牛牛嘅第一個面試

幫牛牛報咗3間屋企附近嘅幼兒園插班，第一間話出年二三月先會安排面見，OK啦~ 即係有位啦！
第二間，就係呢日面試呢間，隔咗成個月先打嚟約，响學校樓下見到d小朋友，都覺得唔似插班生面試，原來~真係滿咗，面試係出年9月開學嘅幼兒班！
第三間，無哂影！

等嘅時候，牛牛去咗電腦枱捉老鼠！其他嘅嘢~乜都無興趣！

到叫名喇~牛牛傻乎乎咁行去另一個課室，坐好，攞玩具玩，老師問物件名稱，就當然唔會講啦~都未識講！但成個過程，牛牛都算合作，仲笑住byebye，飛吻！
然後~ 又傻乎乎咁~搖吓搖吓咁走返出嚟！
老師見到佢都笑~ 哈哈！

今次，牛牛上完playgroup，坐巴士返嚟，仲未食嘢餓住咁去"玩"面試，表現到平日嘅佢，媽媽幾開心！但爸爸對牛牛唔識講嘢，有d着急~