剪髮記

因為爸爸覺得短髮好牛精，所以恐龍仔d頭髮一路都剪得唔太短，係咁依修吓咁，好快又去剪過！自從7月中搬屋，短短4個月，呢次係第3次揾呢位姐姐剪頭髮喇！

每次，都唔係好定~
第一次，姐姐用說話氹掂佢
第二次，媽媽罰佢數1至200先可以定落嚟
呢次，佢周身郁，郁到打側身坐，然後向後坐，就係咁開始... 定咗落嚟！兩個"師傅"都話未見過咁樣剪髮！但你咪理~ 佢個頭就係無離開過張椅！


剪過哥哥，就到第一次出街剪髮嘅牛牛！

牛牛比哥哥定d，雖然都有郁，但係只係好奇咁周圍望，唔係少少嘢就周身郁！師傅話，牛牛都仲有BB毛，要再留長少少再修先好睇d
牛牛又係.. 好少頭髮！