ART JAM

响團購網見過ART JAM好多次，一路都唔明有乜咁好玩，而且見過嗰間响中環，無乜嘢都唔想過海！
直至，有媽媽朋友話佢公司搞咗個員工親子活動，雖然都係要過海，但係算啦，同幾個小朋友一齊好玩好多！

呢度有個大窗，對正維園，幾正架！
首先，恐龍仔叫媽媽油藍色做底色，佢自己就用黃色

然後，媽媽用白色畫咗D嘢，恐龍仔就叫媽媽用橙色畫個咁樣咁樣(努力比畫ing)嘅咀，同埋L鼻(指定要咁嘅方向)，同埋呢對眼！

跟住，可能嫌媽媽手腳慢，佢自己攞起畫筆，畫咗耳仔、耳環，同頸鏈！然後，媽媽唔敢再俾佢搞破壞，因為另一邊箱，佢自己嗰張....

由橙色嘅魚，有海草，有bubbles...

變成，有個網網住咗條魚，再有加潛水艇經過...

跟住仲要寫字！


好喇，再唔收工，就會開始搞破壞架喇！同場已經有小朋友响度玩到兩隻手都係顏料喇！
恐龍仔堅持要自己攞哂...呢兩張畫，將會响佢間新房長期展出！