舊書 ~平讓~

又係清書櫃時間喇...

1. 孕婦營養食譜 $10
2. 美麗媽媽懷孕坐月秘訣 $5
3. The Contented Child's Food Bible $5
4. What to Expect the First Year (較殘舊 $10)
5. Working woman's pregnancy $15
6. 俏媽媽育兒寶典 $10
7. first-time parents $15
8. 妊娠大全科 (簡體) $5
9. 嬰幼兒副食品DIY $5
10. 育兒難題破解術 $5
11. 0-1歲寶寶臘力開發法 $10

自付郵費 或 over $20 大圍/馬鐵沿線交收 
部份書無乜點睇過，好新淨架！

改變飲食習慣

要改變生活習慣，從來不易！而身邊的人一定會問，唔會唔知道。

自從台灣回來之後，開始改食少肉多菜的飲食，暫時情況很好，自己見到肉類都唔想食，有時見到屋企嘅餸尾，唔想浪費，有食多一塊，但係個心好唔情願…或者我已經踏出成功嘅第一步！

第二步？可能係多食沙津！

整餅~

 

 

自從搬咗去新屋，又買焗爐，又學整餅，雖然唔算好成功，起碼有個忠實粉絲！ (無錯~係一個！因為牛牛乜都唔食！)

 

呢排，俾團購嘅靚靚cake pop同macaron吸引住！好想學整，然後响生日會整俾小朋友食！

 

今次，學cake pop，好成功，唔太難，但無人教嘅話，唔係咁易搞！

最難得嘅係~ 平時唔食我整嘅嘢嘅牛二少，都咬咗兩啖咁多！

坪輋遊

年初五，有乜嘢做好呢？
不如去摘梳啤BB？ (按：牛牛嘅BB話~)

於是，我地約咗啱啱响加國返港嘅老表，向坪輋出發！
點解揀坪輋？因為我地住東鐵沿線，唔想去元朗嗰頭，見粉嶺站有小巴去坪輋，20分鐘就到，幾方便咁！

去到雲泉仙館，後門有好多小攤檔，賣乾果之類小食，小朋友就不停咁試食！

本來做哂資料搜集，但去到見到我地要揾嘅農莊嘅海報，但不見入口！於是去咗隔離老徐問，見任行，依重量收費，於是就帶住四個小朋友入去喇！

首先，大表哥拖實表妹落田！

拔蘿蔔！
牛牛都唔執輸，影番張相！

小朋友好快就俾士多啤梨嘅香味吸引住，唔捨得離開士多啤梨田喇！

BK有jm話~元朗有d場初三已經無乜嘢摘，但呢度真係好好咁喎！
我地見到好多熟嘅果實，仲見到有3-4粒正常size咁大嘅giant 梳啤BB！


呢籃就係我地嘅收獲喇！仲有一大堆士多啤梨同埋兩盆士多啤梨苗！承惠二佰大元！

之後，我地去咗雲泉仙館午餐，但呢4個小朋友，只得大表哥一個肯食嘢，其餘三個唔多願食！浪費！
恐龍媽就覺得幾OK喇！

行大運

年初四，行大運

 

今年，恐龍媽工司初九先開工，但恐龍爸就初四開工，多咗幾日假，帶啲細路去邊好呢？！

 

一早，婆婆打嚟問孫：要唔要去香港公園同表弟玩呀？

點知恐龍仔話：要同媽咪去行山！

 

我早一晚同佢講好，聽話就有得去行山，而佢竟然鍾意行山多過同表弟玩？！真係有啲意外！

 

呢日上午，有朋友仔過嚟玩，一齊包餃子午飯後，我地兩母子就向大埔窖出發！呢段家樂徑只有1公里，應該唔難，最最重要嘅係~有車到！唔駛轉車！

 

去到，好易搵，但估唔到感覺上超過一半係樓梯級！都咪話唔辛苦！

 

最後，真係好似網上資料咁講，要用一個鐘先完成到！當中當然句括行下停下睇嘢啦~

 

走時，沿車路離開，沿路有幾棵楓樹，相信秋冬時樹葉轉紅，應該幾靚~~

年初三@林村許願樹

年初三，唔駛去拜年，咁去邊玩好呢？！
恐龍媽8到許願樹有嘢睇、有嘢食，仲有特別交通安排，於是等恐龍爸起身，我地就一行買人北上！

大路入小路~ 塞車！睇嚟好多人好似我地咁...

去到，莫名其妙地，見到好多新年花車！

之後行去小灘檔度買嘢食！首先當然係細路必食嘅麥芽糖夾餅啦... 你睇呢兩兄弟幾興奮！大嗰個正研究點樣將塊餅攞出嚟！



最後，牛牛係食到唔停口！兩隻為食貓！
之後仲有豆腐花~~

食完，行出去就係許願樹真身，再轉入會場~就見到替身許願樹~

實在太多人，我地行咗一個鐘左右就走人喇！

蛇年進步

恐龍家祝大家~