出牙仔喇!!!!!

睇唔睇到呀! 我出緊牙仔呀!

 

返咗屋企幾日喇!

呢幾日, 每日都見到媽咪, 仲陪恐龍仔覺覺豬, 生活適應中!

我地全家出咗兩次街街, 仲去咗又一城影相添呀!

呢度係樓下大堂...有人貪心, 想要禮物~

呢份先係我架!  幾開心!

 

Merry X'mas

dino@studio

傻爸b傻得好可愛呀!

平時每個星期五媽咪會同爸b一齊去婆婆度接恐龍仔返屋企, 但係因為工程關係, 恐龍要留係婆婆度.. 話說媽咪同爸b講好咗返屋企食飯, 媽咪接到爸b電話話離開公司成40分鐘都未見人, 咪打俾爸b囉, 佢話响樓下, 咁咪叫工人姨姨開飯囉~~点知.. 有人去咗婆婆樓下, 可能好掛住隻恐龍, 可惜恐龍仔已經, 爸b唯有影咗恐龍仔個傻樣, show俾媽咪睇~ 到此一遊咁話!

傻爸b傻得好可愛呀!

 

星期六, 媽咪捉咗工人姨姨同恐龍仔打針.. uncle幫恐龍仔打咗先.. 有d bb喊呀! 次次都唔喊架!!!! 今次係第一次! 跟住極速送番恐龍bb返婆婆度, 媽咪竟然唔記得攞奶粉添!

 

星期日, 爸b終於掃掂間房, 同媽咪去咗BBQ, 因為買唔到炭, 唯有買咗包環保炭.. 都係第一次用咋, 原來唔使点理佢就得, 好易着火, 不過就唔係好慣, d火古古怪怪咁!  越燒越細火

星期一, 新床終於送到, 不過.. 當然有d問題啦! 爸B扣起咗千幾蚊尾數, 不過唔知幾時至收科

恐龍仔八個月大~~ 企得好叻喇!

本來照原定計劃, 恐龍仔本應搬咗番屋企架喇, 最衰間傢俬鋪漏咗單!!!!

 e+仲要等多10日, 嬲c!!!

呢個星期, 叫咗工人姨姨(not 姐姐, 佢大過媽咪!) 去婆婆度兩日一夜, 睇下恐龍仔响婆婆度嘅daily routine, 都算ok啦, 工人姨姨話隻恐龍好乖, 唔喊架!

星期六, 媽咪帶咗恐龍仔返公司, 見下媽咪個上司~陳博士叔叔! (呢個人好怪, 又唔鍾意人叫佢做陳博士,亦唔鍾意人叫佢做叔叔, 要叫哥哥喎!

) 叔叔突然接到個電話要做d嘢, 媽咪話幫佢啦, 咁呢個叔叔就睇住恐龍仔一陣咁多, 但係當三分鐘後媽咪番到嚟~~~ 恐龍仔係喺度

緊囉, 有人無鬼用,連隻bb恐龍都搞唔掂!

 講開呢位博士叔叔, 佢年青有為, 30未到, 高大威猛, 唔係書呆子, 好玩得, 又係鋼琴高手, 好高質素架.. 但係無女朋友, 你地有無d靚女介紹呀?

 (後生時又唔見有d咁嘅盤喎!) (Caroline姨姨話 : 就算當時有, 見到人哋咁叻, 自己都會自卑啦!)(well, 講下都得唶!

)

講番恐龍仔呀~ 星期六捉住佢對手仔佢就不停咁扭patpat, 跳, 同笑! 好開心咁~~原來恐龍愛跳舞呀!!!

 當然.. 都係依然愛流口水啦!  於是~星期日一早去晨運時, 媽咪帶咗恐龍仔去playroom, 俾恐龍扶住欄杆企, 傻恐龍好開心, 隻腳仔仲會左右左右咁提起, 想行咁樣, 唔夠力時又會跌低再起番身! 佢一副滿足嘅樣, 令到做媽咪嘅响樹諗~~係要俾小朋友自己試同努力, 過程中少少嘅成就..已經見到佢好開心喇! 媽媽又上咗一課, 就係要放開手, 俾bb自己試!!

