新ticker

大家有無發現ticker上面多咗張相呀？

係恐龍爸揀架！佢話呢兩張相醒目喎！

嘻嘻~ 多謝你呀！

 

pre-B'day

是日休假~
但節目豐富！

如常一早起身，呢日應承咗恐龍仔湊佢返學！

之後，去咗食早餐，發呆！
10am, 行落花園街行吓，多得自由行~都好多舖開咗喇！
入咗窗簾舖運吉！

然後，行過精.品店，見到恐龍仔對筷子~ 買俾表弟！

然後趕去律師樓...
搞掂之後，就係我餐Pre-B'day buffet lunch喇！

平時唔食生蠔嘅我，嚟親langham都唔會放過佢！ yummy~

當然仲有..

飽餐之後... 睇戲！唔明點解，每次公司抽獎，我都中戲飛架喎！因為就到期，加咗$50睇3D! 好貴呀~

玩完一日，仲要打邊爐！哈哈~

難得休息一日呀！

可憐牛

媽咪好對唔住牛牛呀！

今日同爸爸食完飯反到.屋企，諗住同兩隻嘢玩，牛牛掛住玩拖板，於是抱返佢上床，一轉身~ 牛牛由床跌咗落地！

同3年半前同一張床，同一邊床！唔同嘅係，恐龍仔當時大約6-8個月，牛牛歲幾~

同一個大檬媽咪...

一定好痛喇~牛牛喊咗好耐呀~


點解媽咪錯完可以再錯架？！

賴尿問題

足4歲嘅恐龍仔戒咗臨瞓餐奶去戒片，一路都時得時唔得！最好笑嘅係~ 佢濕咗會自己換褲，然後繼續瞓床嘅另一邊！

 

呢日一早，恐龍爸唔係香港，恐龍媽半夜聽見厠所有開厠板聲，好大聲！然後係開櫃樋聲，兩吓！唔~ 攪乜呢？！

於是落床睇睇，恐龍仔揾唔到褲換呀！

於是媽媽幫手揾，隨手摸一摸張床: 無濕！

 

仔呀！你第一次自己落床去厠所呀！！！雖然唔係太成功，但係我相信你下次就會成功架喇！努力！！

紅雨日

落大雨就自然邊度都唔駛去啦！

特別是~ 要帶住隻BB响身邊，我地決定留响屋企！

前文提到，哥哥乖乖練琴，咁牛牛呢？佢練入圈！

因為佢動作太快，入完又搞其他嘢，媽媽影唔到張好d嘅相~ 唯有post一張三角咀嘅古怪牛出嚟笑吓啦！(其實好醜怪！)

玩玩吓，牛牛竟然自己去打開個樽蓋飲水喎！

開心得佢呀！

之後就開始玩奶樽喇！玩到鬥雞眼！

呢隻嘢~ 唔知係咪呢排作病，好扭計！

是日午餐，係Tony Roma 嘅ribs + pasta~ 好好味！pasta source係霖霖媽嘅好介紹，佢响吉之島買，我地就响千色買嘅！唔鹹，啱小朋友口味！而ribs呢，响百佳買架，都係第一次食，好冧呀！yummy~

飯後~ 就甜品時間！

仲有哥哥最愛嘅梨汁！唔係from concentrate嘅！好難買~ 佢真識食！

雨季嚟喇！係時候要入d貨，等一家唔出門都有好嘢食！(但係唔可以入太多，因為就嚟搬喇..)

開始學鋼琴

恐龍仔由尋日開始，正式.學鋼琴喇！

Little Morzart啱啱上星期日上完，咁之後又點呢？考慮咗一陣，因為下一班要10月先開，我地.唔想隔咁耐先再上音樂堂，所以，都係揾老師都啦！

我地屋企座琴，係叔叔多年前用過，搬咗幾次屋，無tune過，所以，老師一彈就嚇親！勁走音喎~

上完堂，老師話恐龍仔睇住譜，d手指仔係reflex咁郁嘅，但係就心急，彈得太快！老師好認真架~有功課做架！

恐龍仔好乖，今日自己話要練琴！

繼續努力呀~希望你有d耐性同恆心學啦！

一隻雙眼皮？！

哥哥細個時，兩隻眼時雙時單，一時左眼一時右眼，到一歲多先定落嚟！人人都讚佢對眼靚！

牛牛一直都係單眼皮，似媽媽！眼細細咁~

今日中午，工人話佢嘔完之稱就變咗咁喇！

左眼突然多咗雙眼皮，好似大咗好多咁！

笑咪咪時，唔再係咪咪魚仔眼喇！

日出

呢排日日都未夠六點就醒！早過日出！

呢日~又係咁，瞓响床望住出面，欣賞天空嘅彩霞，都唔想夠！

終於等到日出，諗起~ 就嚟無得見到呢d風景喇！

此情此境~ .影低佢留個記念啦~

最近去睇附近d樓，想揾短租，發覺~ 呢個境真係好靚好難得架！

探索~

牛牛嘅玩動能力大咗，成日攪攪震，但又唔鍾意玩玩具喎，所以，見到佢玩嘅話，媽媽都會影低佢~

呢日，牛牛玩哥哥d舊玩具，一樣連大人都覺得難玩嘅玩具！

難得佢有興趣~開合開合~

近排，都有俾touch and feel嘅書仔牛牛睇，興趣不大~

反而整古造怪就有！

(又係古怪牛嘅古怪樣！)

