~ 恐龍家 ~

2009年1月5日星期一

動身又動腦 ~ 感覺統合playgroup

一個陌生嘅名稱?

其實~ 恐龍家遇上感覺統合係一場巧合! 當初, 發現有個熱心媽媽, 為咗俾佢唔小朋友响屋企樓下都上到呢個playgroup, 極力搵人參加.. 最後, 係唔止一班~ 而係組到3班! 真係差唔多一年喇! 當時, 又如果無恐龍仔呢個未足12mth嘅BB 及呢個8卦恐龍媽走去試堂... 細B班都未必開得成!

而呢個playgroup, 就係响yahoo blog都幾出名嘅動身又動腦 or Sam Sir 嘅playgroup喇!

一路講早教.. 差啲唔記得講吓感覺統合 (感統)

到底~ 感統係乜? 呢d係恐龍媽隨手响yahoo search到嘅網頁:

淺談感覺統合

感覺統合治療 (Sensory Integration)

感統能夠幫助自閉症學生提高專注力、組織能力、學習能力，以及參與活動的興趣。

就好似其他教學法咁, 最初~ 係幫助有問題嘅小朋友嘅。不過~如果有問題嘅小朋友都幫到, 咁無問題嘅小朋友接受呢方面嘅訓練, 或者咁講, 從生活遊戲裡面加入感統嘅元素, 會唔會對無問題嘅小朋友都好呢?

試堂前, 我地上緊幼潛.. 相比之下, 感統好似多嘢學好多!

幼潛~ 出名多人排隊報名!

每堂3個活動: 首先自己活動 >> 唱歌仔 >> 小肌活動 >> 大肌活動 >>再自由玩玩具

動身又動腦呢?

每堂5-6個活動, 好忙! 有大小肌訓練, 有前庭/平衡嘅訓練.. 按摩~

恐龍媽成日講: 其實, 係爸爸媽媽上堂學習点教仔! 買d乜玩具先好!

想知道上堂情況, 响yahoo blog 好易搵到, 恐龍媽好少影上堂情況~

坦白講, 上完KinderMusik, 真係覺得幼潛d歌仔好難聽! 上完動身又動腦仲發現, 原來幼潛嘅導師唔係專業導師... 係呀~ 動身又動腦係職業治療師教架!

講咗咁多~ 其實都唔知教咗d乜! hahah! 或者咁講啦~ 上完堂, 我地知道呢個月齡嘅小朋友應該做到d咩動作, 做d乜可以幫到培養空間感, 玩d咩玩具可以訓練專注力 etc..

差d唔記得講, Sam Sir 都幾好人架! 佢好錫恐龍仔! 可惜~ 呢隻仔步入trouble two, 好有主見, 開始坐唔定! 所以上堂會四圍搞!!! 唔再係乖學生喇!

唔知係咪上呢個playgroup耐d, 大少少~ 發覺同學仔個個表現好唔同, 唔會好似之前嗰d咁, 個個一舊飯! 仲有, 就係睇到小朋友点蝦媽媽!!! 無媽媽响身邊真係乖好多架!

2009年1月4日星期日

朋朋朋友~

最近~ 恐龍仔見到唔識嘅中文仔, 就會發表偉論~

一月前: BB話

兩個星期前: 自己個名 (僅有較熟嘅中文字)

呢幾日: 朋朋朋友~ (?!?!?!?!!)

周圍d人會睇住佢, 但係, 恐龍媽真係唔知点解會咁! 好外國人feel囉~

----

恐龍媽真係要寫個"服"字俾恐龍爸~

恐龍仔真係唔可以响屋企以外嘅地方瞓, 就算連婆婆張床都唔得! 恐龍媽搞咗超過半個鐘~ 放棄! 自己瞓算數 (恐龍仔不停咁搞住哂!)

到恐龍爸去到婆婆屋企~ 15分鐘搞掂!

-----

呢隻仔真係好多嘢講!

多到.. 有時搞到恐龍媽好難為情!

今晚, 好趕好趕~ 趕到shuttle bus 坐到最後一個位! 坐响車尾最後一排~

身旁, 係一個媽媽帶住兩個5-8歲嘅小朋友.. 拉住手提"買餸"車仔..

恐龍仔一坐低, 就指住車仔個轆話:太陽! (因為個車轆真係做咗個好似太陽嘅圖案) wheels! wheels~

隔離個阿媽細細聲話: 咁深都識?!

然後, 恐龍仔開始 one two three.. one yellow(個座墊係黃色嘅), two yellow, three yellow.. one giraffe, two giraffe, three giraffe.. one star, two star, three star..

隔離小朋友攞咗本英文書出嚟~ 恐龍仔定哂咁望住, (隔離阿媽話: 咁叻~識睇書呀?) 然後想郁手搶!!

somehow, 兩兄妹都爭, 所以好快收埋咗..

人多, 大家迫住喺同一個空間, 遇着個咁多口加周身郁嘅小朋友.. 做阿媽嘅會好明, 係好麻煩! 好怕打擾其他人!