 

恐龍仔叻叻呀! 

很多第一次的一天

 

 

第一次吃新來的工人煮的第一歺飯~

第一次做” 老板”

說了多年~ 第一次飯後去後山散步~

在馬鞍山住了6年多, 終於可以在戶外看星.. 雖然有一定的光害, 但天還算清, 我數到30多顆星呀! (別管我的臉, 救不了!!)

還有, 第一次感受到事業的成就, 那種自在… 很高興看到大家努力的成果和感到驕傲!

學企喇!

e+開始唔可以放恐龍仔一個坐响床仔喇~佢識得扶住床邊企起身喇! 如果你伸手俾佢 佢仲會扶住起身架! 仲有仲有, e+成日<請請>, 好鬼得意!

扶住想企起身~ (c啦~好大個眼袋呀!)

 同埋瞓响度<請請>~

星期五係恐龍仔第一次上影樓嘅大日子, 爸B媽咪分別都請咗假去影相相! 恐龍仔响車度瞓到落車, 上到影樓好似未瞓醒咁, 攝影師叔叔氹咗恐龍仔好耐, 傻bb都係唔願笑.. 一路影都係一個cool樣, 係到最後要除衫衫先有番dd鬼馬表情, 3個大人扮鬼扮馬, 都引唔到一隻bb笑, 認真攞命!

 早知帶PINGU去引佢笑啦!

回程~又瞓過, 兩覺夾埋唔夠兩個鐘, 就係呢隻恐龍全日嘅小睡喇!

晚飯約咗公公婆婆同埋舅舅一家, 表弟"茶茶"好可愛呀, 不過有d恐龍唔夠瞓, hyperactive, 搞到爸B媽咪無啖好食, 雞咁腳食完就走, 好在趕到班shuttle返屋企, 並成功喺車度瞓着咗 (佢嚟轉身望住隔離姐姐個電話望咗好耐, 仲以為唔願瞓添, 点知係嚟住咁瞓着咗! )

有人仲未識爬呀!

星期六, 成日攞嘢where, 想企! 笑到你c, 一眼都唔敢離開! 仲有就係"咬"下lip, 搞到好似鴨咀咁, 個係好可惜影唔到! e+如果俾佢見到人哋有嘢食, 佢會眼甘甘望住, 要食埋一份!

恐龍愛吃魚!

今個星期, 恐龍仔無乜点同媽媽玩, 因為媽媽要做last minute prep呀!  公公生日, 媽媽忙到無件事, 連舅舅都係咁! 好在有恐龍仔錫番傻公咋!

星期六, 媽媽就啱時間做完嘢去公公婆婆度接埋恐龍仔一齊去Brayden表弟個滿月party~ 好多人呀! 仲有d伯公伯婆/叔公叔婆未見過恐龍仔架~都有出現! 我地出名早瞓架嘛~婆婆佢好殘忍咁見到人哋郁咗幾下就的咗人起身呀!

 媽媽見到想出聲架..不過又諗~ 算啦! 唉~  btw,Braydend頭髮好靚呀! 成個睡寶寶咁, 任人舞嘅!

星期日, 媽媽一早陪恐龍仔玩咗兩個鐘, 好在都眼瞓, 再小睡兩個鐘之後又返工喇! 得爸B陪住恐龍仔咋! 不過d 尖叫恐龍煩到爸B讀唔到書呀! 癲咗一輪, 終於喺媽媽返屋企前

  之後, 又要返公公婆婆度喇!

去公公度途中, 俾媽媽發展恐龍又有新搞作~ 就係

喇! lam到咀邊濕哂, 但係又好似識得"塑"番d口水吞番咁, 無流口水bor! 恐龍仔lam脷個樣好鬼可愛, 搞到有d媽咪同爸B傻笑呀!

 好可惜無帶相機出街..

去到公公度, 公公蒸咗鯇魚呀!公公話俾媽媽知:恐龍愛吃魚~ 点知.. 係好好鍾意食, 慢d都

 or where 人! 好搞笑

喺度祝傻公身體健康, 開開心心!

祝傻媽  工作順利, 恐龍仔有份付出架!!!