難得，俾媽媽見到小手有所行動！影佢啦！

轉個頭~又開始古怪..

好激動~

激動過後~ 繼續食手指！

係呀~口腔期未過，仲有乜都放入口！有d書嘅書角已經"梅"哂...

牛牛另一新發現：水有張力！

洗白白時，見佢不停拍打水面，有時仲會停响水面，有時又大力到水花四淺....

再望望自己隻手仔！

媽媽唔敢打擾你，玩個夠啦！little explorer！

扭計哥哥

哥哥尋晚因為遲咗上床，無故仔聽，好唔開心，喊住瞓咗...

好可憐咁！

一朝起身，同媽媽講：媽咪呀~我尋晚好唔開心呀！

媽咪知道~ 媽咪當然知道啦！

只係估唔到第二朝一早，呢個傻仔就記番起啫！

睇吓你呀~喊到對眼腫哂喇！

呢個哥哥，成日走上去牛牛張網度度玩！

玩到~叫媽媽同佢影相！估唔到~又影到喎！

又一至愛

有日行過百佳，見到有d特別嘅promotion，德國食品，睇見呢隻餅，於是買嚟諗住返工做小食。

返到屋企，貪新鮮，試吓，點知...好脆又唔鹹，搽咗d芝麻漿俾恐龍仔食，即時愛上！

一盒好快食哂！去百佳再揾，貨架上剩下一盒！就係用嚟影相呢盒！

要試吓第二間大百佳揾揾有無...太好味喇！

受傷的小牛與他的新髮型

媽媽放工返到屋企，爸爸匯報：牛牛個口仔撞咗落地，流血呀！

俾媽媽睇睇先...

陰功豬~一定好痛喇！錫返呀！

牛牛如常咁食嘢同玩~無乜事！

晚飯後，媽媽終於有時間同牛牛剪頭髮喇！呢隻嘢同哥哥一樣，成頭汗架！臭c人！

剪咗~希望爽d啦！

牛牛都算合作，無扭計生喊！

你睇我幾有型呀~

呢次算係第一次剪頭髮，因為上次只係剪咗幾刀前面就算！今次係... 大剪後面呀！

剪完，媽媽攞相機，auntie就幫手除衫沖身，搞到... 成身毛咁！

 

晨早~

自從工人放假要湊仔自後，習慣咗6點就醒，亦因為早起身，習慣咗10點就上床瞓覺。

尋晚，同恐龍爸傾新屋點裝修 (哈哈~ 仲有半年！)，傾到11點上床瞓，電話響，同事打嚟問d嘢...

瞓~~~

12點幾，再嚟 (乜咁旺呀？！) ，瞓緊覺個腦轉得慢，但係都俾我諗到解決方法！繼續瞓~

朝早6點，無自然醒，但係有個人仔走入嚟：媽咪早晨呀！

唉~ 真命苦！又要起身喇！

帶埋牛牛同工人，一行4人出發去老麥食早餐，見到晨早嘅校車，竟然6點15分就已經要上車喇！句括聖家同埋另一間九龍區小學...

心諗：點解全日制小學都要咁早上堂架？定係，因為呢區實在遠，仲要係第一站，所以咁早？！

好彩我地搬得快！阿仔~ 阿媽想你7點左右上校車，唔算太貪心啫？！

學識用飲管喇！

牛牛嘅自理能力發展一路都係普普通通，最叻嘅只係自己攞奶樽飲奶，同埋放佢上厠板痾臭臭都算OK。

一路都未識用飲管飲水！以前d人話，用果汁甜甜引d BB吸，但係~ 牛牛係唔飲果汁同雪梨水呢d嘢架！ (佢會作嘔！) 咁點呢？試咗兩三次，都失敗，但次次上playgroupd都俾Sam Sir話佢用奶樽飲水！今朝執嘢出街上playgroup... 媽媽攞起個飲管杯就算！無攞奶樽俾牛牛飲水！

