽故事，牛牛全程眼定定望實老師，跟到指示 (有dd錯咁啦~) ，最好笑係佢一路聽一路笑！搞到我呢個媽咪都笑埋一份！

但跳舞呢.. 牛牛就唔係太願郁，但都叫有郁啦~

而過橋呢~ 真係毫無難度！見其他家長好緊張咁拖實排隊，我呢個阿媽就响對面等佢自己快速"捐"過 (唔知老師會唔會扣呢個阿媽分呢？！)

牛牛呢~ 無講thankyou, 無講byebye囉~
但整體ok啦... 做到嘅嘢應該仲多過恐龍仔！可能媽媽嘅心情大不同，上次... 自覺個仔好叻，點知佢做唔到就失望！但呢次，無覺得牛牛叻定唔叻，反而覺得佢表現到平時嘅佢，見到佢咁~ 好開心！

希望9月牛牛同哥哥一齊返學啦！