溫暖牌冷帽

一路以來都好想織d嘢俾d仔，但奈何~ 嫲嫲嘅手藝實在太叻喇，响不停嘅x冷水之下，都半途而廢 (都怪媽媽唔夠恆心~)

終於，响爺爺嫲嫲搬走咗之後，媽媽織咗呢頂帽俾恐龍仔！然後，再為當然仲响肚裡面嗰隻牛牛織多一頂，細少少嘅！

見今日凍d，攞咗出嚟玩~

牛牛呢頂~ 係圓周少成兩吋，但牛牛個頭唔細，所以... 少少緊！

呢隻傻牛牛，不停笑！如果去面試時，唔講嘢都唔該笑多d！最好加埋byebye kiss啦！



而哥哥嗰頂~ 就有少少鬆，所以佢戴得好舒服！