哈哈~ 响火車俾佢玩個水杯，竟然見到飲管內嘅水有郁呀！試多幾下，咬吓~玩吓~佢終於吸到d水喇！因為無諗過係水，佢咳咗幾聲，又繼續玩！

但總算學識咗用飲管吸水啦！

其實~尋晚仲有一大發現：牛牛識\飛吻喇！

開心死媽媽！哈哈~

牛牛，繼續努力呀！媽媽等緊你學識行呀！

----------------

牛牛上pg，班裡面最細係佢，得佢唔識行！

上堂時，好多動作都未做到，連"放手"都只係啱啱開始，時得時唔得！(Sam Sir都發現佢仲有呢個反射動作！)

每次同佢上pg，都幾辛苦，又啱啱係牛牛嘅瞓覺時間，佢無發脾氣，但係就有少少勞嘈同埋攰d囉！遲d我地轉個時間會好d架喇！

今日哥哥話唔想跟埋嚟喎...

因為係母親節前夕，Sam Sir又有禮物送俾媽媽們喇！多謝你嘅小小心意呀！

 

咪嘴教英文 誰說名牌一定好

為慳錢　西人廣播  copy from applydaily

周碩（右）因兒子永濬而學習 Phonics拼音。

 經常聽到已為人母的朋友訴說為孩子選校的苦惱，難道現在選幼稚園都那麼難？「如果選錯了幼稚園，對孩子有很深遠的影響，不是嚇你，可能連握筆寫字的方法、對讀書的興趣都因而有影響。」周碩 04年誕下兒子永濬，在他半歲時便到了親子雜誌當編輯，在學習當母親的同時，也令她更了解香港的幼兒教育。「以前做編輯，聽過很多某大九龍塘幼稚園名校，美其名由外籍老師教授英語，但為了省錢，上英文課時，很多班同時一起上，由外籍老師在廣播中發音，而其他老師則『咪嘴』做出英文發音的嘴形。」誇張麼？更誇張的是有更多學校會用「打手」在親子網宣揚自己的學校有多好，所以周碩認為選學校都是親身體驗吧！

 

推崇蒙特梭利

■周碩會利用課外書教孩子數學，她推介《數學大師》。

跟周碩在短短訪問中，她最常提的是蒙特梭利的教學法，因此，她亦推崇用此教學法的幼稚園。「這教育理念是凡事都是尊重和理解兒童需要的角度出發，而不是塑造兒童達成成年人的主觀期望。」至於其他選幼稚園的必備條件，周碩則認為學校必須設有露天遊樂場，「但必須了解是否真正提供小朋友玩樂，因有部份只作裝飾用而已，另要了解是否太早學習寫字，因孩子 4歲前的手部肌肉還未發育完全，他們因而會做出錯誤的握筆姿勢。」小記在筆錄訪問內容時，看着我的握筆姿勢，她亦提醒我是錯的！「其餘留意的是幼稚園最好是位處地下，因為有指距離地面越近，小朋友的安全感便越強。另外，家長亦要留意選班問題，假如孩子是慢熱的，就可考慮 K1讀半日班，待 K2習慣後便轉讀全日班。」而其他師資等問題，周碩就提議親身參觀學校才能了解教師是否有愛心等，做媽媽的果真辛苦。

親身教育認識世界

周碩當編輯一段日子，便辭去工作，以全職身份照顧兒子。「我會親身教小朋友讀書，因為補習老師不會明白孩子最需要是甚麼，只有當父母的才最了解。」因此，周碩便自己先學 Phonics拼音，消化後，再親身教導孩子。「因為我覺得很多電子輔助工具，如 DVD、英文電子書等都是被動學習，只有傳統的學習才能真正灌輸給他。」教英文由周碩負責，而數學及中文則由台灣人的爸爸擔當。「課本以外，我覺得眼睛看不到的能力才最重要，就如自理能力等。」每當有時間，周碩便會帶兒子外出，「我們會行沙灘，讓他赤腳感受沙的質感，風聲亦能刺激耳朵、樹可讓他望遠一點，更有專家指水能令孩子心情平靜，所以帶他們真正觀察事物、認識這個世界才最重要。」沒錯，聽說日本孩子連雞的樣子都沒看過，究竟是社會的錯，還是家庭教育的錯？

■為孩子學好英文，周碩在圖書館借了 Phonics拼音書作參考。

■曾著作《選錯幼校學錯師》、《用對方法讀好書》等書籍給家長閱讀。

古怪牛嘅古怪樣！

呢隻牛牛，最鍾意走去電視櫃度攪攪震！

有日，玩CD...

開心得佢呢~~

玩具又唔見佢玩喎！

放佢落網床呢~ 就扭計！

好醜怪呀！

左下嗰張... 古惑仔樣！哈哈！

 

同場加演~ 光豬仔一隻！

 

睇完呢堆相，好多朋友都話牛牛越大越似媽媽呀！！！ 哈哈~