93期親子王~ 關於中學

最近一期嘅親子王講自行階段揀中學。
對恐龍媽嚟講，睇吓無防，但係揀中學實在太遙遙喇！反而117所中一全開英文班嘅宮律校引起我嘅注意！
一睇，沙田區的確係各區英中之冠(14間)，其次先到九龍城區(11間)，而恐龍媽長大嘅官塘區都唔弱架(9間)同葵青區齊名，最特別嘅係，母校A咁多年都係純英語教學，而當年我喺新校讀第一界預科嘅母校B，已經由當年嘅垃圾學校，進升成為英文中學！原來大家心目中嘅band 2學校都可以係英文中學，收緊band 1學生 (其實呢個係TKO區嘅特質)！

到底~母語教學有幾重要？當大家努力入讀英中時，點解呢d英中唔係用英文教學，而係用廣東話教~用英文考試呢？！就連band 1A嘅學校都係咁！係咪即係話母語教學，d學生先學得咁好呢？！

反觀，28間純英語教學嘅中學當中，有8間係官校，呢個比率幾高，係咪官校d老師英文叻d？定係政策問題？

無得上網嘅生活..

未搬前，日日忙都無乜時間上網。
到搬咗，一路未見有人上嚟搞，到預約當日，竟然出現地址錯咗嘅情況 (二期變一期)，無得搞，又唔知要等到幾時... 繼續無得上網嘅生活..

搬咗足足兩個星期喇！雜物都清得七七八八，因為一個小朋友party，雜物只剩下士多房內嘅，都算係有d成績啦~ (自己讚自己！)

希望快d搞返掂個network.. 然後補返d blog啦~

牆貼

早排响淘寶買咗呢批牆貼，等咗好耐，終於係時候到佢出場喇！

呢個雪櫃貼，本來諗過放响TV後面，不過太大，唔啱，都係要去返雪櫃！

好鍾意植物，單調嘅大玻璃加埋大樹，唔錯！


連廁所都唔放過~

呢度，就當然係晾衫嘅地方啦！

love tree@主人房 (老公話唔太靚..)

sweet home@走廊，我本來想買大d，但無貨，老公話：仲好啦~俾人仔睇嘛！

恐龍仔嘅海底世界

牛牛就有一車小動物去佢個城堡玩！

當然仲有嚟城堡視察環境嘅小王子啦！

其實，搞新屋嘅嘢，已經接近尾聲，雖然d傢俬有d問題，應該要入住之後先可以補到，但對佢地嘅服務態度，都算幾滿意！希望補貨都OK啦~
老公話個廳隻色唔係太啱...
我就好鍾意走廊隻黃色~ 呢間屋有好多顏色架！有藍、綠、黃、粉紅同粉紫色咁多隻呀！
覺得自己買d牆貼都算唔錯... 可惜其中一張幾鍾意嘅，老公唔多鍾意，唯有唔俾佢出場啦~

其實，搬一次屋，真係好多嘢搞，好煩，好辛苦！但睇見兩隻仔好鍾意好期待咁... 乜都抵番哂！

c火~我地仲未買燈呀！

牛牛can read?!

精力充沛嘅牛牛，爬完一大輪梳化之後，俾哥哥搞到一地都係嘅字咭吸引住...

媽媽試吓叫佢俾"nose"，無反應！
再試其他，都係無反應...

突然，牛牛望住哥哥手上嘅BAT~ 發出BAT嘅聲音！

係咪聽錯？！

轉個頭，牛牛話 KICK~
媽媽又真係見到KICK嗰張咭响面...

真嘅？！

溫暖牌冷帽

一路以來都好想織d嘢俾d仔，但奈何~ 嫲嫲嘅手藝實在太叻喇，响不停嘅x冷水之下，都半途而廢 (都怪媽媽唔夠恆心~)

終於，响爺爺嫲嫲搬走咗之後，媽媽織咗呢頂帽俾恐龍仔！然後，再為當然仲响肚裡面嗰隻牛牛織多一頂，細少少嘅！

見今日凍d，攞咗出嚟玩~

牛牛呢頂~ 係圓周少成兩吋，但牛牛個頭唔細，所以... 少少緊！

呢隻傻牛牛，不停笑！如果去面試時，唔講嘢都唔該笑多d！最好加埋byebye kiss啦！



而哥哥嗰頂~ 就有少少鬆，所以佢戴得好舒服！

 

拼字遊戲

買咗呢套拼字遊戲好一段日子 (年半？！)


今晚恐龍仔突然攞出嚟玩！

仲拼到字出嚟架！
第一個字，係:輯! (影唔到!)

仲有:庫

避

恐龍仔：我用個"土"字倒轉砌架！

俾個叻你！

媽~

牛牛~媽~咗媽媽一兩聲呀！！！！

但係，再叫佢~媽~時，佢又~爸爸~ ！


不過呢，呢兩日牛牛已經識得講返~奶奶~，又會~波波~，~謝謝~咁，已經好大進展喇！

加油！

依依不捨

每朝都會同兩兄弟落樓玩吓，今日，玩完本來諗住叫工人姨姨陪牛牛玩多陣，爸爸媽媽同哥哥走先，點知，牛牛一路跟住我地，唔願byebye

一路跟到平台電梯大堂，仲想跟埋入lift!
睇住佢個眼神，好似好想跟埋嚟咁..

