今個星期都算幾開心~
尋日去d BK mama响MOS搞嘅party! 我地遲咗少少呀, 不過無miss到好多, 恐龍仔有d怕生, 唔多笑! 係尾我地攞咗兩個獎呀! 一個係服飾獎, 一個係最佳表現獎 (可能係無喊過?) 不過唔知係咪媽咪開心過頭, 嚇親bb, 傻bb突然大喊呀! 爸B媽咪忙住錫番恐龍仔同餵奶, 連大合照都無影呀! 不過唔緊要啦! 爸B同媽咪已經好開心~多謝其他mama/papa嘅投票呀!
| This is Hayden, my little friend, one day older than me! |
夜晚帶咗恐龍仔返婆婆度, 爸B媽咪去咗行街街, 行過nici, 媽咪見到好多唔到同樣 &大細嘅恐龍呀!!!! 嗰個collection叫dinos, 經過一輪相議之後, 決定買一隻紫紅色嘅 大恐龍, 50% off 之後係$99!!! 好平呀~ 佢個樣好可愛, 好似我地隻恐龍仔
唔知好唔好味嘅呢? 等下個星期恐龍仔返屋企試味先知!
唉~ 可能太累啦, 今個星期好對唔住恐龍仔呀!
星期六, 我帶住恐龍仔出九龍塘 meet 爸B食lunch, 爸B响板前攞咗飛, 恐龍仔出黎嗰時都已經吽吽地, 想瞓咁嘅樣, 到我地有位喇, 個侍應唔俾我地放架bb車响側邊, 要抱住食! c得啦! 恐龍抱住係瞓唔到架! 只會不停咁扭!!!!最慘係我唔記得帶奶咀, 更加唔使指意佢瞓到! 爸B咪去買奶咀俾佢..又咁啱隔離有個位, 爸B咪同個經理講話要推部車入黎...最後, 終於settle down
嗰晚(~5pm), 如常幫恐龍仔洗白白, 着新衫——警長夾衣, 然後爸B餵奶奶, 跟住大覺瞓! 到10pm, 諗住的佢起身食奶, 我去咗開奶, 聽到爸B慘叫! 有人尿床!有d BB無着片!!!!
第二朝, 爸B仲瞓緊~我放咗隻恐龍喺床坐.. 轉身諗起要load番d相落部腦.. 我個人仲喺床邊, 但一聲巨響——有隻恐龍頭仔落地跌咗落床!!! 爸B大叫醒咗, 我抱起傻B, 兩母子一齊喊~~~佢最後喊咗半粒鐘, 然後 好心痛! 跟住同佢去咗睇医生, 求個安心.
三日後, 公公話BB個頭腫咗, 不過唔係早幾日嗰度, 我見佢好精神, 咪話唔使擔心囉, 点知B頭越唻越腫,有佢自己隻手仔咁大呀! 医生寫紙入急症呀~照咗x-ray無事, 医生話應該係呢兩日嘅事, 唔關嗰日跌落床事喎..公公不停咁話心都up哂~唉~BB你唔好咁曳嚇公公婆婆啦!
27 OCT ---- 有好幾個媽媽問恐龍仔e+点, 佢個頭仔仲係腫咗, 不過個人就好精神~好百厭! 好玩得! 不過見到佢層樓就好鬼心痛囉!
因為BK個BLOG upload 唔到相呀~ 我地決定搬屋喇!!!!
希望傻媽咪適應新環境之後, 好快update番我地嘅近況&相片啦!
第二堂喇~因為爸B去咗trip, Caroline姨姨病咗, 媽咪只好搵埋嫲嫲一齊去..
途中~嫲嫲發揮佢嘅關心本能, 無數次提醒媽咪好多生活上嘅細節<------媽咪
一上到去, 個個都叫我恐龍仔~原來嫲嫲唔知我個"朶"架!!! (有無搞錯呀!) 跟住就話人似恐龍! 其實個playgroup幾好玩架! 起碼媽咪玩得好開心..絕對happy過恐龍仔我!
走嗰時更大讚包包架坦克車(夠高~唔使食塵)..媽咪一於 又話乜playgroup咁貴.. 媽咪講到爸B想恐龍仔第日返full day nursery.. 嫲嫲就話: 乜咁辛苦! 媽咪講講下..講到$$, 話要留番d $$俾妹妹/弟弟.. 嫲嫲話:呢個都未搞掂就諗第二個!?!?!
邊個可以"搞掂" 我? 咁我咪呢世都無恐龍妹妹囉?!
