嘉道理農場+牛牛樂園

恐龍仔兩歲幾時，我地第一次去嘉道理，嗰時牛牛仲响媽媽個肚裡面...
今日再嚟，牛牛都就嚟3歲喇！

因為呢次係跟團嘅關係，時間有限，隨便行吓...
本來最想俾牛牛見吓大花白，點知唔見咗，野豬就有一隻！

之後，行咗去水池邊，見到好多好多蝌蚪呀！！！

唔知點解，兩隻人仔都驚蜘蛛網....又無蜘蛛，都唔知驚d乜！

之後入咗溫室，哥哥小記者上身！

牛牛第一次行石卵地，覺得好新奇！

臨離開嘉道理，兩隻人仔突然坐咗响梯級，俾爸爸影咗呢張咁靚嘅相！

食飽飽，我地去咗牛牛樂園，餵牛 (小朋友唔願餵！) 摘木瓜！

呢度d木瓜樹唔高，好似相裡面嘅，有5年喇，只係高過哥哥少少，但d瓜真係好大！
工作人員話：因為佢地用牛牛臭臭做肥料，所以d木瓜咁大個囉！

生日會2013

為咗搞一年一度嘅生日會，媽媽早一個月開始準備...
首先係印邀請咭，然後係度餐單+試菜，同一時間就去格價，睇吓去邊買氣球同小禮物好！

首先，响淘寶揾到呢d咁可愛嘅麥當當bird bird~

基於香港訂氣球嘅價錢唔平，又要自取，最後就跟朋友介紹，响淘寶買氦氣，同埋買咗d靚靚來佬氣球！

當d氣球到貨，我先發現有個氣球係超大個！我真係驚唔夠氣架！

好彩最終都剛剛夠氣完成任務！

Party 响大雨下開始，好彩小小客人們個個都如期出現！
而恐龍媽煮嘅嘢食~ 都幾乎清哂！特別係好好味嘅蝦餅！真係yummy~~~


客人走淨叔叔同姐姐，牛牛都好幫手咁... 清d食物架！

呢隻嘢真係~ 嚇壞人！咁食都得！

之後仲抱住d禮物唔放！好搞笑！

又有新玩具：豆漿機

 

3月頭响Compass Visa見到個豆漿機，唔貴~ 大約$1xx左右，訂咗~ 尋晚終於送貨喇！(都唔明點解要咁耐先送貨…)

 

部機好簡單，上邊係攪拌機連濾網，放豆同水入地，攪完，d豆漿就流入下面個煲，然後自動加熱，成個過程約40-50分鐘。

 

今朝第一次玩，用咗黑豆嚟整，好成功！

之前已經爬咗一輪文，其實屋企部古老攪拌機都有濾網，又有刀換~可以磨豆！但係之前就算買咗豆都無整過…怕煩，攪完又要煮！而豆漿機市面上其實好多，BK嗰邊好多人買九陽，但係有d人都話要再煲，去草青味！但係我呢次試玩新機，又無草味喎！但就要跟足比例落水同豆，說明書話：咁先唔會煲瀉~

 

 

我仲帶咗杯返工，自製營養滿滿嘅~卵磷脂胚芽黑豆漿~

~後記~
呢部嘢竟然玩咗兩次就臣咗！
於是我email去DBS問啦，無理由俾d咁差嘅嘢佢地d"尊貴客戶"架嘛！
好想講：DBS嘅客服的確唔錯，好幾次有問題揾佢地，都好快有回覆！呢次係叫我自己去佐敦換，買定我幾時會去，佢打定電話去禮品中心！