好可憐~
好唔捨得爸爸媽媽同哥哥！



遲d就到牛牛返學架喇！唔駛扁咀~~

project week

呢個星期係project week, 唔駛做功課！

問恐龍仔，今期主題係乜呀？
佢話：味道！有甜、酸、苦、辣、鹹。

小朋友要帶甜同酸味生果各一回校，問恐龍仔，其他小朋友帶咗乜呢？
佢答：都有人帶青蘋果，無人帶香蕉！

講咗一大輪，然後發現，蘋果同香港仲响書包！仲乜唔攞出嚟呢？！

突然，恐龍仔細細聲同媽媽講：我好唔開心呀.. 無功課做呀！

building blocks

牛牛好少玩玩具

佢多數搞吓呢樣，搞吓嗰樣

再爬上爬落！

但呢日，用咗超過十分鐘砌車仔！

馬頭涌官立小學 (福馬)

早排收到通告，福馬邀請友好幼稚園嘅小朋友去參觀學校，不幸地，兩個細路都病咗，要留响屋企休息，恐龍媽同恐龍爸就如期到場見識見識~

開始，係有小朋友嘅表演，包括藝術體操，中國舞，管樂，同埋管絃樂團嘅演出。
然後，家長可以放低d小朋友，去聽副校長講解學校。

由地下太空禮堂行去6樓活動室，經過每層樓都有唔同嘅口號/標語，

最特別嘅係地下，有龍虎鎊！

响呢間學校讀書，競爭應該好大！

呢次係恐龍媽第一次聽官津小嘅briefing，好特別，副校只用咗4個字係講教學：「活動教學」，其他時間，就係講課外活動有幾精彩！
課外活動係自費嘅，價錢比出面學平，種類多，而小朋友有好多比賽機會，所有樂器都要入團，要個人學好之外，仲要同人合作。

作為官立學校，「一生一體藝」自然係最早做嘅學校之一，對外有多項比賽經常攞獎，而學校團隊亦攞過教育局俾嘅獎！聽起上嚟，老師真係好努力咁！兩副校亦多次強調，好多名校都鍾意响比賽場上揀卒，好多學生就係咁入到名中學！

副校用咗30分鐘去賣廣告，當然多次用一d大多數人唔係咁發音嘅字詞，e.g. 時間，有d真係從來無聽過日咁講嘅！
之後，恐龍媽問咗一位老師關於功課問題：學校唔著重抄寫功課，多唔多~好難講！一年兩次考試同測驗，測驗係唔計落總分嘅！(真係活動教學咁喎~)
由小三開始，會有潤澤課程俾能力上較好嘅學生，而小四開始會有兩班精英班。

就好似副校一再強調，呢間學校雖然已經50年喇，但一d都唔考，成日聽人講福馬校舍舊，但當日眼見，設計裝飾都幾有心思，無殘嘅感覺！

另外，副校亦多次重申，咁多年以來，自行收年階段係未收過15分嘅學生！如果福馬咁勁，咁紅馬都應該無望！(不過，2011年派位，九龍塘官小有人15分抽到！)

對牛彈琴

哥哥做乜，牛牛都要學，咁哥哥彈琴，牛牛就當然要玩埋一份啦！
但係咁爬上去，好危險咁..

牛牛一於好少理..

呢次係就係成功咗..

但係唔成功嗰d...會痛會流血架！
唉~媽媽睇見牛牛唔停咁爬，好頭痛！已經有兩次失敗紀錄喇！

剪髮記

因為爸爸覺得短髮好牛精，所以恐龍仔d頭髮一路都剪得唔太短，係咁依修吓咁，好快又去剪過！自從7月中搬屋，短短4個月，呢次係第3次揾呢位姐姐剪頭髮喇！

每次，都唔係好定~
第一次，姐姐用說話氹掂佢
第二次，媽媽罰佢數1至200先可以定落嚟
呢次，佢周身郁，郁到打側身坐，然後向後坐，就係咁開始... 定咗落嚟！兩個"師傅"都話未見過咁樣剪髮！但你咪理~ 佢個頭就係無離開過張椅！


剪過哥哥，就到第一次出街剪髮嘅牛牛！

牛牛比哥哥定d，雖然都有郁，但係只係好奇咁周圍望，唔係少少嘢就周身郁！師傅話，牛牛都仲有BB毛，要再留長少少再修先好睇d
牛牛又係.. 好少頭髮！

長洲行

風和日麗嘅一日，媽媽應承咗帶恐龍仔去離島，恐龍仔揀咗去長洲~


媽媽帶完牛牛上playgroup之後，就去咗尖沙咀交收人仔.. 見到天空有好多白鴿，到媽媽攞到相機出嚟.. 鴿鴿就休息喇！

好啦~ 去中環坐船船！途經apple shop... 嘩！駛唔駛咁多人呀？！

恐龍仔幫媽媽睇吓回程嘅時間表~

因為我地坐快船，所以半個鐘多d就到喇！，恐龍仔睇吓海...

我地去咗一間叫張保仔嘅餐廳食嘢，都幾好味~
然後就起行，向張保仔洞出發！
恐龍仔話曬喎... 攞咗媽咪揾傘去玩！

嚟個合照先！


呢間係甜品舖嚟架！佢門口寫滿咗字，恐龍仔好鍾意睇~ 唔肯走！


一路行，終於見到：張保仔路喇！

我地响洞口用$10租咗兩個小電筒，然後入洞... 真係好黑呀！
有d人仔不停話驚....

出返嚟，又有人話要去臭臭！好在附近有個公廁啫~ (好乾淨！)

之後，又落去海邊揾五行石...
俾媽媽見到有人咁撐艇！



可惜..

有人扁哂咀呀！

之後，我地坐番街渡返馬頭，食咗d小食，然後就上船返香港喇！

真係好攰... 不過，又係臨返到屋企要落車先瞓着咗~

返到屋企，恐龍爸影咗d牛牛相，而呢隻嘢，咁啱又係玩...

傘！