又有新玩具：豆漿機

 

3月頭响Compass Visa見到個豆漿機，唔貴~ 大約$1xx左右，訂咗~ 尋晚終於送貨喇！(都唔明點解要咁耐先送貨…)

 

部機好簡單，上邊係攪拌機連濾網，放豆同水入地，攪完，d豆漿就流入下面個煲，然後自動加熱，成個過程約40-50分鐘。

 

今朝第一次玩，用咗黑豆嚟整，好成功！

之前已經爬咗一輪文，其實屋企部古老攪拌機都有濾網，又有刀換~可以磨豆！但係之前就算買咗豆都無整過…怕煩，攪完又要煮！而豆漿機市面上其實好多，BK嗰邊好多人買九陽，但係有d人都話要再煲，去草青味！但係我呢次試玩新機，又無草味喎！但就要跟足比例落水同豆，說明書話：咁先唔會煲瀉~

 

 

我仲帶咗杯返工，自製營養滿滿嘅~卵磷脂胚芽黑豆漿~

~後記~
呢部嘢竟然玩咗兩次就臣咗！
於是我email去DBS問啦，無理由俾d咁差嘅嘢佢地d"尊貴客戶"架嘛！
好想講：DBS嘅客服的確唔錯，好幾次有問題揾佢地，都好快有回覆！呢次係叫我自己去佐敦換，買定我幾時會去，佢打定電話去禮品中心！

so far, 又行咗兩轉，希望呢個新嘅唔會咁快俾我玩壞啦！