so far, 又行咗兩轉，希望呢個新嘅唔會咁快俾我玩壞啦！

手撕雞

恐龍仔就嚟生日，上兩個星期開始準備食物清單，小禮物，氣球裝飾等~

呢日，就係試菜！要試過真係整到先得架嘛！

菜色~係一位好鍾意煮食嘅舊同事大作： wasabi醬手撕雞

wasabi醬係由普通wasabi同salad醬1:1撈埋嘅，中間係青瓜絲，右邊係麻醬salad汁
好簡單
好好味！

連主角人仔都話wasabi好味道！

哈哈~

團購學整餅！

近半年愛上煮嘢食，之前响團購學過cake pops，幾好玩！尋日又去咗學整包！係手搓包包！yummy~~

但係唔係次次都咁好運，之前一月買咗個cup cake班，見佢5月先到期，而且逢星期一晚都有班，咪去完旅行返嚟先打去book啦~ 點知，無人聽！
email 去，隔咗一排先話星期一晚滿哂！只但星期日！但係星期日我要湊仔，點解會咁對我！再睇~先見個團購無乜人買 (得幾十個人)，如果佢好似團購中話：每班最多15人，逢星期一、日開班，咁一個月都招呼咗百幾人啦！分明係唔夠人開班！

唉~黑仔....

春天來了！

搬咗嚟呢度第二個春天

今年，我地有好多不知名嘅訪客之外，仲有牛牛响學校帶返嚟嘅綠豆！恐龍媽剛下種嘅羅馬生菜(種苗~做salad)




我地屋企個露台其實好細，不過就放咗好多嘢！
有兩個大盤，上面有兩棵唔知幾時先有收成嘅豆！仲有幾棵木瓜樹 (聽講e+d木瓜基因改到亂哂龍，好粗生..)
有過年前買嘅花~
有一大堆aloe vera
仲有早排咗士多啤梨園買嘅"梳啤bebe" (牛話~)

而嗰棵成層樓咁高嘅不知名大樹，跟咗我地好多年，起初得幾吋高，好似椰樹咁架！但佢大咗....唔同哂！

教你替孩子打好兩文三語基礎

分享
http://happypama.mingpao.com/cfm/parenting3.cfm?File=20130306/newa/ona1.txt

【明報專訊】根據全球學生閱讀能力進展研究（PIRLS）2011年報告指出，本港小四學生的母語（中文）閱讀能力，全球最高；閱讀動機較強、家庭藏書愈多、家庭收入愈高的學生，其閱讀成績均較佳。

另外，研究亦發現有補習的學生，閱讀能力卻較無補習的學生差。青田教育基金會認為孩子的閱讀能力、習慣和興趣，需要從小培養，透過閱讀亦可以培養出終身自學的能力。

放大及觀看全部圖片(1張)

基金會將於本月舉辦講座，由資深教育界人士兼基金會教學顧問韋惠英主講，內容包括幼童如何學習中英文和普通話，以及成人教導兒童兩文三語時應該注意的地方。

■講座﹕培育學前兒童 打好兩文三語的基礎

對象﹕家長及教育界人士

日期﹕3月23日（周六）

放大及觀看全部圖片(1張)

時間﹕下午2:30至5:30

地點﹕普敦培訓中心（北角英皇道250號北角城中心408-409室，港鐵炮台山站B出口右轉步行2分鐘）

主辦﹕青田教育基金會（政府註冊公共性質慈善機構）

費用﹕會員$50、非會員$60（一人一票，憑券入座，大小同價，4歲以下恕不招待）

恐龍仔愛影相

聖誕節，恐龍爸送咗部平價數碼相機俾隻仔玩，於是~
人仔開始機不離手嘅日子！

踏入三月，好多時都忘記咗佢件半新不夠嘅玩具 (佢有更多新玩意等緊佢~)
但總有d時候會記起...

例如~
恐龍媽有美食出爐，首席試味員會影吓相..

以下係恐龍仔本人嘅創作！係用咗特殊攝影技巧架！ (好似好專業咁！哈哈~)

數學教材

過年前路過長沙灣廣場，發現一間好多嘢賣嘅玩具教具店，當然滿載而歸啦！當中，有一件係關於立體形狀面積同體積嘅模型！

當我教到有d煩嘅時候，偶然去書店發現佢：

讓孩子變聰明的100個數學問題

其實只係想同恐龍仔去書店買禮物俾同學仔，點知隨手攞起呢本書俾恐龍仔，佢就開始睇到唔願放！於是~買啦！

返到屋企，我睇睇：原來係講數學嘅basic concept，有講體積面積，亦有π！仲有分數小數！嘩~實在太豐富太好喇！

媽媽可以講少兩句，留返俾阿仔自學！

嘩~哈哈哈哈哈~~~~