牛牛嘅食相

都話咗，係媽媽都鍾意見到d仔鍾意食嘢架啦！

你睇！

食得幾開心呀！

乜你條脷...咁長嘅？

打人。罰企

牛牛經常郁手打人，少少唔順佢意就打，有時話吓佢，佢就扁咀，然後大喊！

今晚，媽媽突然將呢隻打人惡牛"的"咗去大門前罰企！再數一、二、三… 十！話佢知咁樣做唔啱。
如是者三幾次之後，佢整跌咗隻小動物公仔，扁一扁咀，望一望媽媽，然後自己行咗去大門企！

之後好幾次想郁手，但係又自己忍住咗，無打到，媽媽都有讚佢，但係又有時照打，咁媽媽話話：牛牛要罰企喇！

佢自己跟住行去大門！
媽媽同工人睇見佢個樣，忍唔住好想笑！

另一邊，做哥哥嘅就覺得罰企呢樣嘢好新鮮(我地唔會罰恐龍仔企架嘛！)，見到牛牛出手，就話要佢去罰企，門題係~點解牛牛會成日打哥哥呢？
因為有人成日搞個細佬囉！唔係有經微身體接觸，就係搶牛牛手上嘅嘢！咁牛牛就會出手打哥哥，媽媽同哥哥講咗，如果牛牛咁嘅原因而打哥哥嘅話，就兩個一齊罰！

講開又講，呢隻嘢近來好似好明大人講嘅嘢，終於都識得講dog同cat喇！(唉~ 就嚟20個月喇！)
牛牛真係好可愛架 (唔打人唔扭計嘅時候~)

bubble

聖誕去完大埔公園，知道牛牛鍾意行草地，我地呢日去咗馬鞍山公園玩，見到有小朋友玩吹波波，牛牛好努力咁去追呀！

新一年

2011年尾好多事發生，又忙又痛又咳又唔開心！

希望新嘅一年，事事順利，身體健康！

93期親子王~ 關於中學

最近一期嘅親子王講自行階段揀中學。
對恐龍媽嚟講，睇吓無防，但係揀中學實在太遙遙喇！反而117所中一全開英文班嘅宮律校引起我嘅注意！
一睇，沙田區的確係各區英中之冠(14間)，其次先到九龍城區(11間)，而恐龍媽長大嘅官塘區都唔弱架(9間)同葵青區齊名，最特別嘅係，母校A咁多年都係純英語教學，而當年我喺新校讀第一界預科嘅母校B，已經由當年嘅垃圾學校，進升成為英文中學！原來大家心目中嘅band 2學校都可以係英文中學，收緊band 1學生 (其實呢個係TKO區嘅特質)！

到底~母語教學有幾重要？當大家努力入讀英中時，點解呢d英中唔係用英文教學，而係用廣東話教~用英文考試呢？！就連band 1A嘅學校都係咁！係咪即係話母語教學，d學生先學得咁好呢？！

反觀，28間純英語教學嘅中學當中，有8間係官校，呢個比率幾高，係咪官校d老師英文叻d？定係政策問題？

無得上網嘅生活..

未搬前，日日忙都無乜時間上網。
到搬咗，一路未見有人上嚟搞，到預約當日，竟然出現地址錯咗嘅情況 (二期變一期)，無得搞，又唔知要等到幾時... 繼續無得上網嘅生活..

搬咗足足兩個星期喇！雜物都清得七七八八，因為一個小朋友party，雜物只剩下士多房內嘅，都算係有d成績啦~ (自己讚自己！)

希望快d搞返掂個network.. 然後補返d blog啦~

牆貼

早排响淘寶買咗呢批牆貼，等咗好耐，終於係時候到佢出場喇！

呢個雪櫃貼，本來諗過放响TV後面，不過太大，唔啱，都係要去返雪櫃！

好鍾意植物，單調嘅大玻璃加埋大樹，唔錯！


連廁所都唔放過~

呢度，就當然係晾衫嘅地方啦！

love tree@主人房 (老公話唔太靚..)

sweet home@走廊，我本來想買大d，但無貨，老公話：仲好啦~俾人仔睇嘛！

恐龍仔嘅海底世界

牛牛就有一車小動物去佢個城堡玩！

當然仲有嚟城堡視察環境嘅小王子啦！

其實，搞新屋嘅嘢，已經接近尾聲，雖然d傢俬有d問題，應該要入住之後先可以補到，但對佢地嘅服務態度，都算幾滿意！希望補貨都OK啦~
老公話個廳隻色唔係太啱...
我就好鍾意走廊隻黃色~ 呢間屋有好多顏色架！有藍、綠、黃、粉紅同粉紫色咁多隻呀！
覺得自己買d牆貼都算唔錯... 可惜其中一張幾鍾意嘅，老公唔多鍾意，唯有唔俾佢出場啦~

其實，搬一次屋，真係好多嘢搞，好煩，好辛苦！但睇見兩隻仔好鍾意好期待咁... 乜都抵番哂！

c火~我地仲未買燈呀！