北海道之旅

個個見到我都問: 玩得開唔開心呀?

都唔知点答好!

Day 1 -- HK-->東京, stay in 大森

d書仔話可以响成田攞JR Rail Pass, 但係去到話唔得!

老公話間嘢响品川, 去到JR品川, 姐姐話行唔到, 好遠, 教我地去JR大森.. 再行5min.. 其實係極近"京急" 大森海岸至真, 去羽田機場極方便! 去到酒店都六点幾喇!  周圍行下, 食咗拉面!

Day 2 -- 7:30am, 飛女滿別, pm 網走破冰船(>>結果係上咗層雲峽)

女滿別機場落大雪, check-in 唔到! 最後ok喇, 如期起飛~~ 當我見到下面雪白嘅陸地,

好感動!  但係.. 降落到我好清楚見到樹嘅時候... 飛機急上!  跟住聽到日文廣播.. 唔識聽, 只知道新千歲! 好喇~ 30min後, 又降落.. 今次一樣!!! 唉~ 我都聽唔明個廣播, 只見隔離個日本妹話 :TOYKO~  咁即係return flight啦!

五個鐘內第三次land, 今次安全着陸--- 羽田機場! 好辛苦呀! c6不知不覺 (佢唔係同我坐)  地勤話2pm 嗰班機cancelled喇, 叫我地坐下, 睇下5pm嗰班点!?!?!

  我同c6都話: no way, 改去旭川機場, 去層雲峽, skip網走 

去到旭川機場, 遇到個中國女仔做information, 佢幫我地打去酒店改booking, 不過已過dinner時間, 我地响JR旭川食咗d嘢~

Day 3 -- 慢車睇流冰, pm 上層雲峽, 冰爆祭(>>响層雲峽漫遊)

skip咗一日, 咁~~ 應該係去滑雪啦! sorry, 吊車要做maintenance, 暫停服務!!! 成日, 兩個傻瓜行雪地, 堆雪人, 浸溫泉~~~ 都好, 休息下!

 仲有, 酒店個dinner 好正, 有蟹食!

Day 4 -- 滑雪(>>往登別,去熊牧場)

一早check-out, 去咗JR旭川攞個Rail Pass, 再去JR札幌 visitor centre求救 (改酒店booking), ok哂, 就去登別, 時間比原先plan遲咗一班車, 落車又因為攞行李上落天橋較麻煩, miss咗架bus!!! 唯有坐taxi去酒店, 再去熊牧場..

但係已經係差唔多4pm, 嗰度4:30pm close呀! 我地係最後坐吊車走架!

跟住去埋地獄谷,

 

同埋睇埋小鬼至返酒店, 食dinner~ 因為早一晚嗰歺已經好正, 所以無乜驚喜, 都好正!

Day 5 -- 住登別, pm 去熊牧場, 住第一龍本館(>>遊登別)

第二朝, 起身浸完溫泉至食早歺, 点知c6遲咗成45min先上到房, 再一齊落去eat, 差d無得食!!!! 仲以為個老公失咗蹤添!

 check-out後, 放低行李去Marine Park, 点知c6搞極都未掂, miss 咗架bus! 又要坐taxi!!! 

都好, Marine Park d 嘢同HK Ocean Park 唔多同, d 企鵝好cute..

行咗2粒幾鐘, 要走喇, 有人發現唔見咗隻手套!!! 唉~

當然係搵唔番啦, 好在今次catch到架bus!

下一站係登別時代村, 幾特別, 因為撘唔到入去嘅班次, 我地係行入&行出黎架!  OK啦!

 跟住就攞埋行李去札幌喇! Dinner 係薄野嘅烤羊肉 (瘋牛之後, d烤肉店轉哂賣羊肉呀!!! )

Day 6 -- 去Marine Park 睇企鵝, pm 去時代村, 跟住去札幌(>>遊札幌)

去白x戀人, 去到close咗! 想買嘢~~ sorry, all sold out! 有個日本仔攞住幾袋嘢响你面前行過!

跟住去咗円山公園, 行神宮, d雪好靚, 幫恐龍仔求咗個上上簽!

再去上山睇夜境, 好大風, 又落雪~ 之後去返酒店附近食嘢.

Miffy雪人!

Day 7 -- 小樽(>>遊札幌)

本來想去小樽架, 不過c6話想休息下 (個腳架好重), 於是就遲1日去.. 這天, 我地去咗北海道廳

時計台, (食味之時計台嘅燒元貝拉面)

 

)

TV Tower, 2條街(食新鮮魚生sushi)

Sapporo Factory (ToysRus), 返JR站附近, 去AKACHAN睇嘢! 全日無坐過車, 行路架!  中間有一個鐘自由活動 (各自睇嘢), 我就响uniqlo買咗d bb衫俾恐龍仔同埋响London嘅表妹個女, 一件fleece 90 漁夫褸減價790Yen (Blue)!!! 如果brown 80仲係 500Yen咋!  仲有兩對耳環.. 响AKACHAN就買咗件Pingu造型衫... c6唔俾我買嘢, 所以...

有得睇~無得買! 仲參觀拉面共和國

恐龍仔嘅收獲~

(嗰d corn/potato/南瓜 粉超正! )

Day 8 -- 札幌市內遊覽(>>小樽)

呢日天氣較差, 好多時間係落緊大雪, 好唔想行! 

不過都買咗d嘢~ 好鍾意嗰d音樂盒.. 仲買咗善人/惡人T-shirt, 食若雞定食, 行小樽運河... 好大雪, 好想走!

Day 9 -- 去支笏湖

我唔記得check bus schedule... mimi摸摸去到新千歲, 班bus啱啱3 min 前開咗! next bus is after 3 HOURS!!!!! 原來1日得4班! 唉!

上到去, 一樣好大風, 但係真係好靚! 原本想坐船, 但係原來summer only~ 睇咗個雪祭, 好靚呀!

原來我地貪平book咗間youth hostel! 呢間嘢係日本第一間青年旅館.. 個host 婆婆好nice, d 英文仲very good呀!

夜晚, 攞個music box 出黎睇~~ 点知唔work! 壞咗呀!!!!

搵極都搵唔到張單! 唉!!!

Day 10 -- 2:50pm 經大板返HK

因為一日得嗰4班車, 我地早咗4個鐘去到機場, 個shopping mall 好多嘢賣, 有得試食! 我食咗好多餅餅.. 仲有, 食咗唯一嘅一歺牛肉 (燒牛肉定食)!

去到大板機場, 得一個鐘嘅時間, 所以都幾趕~~

最後, 平安返到HK!