滿月喇!

滿月喇!!! 

不過都係無乜進步, 依然一日7-8餐奶, 90-100ml

依然好多肚風, 成日谷到喊!

so far, 最高紀錄係兩餐相隔5個鐘, 3幾次啦~

9pm之後好唔定, 因為爸爸當早夜更, 晚晚苦戰連場.. 辛苦哂!

所以.. 會安排牛牛一個星期去婆婆度一晚, 俾爸媽瞓吓, 拍吓拖.. 不過半夜媽咪都係要起身做功課 (呢個係医院d姨姨用嘅term, 擠奶呀~)

一路天氣涼, 無影過光豬相, 滿月就當然要影返張留念啦!

今日仲去咗健康院打針.. 足十磅喇! 重得幾好, 啱啱响50線!

呢隻嘢瞓住打針, 叫咗兩聲, 跟住繼續瞓! 原本要見医生check眼仔, 搞極都唔醒, 今次又check唔到喇!

夜晚, 係滿月宴, 一家人食餐飯, 可惜舅母有朋友同日擺滿月, 所以無嚟到, 我地仲未見過大牛牛兩個星期嘅表姐仔呀!

主角~ 好乖咁瞓~瞓~瞓~