今年書展，無打算帶兩隻馬騮去，因為屋企實在好多書未睇！
事前問咗兩個人仔，雜誌要續訂.. OK
今年因為唔帶仔，所以無請假去
星期六同老公入場，行咗一大輪兒童館，再去Hall 1，超多人！
講下收獲~
首先行咗文具嗰邊一陣，想買鉛芯筆，對知檔檔都話d擦膠無得配！奇怪~~
好啦，買啦！
點解後尾俾我搵到西班牙貨，有擦膠配，仲係0.7mm 肥仔筆幹！一買兩枝！
連埋之前d贈品，好多筆！
訂雜誌贈品
哥哥近期學校要學生每日睇中英文書，佢又鍾意偵探，
所以買咗遊戲書同英文偵探書俾佢
見到呢本化學書好鍾意，因為哥哥背完週期表之後，無d實用d，接近教科書嘅讀物
仲有幾本星洲高小科學雞精書
正！
掛住哥哥，其實都有買嘢俾牛牛....
呢本係畫簿，內頁有畫咗一半嘅圖，要小朋友用自己嘅想像去完成！
仲有一本買俾自己睇嘅書
其實仲有架，去商務買咗d嘢，等送貨！
有一套百科書，想買咗好耐架喇！
仲有一個盒型車仔故事書，呢排好多人分享，好似啱細d嘅小朋友
不過牛牛都好BB架！
話說，老公自己買咗套minecraft俾哥哥，大禮物
牛牛見到哥哥咁多好嘢，就話：
點解哥哥咁多禮物？我無嘅？！
我自己都覺得好慚愧...
但又唔想請假去喎
點知，星期一朝早有朋友問我仲入唔入場，佢有贈券！
就咁，放工後我就踩住對兩吋幾細踭鞋去書展，目標人物係牛牛！
我要見到佢笑！
第一站：小樹苗 (我要用會員$50券~)
首先當然係我的夢想世界！(我的奇幻冒險 book 2)
想搵繪本，但其實唔平，我買咗 "我的願望:天天不挨罵" 俾自己睇！
因為啱啱帶牛牛去完旅行，又買咗Maps，所以要多dd地理智識，同埋講機場嘅書都啱睇！
仲有呢堆平dd嘅港產故事書
買下買下，足10本，7折，夠$500，再less 5%！又有布袋送！
用埋$50券，都係$5xx，抵！
小樹苗中唯一一本買俾哥哥嘅數學書，同埋兩本抽獎得嘅喜羊羊
(早知雜誌都响小樹苗訂啦！抽獎嘅禮物無新雅咁廢！)
之後去行其他檔
我都掃咗$100/7本！
想搵d輕鬆少少嘅數學練習 (我深信數學係要適量操練嘅~)
順利多買幾本故事書俾牛牛，同埋疑似二手舊英文書俾哥哥
AML，我乜嘢睇啱，覺得非買不可... 除咗呢套笑話書！
我話過要見到牛牛笑架嘛！
我望住排隊俾錢條人龍... 唉~ 買嗰$139書，排親死！
最後一站，景行
$100/4本，一人四本
哥哥嘅又係偵探書！牛牛嘅係比佢程度略深嘅level 2書
就咁，剛剛一千大元！
計埋之前嗰d... 大出血！每月淘寶要遲少少喇！
