2007/4/1 <日>
余医生巡房, 話去水去得好理想, 去多咗成一公升水呀!
12点可以拆喉, 自己試去小便, 成功嘅話, 話可以去親親BB喇!!!!
中午, 好努力咁飲水, 試起身~~ 嘩嘩! 痛! 跟本用唔到力! 較好床嘅高度去就力, 試咗幾次, 終於成功! 多謝老公嘅幫助! 但係, 半夜無人幫又点呢? 老公話: 如果真係唔得就call姑娘囉!
第一次去小便, 真係好難就力: 坐又唔係 (驚企唔返身), 企又唔係! 点知, 姑娘話volume唔夠呀! 繼續努力啦!
約3pm, 終於合格, 老公推輪椅送我去睇BB! 其實係餵奶時間, 不過姑娘已經餵咗喇! 我就抱下BB囉!
之後, 除咗半夜嗰歺奶, 我歺歺都有去餵架~~ 不過呢隻仔好懶, 唔肯啜, 無計, 喊到拆天, 個個BB都好合作咁食奶奶, 但我嗰隻就係咁喊~~~ 你話幾hurt喇!
仲有~ BB有個黑眼圈.. 望吓望吓~ 會諗: 如果医生落個鉗個位爭dd.. BB隻眼咪...
為咗見多BB幾面, 教洗白白時間, 我地俾姑娘捉咗BB做model~ haha! 好開心呀!
出院嗰日, 余医生想我住多日, 因為d血壓都未係咁正常~ 不過因為遇正復活節假, 佢自己都有兩日唔喺HK, 所以都唔想留我喇!
