wave~

今朝一早又有驚喜!

話說媽媽早咗醒, 爸B提議一齊落樓"晨運"
恐龍仔行到水池邊, 爸B响無波水面点起一陣水波, 媽媽話 "wave", 跟住有d人仔 waving his hand!!!!
試咗幾次, 佢真係識架!!!!

不過恐龍仔今日右眼腫咗, 眼濕濕咁, 唔多願笑.. 叫咗工人姨姨帶BB去睇医生喇~

BABABA~MAMAMAMAMAMAMA!

今朝一早要上playgroup, 去之前媽媽食包包, 問佢食唔食包包呀~

恐龍仔: 包包~
見到爸爸就: BABA bye bye 包包

look at my eyes!

响playgroup~

恐龍仔: BABABA~MAMAMAMAMAMAMA!

跟住我問佢: 你叫爸爸媽媽呀?
恐龍仔 : BABABABAMAMAMAMAMAMAMA!

有d媽媽感動到

PM~ 洗白白~

傍晚, 同佢响大床度玩, 爸爸行去開奶, 恐龍仔喊住望住房門, 大叫 爸爸!

仲有仲有.. 唔記得問佢d乜喇.. 我話: 你知唔知呀?

佢答: 唔知!! 

 

恐龍仔好似突然間大個仔咗咁, 識得搵媽媽同爸爸.. 仲跟人講嘢!  嫲嫲早兩日仲起勢話人c蠢.. 唔知恐龍仔會唔會~~~

 (阿仔~ 希望你唔好學呀!)

打針針~

恐龍仔陪媽媽去医生叔叔度攞藥, 順便打埋最後嗰支肺鏈

医生叔叔好忙, 我地去咗大家樂坐住等~

玩袋袋~

等咗成粒鐘.. 等到要食------ 枱!!!! 

婆婆話上次喊得好利害, 唔知係咪今次有爸b同媽咪錫番, 好快收聲呀! 叻叻!

 

扭眼瞓計~

學行呀!

扭眼瞓中~ 

各位觀眾~~請留意左眼嘅雙眼皮! 好耐無見喇!

三人行

今朝落樓返Kindermusik, 爸B同媽咪一人一邊拖住恐龍手仔行去會所! 第一次同爸B媽咪行街街, 恐龍仔好興奮呀! 不過行咗一半就唔願行lu~

真係好想影低佢, 好溫馨咁! 可惜無帶相機啦!

媽咪一世都會記得呢一個畫面.. 3人行!

黃昏, 爸B, 媽咪同叔叔帶咗恐龍仔落樓..

突然間大家停低咗, 爸B攞起相機, 恐龍仔無反應, 媽咪就大叫: UP!

我地行呀行.. 大約十分鐘左右就到目的地喇! 原來d大人帶恐龍仔去海邊玩水呀!

你睇~ 我地玩得幾投入!

arms UP!

恐龍仔今朝一早表演arms up!

佢大叫 UP, 跟住就"第"高手仔, 好搞笑! 叻叻呀!

佢仲識得你"up"佢又UP呀!

不過爸B唔開心, 因為覺得唔係自己教嘅~ 而係工人姨姨教嘅! 工人姨姨有心機教, 其實都係好事嚟架!

今個禮拜, 上完playgroup..

發現恐龍仔學嘢慢過其他小朋友呀!

SAT, 返幼潛, 佢已經係三月出世, 但係其他四月bb個個識爬喇, 成班得佢一個唔識! .. 人哋仲識用兩隻手指仔攞細細粒嘅通粉入多多樽.. 恐龍仔仲係成隻手咁攞.. 當然未識放手啦!

之後我地同兩個bb去麻布食飯, 恐龍仔有蕃薯食!

SUN, Kindermusik, 其實無咩特別, 只係老師話.. E~ 好似成班都係男仔! 但係有個媽媽話: 有一個女仔! 然後指住-->恐龍仔!  媽媽唯有幫恐龍仔大叫: I'm a BOY!

另外.. 呢個星期, 恐龍仔個面豬仔爆拆! 媽媽一見到好紅好紅已經心知不妙, 叫咗工人姨姨搽隻rich 啲嘅cream, 搽咗一日已經無咁紅, 細咗好多.. 個心無咁痛~ 点知媽媽第二日見到爺爺影咗張相(仲要哂埋)放响枱頭, 個面豬仔好紅好紅, 爺爺仲要好開心咁話: 面仔紅紅咁~幾可愛!  唉~ 媽媽見到就覺得痛!

(recovering~)

屋企e+終於整好個地墊, 恐龍仔要加緊練習喇!